སྤྱི་ལོ་༦༡༧ལོར་སྲོང་བཙན་སྒམ་པོ་ད་ལྟའི་ལྷ་ས་གྲོང་ཁྱེར་མལ་གྲོ་གུང་དཀར་རྫོང་རྒྱ་མ་ཤང་གི་བྱམས་པ་མི་འགྱུར་ཕོ་བྲང་དུ་འཁྲུངས་པ་དང་དེ་སྔ་དེ་གར་རྒྱ་མ་ཁྲི་སྒང་ཞེས་བརྗོད་ཀྱི་ཡོད། ད་ཆ་བྱམས་པ་མི་འགྱུར་གླིང་ཕོ་བྲང་དེར་ཉམས་གསོ་ཞུས་ནས་སྲོང་བཙན་སྒམ་པོའི་དྲན་གསོ་ཁང་བཞེངས་ཡོད།

མཚན་རྒྱས་པར་གྲྭ་བཞི་བརྟེན་བཞུགས་ཆོས་འཁོར་གླིང་ཞེས་ཞུ། སེ་ར་དགོན་ནས་གཡོན་ངོས་སུ་སྤྱི་ལེ་གསུམ་ཙམ་མར་ཡོང་ན་དགོན་དེར་སླེབས། ཐོག་མར་གནས་དེར་བཀའ་བརྒྱུད་པའི་དགོན་གནས་ཤིག་ཡོད་སྐད་ལ་རྒྱལ་བ་ལྔ་པའི་དུས་དགེ་དགོན་དུ་འགྱུར།