རེ་འབྲས་རྙིད་པ། རེ་སྒུག་ནི་མི་ཞིག་གི་མི་ཚེའི་རེ་སྙེག་ཅིག་ཡིན་ལ། རེ་སྙེག་དེས་མི་དེར་བདེ་སྐྱིད་དང་སྡུག་བསྔལ་གང་ཞིག་ཁུར་ཡོང་མིན་ཆ་མ་འཚལ། མི་སུ་ཞིག་ཡིན་ཡང་རེ་བ་ནི་བརྩེ་དུང་དང་། དཔལ་འབྱོར། བདེ་སྐྱིད། སྤྲོ་སྣང་སོགས་ཡིན་ལ་མི་འདོད་པ་ནི་དེ་ལས་ལྡོག་ཕྱོགས་རྐྱང་རྐྱང་ཡིན།

ཁྱོད་ཀྱིས་བརྗོད་ན་བརྩེ་དུང་ནི་བདེ་སྐྱིད་ཀྱི་ངོ་བོ་ཡིན་ཟེར། ཁོང་གིས་བཤད་ན་བརྩེ་དུང་ནི་སྡུག་བསྔལ་གྱི་རྨང་གཞི་རེད་ཟེར། བདག་གིས་བསམ་ན་བརྩེ་དུང་ནི་མངོན་ལྐོག་མེད་པའི་ཡིད་ཆེས་བྱེད་སྟངས་ཤིག་གོ།།