བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག པར་དབང་རྒྱལ་སྤྱིའི་བོད་ཀྱི་ཆ་འཕྲིན།

བཀའ་བློན་ཁྲི་བ་ཟམ་གདོང་རིན་པོ་ཆེས་ད་ལོར་ཨ་རིའི་ནིག་ཡོག་གྲོང་ཁྱེར་དུ་གསུང་བཤད་གནང་བ། ཡིག་ཐོག་ཏུ་ཕབ་མཁན་འབྲོག་མྱི། བཙོན་བྱོལ་བོད་གཞུངགི་བཀའ་བློན་ཁྲི་བ་ཟམ་གདུང་རིན་པོ་ཆེས་ཕྱི་ལོ་༢༠༡༠ལོའི་ཟླ་༥བའི་ཚེས་༢༢ཉིན་ཨ་མེ་རི་ཀའི་གྲོང་ཁྱེར་ནིག་ཡོག་ཏུ་བོད་མི་༥༠༠༠ཙམ་ལ་དབུ་མའི་ལམ་གྱི་སྲིད་བྱུས་བྱུང་རིམ་ཐད་གསུང་བཤད་གནང་བ་དང༌། བཀའ་བློན་ཁྲི་པ་ཟམ་གདོང་རིན་པོ་ཆེས་གསུང་བཤད་ཡོངས་རྫོངས་གཤམ་གསལ་ལྟར།

ྋགོང་ས་མཆོག་གི་སྐུ་ཚབ་དང་དབུས་གཞུང་གི་སྐུ་ཚབ་ཚོའི་དབར་གྲོས་བསྡུར་ཞིབ་ལྷུག་བྱུང་རྗེས་བཞུགས་སྒར་དུ་༢༠༠༨ལོའི་ཟླ་༡༡ཚེས་༡༦ཉིན་གསར་འགོད་གསལ་བསྒྲགས།

བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར།
དང་པོ། ངོ་སྤྲོད།
ཕྱི་ལོ་༢༠༠༢ལོར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབུས་གཞུང་དང་མཉམ་ཐད་ཀའི་འབྲེལ་ལམ་བསྐྱར་གསོ་བྱུང་རྗེས་ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ཆེན་པོའི་སྐུ་ཚབ་དང་དབུས་གཞུང་གི་སྐུ་ཚབ་ཚོའི་དབར་གྲོས་བསྡུར་ཞིབ་ལྷུག་བྱུང་བ་དང༌།