ཕྱི་ལོ་༢༠༢༢ ཟླ་༨ ཚེས་༢༣ ཉིན། ༧གོང་ས་མཆོག་གིས་བོད་ནང་ལ་ཆ་བཞག་ན་བོད་རྒྱ་ཆེའི་མི་མང་གི་སེམས་ཤུགས་དེ་དངོས་གནས་དྲང་གནས་རི་བཙུགས་པ་བཞིན་འགྱུར་བ་མེད་པ་རེད་འདུག ང་ཚོར་དཔལ་ན་ལེནྡྲའི་ནས་རྒྱུད་པའི་རིག་གཞུང་དང་སངས་རྒྱས་ཀྱི་ཆོས་ཧ་ཅང་སྤུས་དག་པོ་ཞིག་ཡོད་པར། རྒྱ་མིའི་མཁས་པ་མང་པོས་དོ་སྣང་གསར་པ་བྱེད་བཞིན་འདུག རིམ་པས་རྒྱ་ནག་ནང་ལའང་བོད་ཀྱི་ཆོས་ཁྱབ་འཕེལ་ཡོང་བཟོ་འདུག དུས་ཀྱི་འགྱུར་བ་འདི་ལྟར་འགྲོ་བས་ནམ་ཞིག་ལ་དྭགས་ཀྱི་བོད་ཀྱི་གྲོགས་པོ་ཚོ་ལྷ་ས་ལ་འཛོམས་པའི་གོ་སྐབས་ཡོང་སྲིད་པས། ཚང་མ་བློ་བདེ་པོ་དང་སེམས་བཟང་པོ་བྱས་ཏེ་བཞུགས། ཅེས་གསུངས་འདུག

ཕྱི་ལོ་༢༠༢༢་ཟླ་༨་ཚེས་༡༠་ཉིན། བཞུགས་སྒར་རྡ་སའི་ནོར་བུ་གསོལ་མགྲོན་ཁང་གི་ཚོགས་ཁང་དུ། བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱིས་གོ་སྒྲིག་འོག བོད་ཀྱི་རིག་གཞུང་དང་ལོ་རྒྱུས་སོགས་ལ་མཁས་པའི་མི་སྣ་་ཉི་ཤུ་ལྷག་གིས་བཙན་བྱོལ་ནང་ད་ལྟའི་བོད་ཀྱི་རིག་གཞུང་གནས་བབ་དང་མ་འོངས་ལམ་སྟོན་ཞེས་པའི་བརྗོད་གཞི་ཐོག་བགྲོ་གླེང་དབུ་འཛུགས་གནང་སོང་།

ཕྱི་ལོ་༢༠༢༢ ཟླ༧ ཚེས་༡༧ཉིན། ཉེ་ཆར་རྒྱ་མི་འགའ་ཡིས་མཉམ་རུབ་བྱས་ནས་བོད་མི་ཚུལ་ཁྲིམས་ལགས་བསད་ཡོད་པར་བརྟེན། བོད་རིགས་ཚོགས་པའི་གོ་སྒྲིག་འོག ཡུ་རོབ་རྒྱལ་ཁབ་ཁག་ནས་བོད་མི་ཁྲི་གཅིག་ཙམ་གྱིས་ཧྥ་རན་སིའི་རྒྱལ་ས་པེ་རི་སིར་འཛོམས་ནས་འདས་པོ་ཁོ་ལ་མྱ་ངན་དང་ནང་མི་ལ་གདུང་སེམས་མཉམ་སྐྱེད། ཁྲིམས་མཐུན་དང་དྲང་བདེན་དགོས་ཞེས་ལས་འགུལ་སྤེལ་བཞིན་འདུག

ཕྱི་ལོ་༢༠༢༢་ཟླ་༨་ཚེས་༡༦་ཉིན། ཁེ་ཎ་ཌ་གནས་ཞུགས་བོད་དོན་ལས་འགུལ་བ་སངས་རྒྱལ་སྐྱབས་ལགས་ཀྱིས་ཟླ་གསུམ་ལྷག་གིས་རིང་བོད་ནང་ཛ་དྲག་གི་གནས་སྟངས་དང་བོད་དོན་སྐོར་རྒྱལ་སྤྱིའི་མི་མང་དང་ཁེ་ཎ་ཌ་ས་གནས་ཁུག་ཀྱོག་ཏུ་གནས་པའི་ཡུལ་མི་རྣམས་ལ་གོ་རྟོགས་སྤེལ་ཆེད་ཁེ་ཎ་ཌ་རྒྱལ་ཡོངས་བོད་དོན་རྐང་འཁོར་སྐོར་སྐྱོད་ཀྱི་ལས་འགུལ་ཞིག་སྤེལ་འགོ་བརྩམས་འདུག

ཕྱི་ལོ་༢༠༢༢ ཟླ་༧ ཚེས་༢༥ཉིན། ༧གོང་ས་མཆོག་གིས་སེམས་པ་བཟང་པོ་ཡོད་ན་རང་ཉིད་ཞི་བདེ་དང་སྐྱིད་པ་ཡོང་གི་ཡོད། གཞོན་སྐྱེས་རྣམས་ཀྱིས་ངེས་པར་སེམས་པ་བཟང་པོ་བྱེད་རྒྱུའི་སྐོར་བསམ་བློ་གཏོང་དགོས། ཇི་ཙམ་གྱི་གོ་མཚོན་མང་བ་བཟོས་ན་དེ་ཚོད་ཀྱི་འགྲོ་བ་མིར་ཞི་བདེ་དང་བདེ་སྐྱིད་ཡོང་གི་མ་རེད། རྒྱ་གར་གྱི་ལོ་ངོ་སྟོང་ཕྲག་མང་པོའི་རིང་གི་གནའ་བོའི་རིག་གཞུང་སྙིང་རྗེ་དང་འཚེ་བ་མེད་པ་ཟེར་བ་ཧ་ཅང་གལ་ཆེན་པོ་ཆགས་ཡོད། ཅེས་བཀའ་སྩལ་འདུག

ཕྱི་ལོ་༢༠༢༢ ཕྱི་ཟླ་༧ ཚེས་༡༠་ཉིན་སྤེལ། ༧གོང་ས་མཆོག་གིས་བྱང་ཆུབ་ཀྱི་སེམས་ནི་ཀུན་བདེའི་ནོར་བུ་ལྟ་བུ་ཆགས་འདུག ཧ་ཅང་རྩ་ཆེན་པོ་རེད། དེ་བཞིན་སྙིང་སྟོབས་བསྐྱེད་པ་དང་སེམས་ལ་ཞི་བདེ་སླེབས་པ་ཚང་མ་བྱང་ཆུབ་ཀྱི་སེམས་ཀྱིས་བྱེད་ཡོང་གི་འདུག རང་གཅེས་འཛིན་གྱི་བློ་ཡོད་པ་ཡིན་ན་ཞེད་སྣང་དང་ང་རྒྱལ། ཕྲག་དོག་བཅས་དེས་ཡོང་གི་ཡོད། གཞན་གཅེས་འཛིན་གྱི་བློ་ཤུགས་ཆེན་པོ་ཡོད་པ་ཡིན་ན་ཉོན་མོངས་ཀྱི་བློ་མང་པོ་ཞིག་རང་བཞིན་གྱིས་ཤུགས་ཆུང་དུ་འགྲོ་བ་ཞིག་རེད། ཅེས་བཀའ་སྩལ་སོང་།