13
Thu, Jun

གལ་ཆེན་གསར་འགྱུར་གཞན།

Grid List

ཕྱི་ལོ་༢༠༢༤ ཟླ ༦ ཚེས་༡ ཉིན་སྤེལ། དྲུག་གཅིག་རྒྱ་ནག་གི་བྱིས་པའི་དུས་ཆེན་ཉིན། རྒྱ་ནག་སྲིད་གཞུང་གིས་བུད་མེད་ཚོགས་པ་དང་ཚོགས་པ་གཞན་བརྒྱུད་ནས་ཕྲུག་གུ་ཚོ་རྒྱ་ནག་གུང་ཁྲན་ཏང་ལ་དགའ་ཞེན་ཡོང་ཐབས་ཀྱི་བྱ་འགུལ་སྤེལ་བཞིན་འདུག བོད་ཕྲུག་ཚོར་རྒྱ་དམར་སྲིད་གཞུང་བཟང་རབས་དང་བཀའ་དྲིན་ཆེ་རབས་སོགས་བཤད་ནས་བསམ་བློ་བཅོས་འགྱུར་གྱི་ལས་འགུལ་སྤེལ་བཞིན་ཡོད་འདུག

ཕྱི་ལོ་༢༠༢༤ ཟླ ༥ ཚེས་༢༩ ཉིན་སྤེལ། ཉེ་ཆར་རྒྱ་གཞུང་གིས་བོད་པའི་དགོན་སྡེ་ཁག་ཏུ་སྤྱི་ནོར་༸གོང་ས་རྒྱལ་བ་རིན་པོ་མཆོག་དང་འབྲེལ་བའི་ཇུས་ངན་གསར་པ་ཞིག་སྤེལ་བཞིན་འདུག ཇུས་ངན་དེ་དག་ནི་རྒྱ་གཞུང་གིས་༸རྒྱལ་བ་རིན་པོ་དགོངས་པ་རྫོགས་རྗེས་བོད་ནང་དང་དམིགས་བསལ་དགོན་སྡེ་ཁག་ཏུ་རྒྱ་གཞུང་ལ་ངོ་རྒོལ་འབྱུང་ངེས་རེད་བསམས་ནས་ད་ལྟར་ནས་དགེ་འདུན་པ་དང་བཙུན་མ་རྣམས་ལ་སློབ་གསོ་དང་ཁོ་ཚོའི་བྱ་སྤྱོད་ལ་ལྟ་རྟོག་ནན་པོ་བྱེད་ཀྱི་ཡོད་འདུག

ཕྱི་ལོ་༢༠༢༤ ཟླ་༤ ཚེས་༢༤ ཉིན་སྤེལ། རྒྱ་གཞུང་གིས་བོད་ཀྱི་ཕུགས་འདུན་ལས་རིགས་རྩལ་ནུས་སློབ་གྲྭ་ཞེས་པ་ཞིག་སྒྲིག་འགལ་གྱི་བྱ་སྤྱོད་བྱས་ཡོད་པའི་ཉེས་མིང་འོག་ནས་སློབ་གྲྭ་དེ་ཡི་སློབ་གཉེར་ཐོབ་ཐང་མེད་པ་བཟོས་འདུག སློབ་གྲྭ་དེ་ཡིས་བོད་མི་མང་པོ་ཞིག་ལ་ལས་ཀ་འདྲ་མིན་གྱི་ལས་རྩལ་བསླབས་ཡོད་པ་དང་ལས་རྩལ་དེ་དག་བརྟེན་ནས་བོད་མི་རྣམས་ཀྱིས་ལས་ཀ་ཡང་རག་ཡོད་པ་རེད། འོན་ཀྱང་། རྒྱ་གཞུང་གིས་སློབ་གྲྭ་དེ་ཡིས་སྒྲིག་འགལ་བྱ་བ་སྤེལ་ཡོད་སྐོར་བརྗོད་ནས་སློབ་གཉེར་ཐོབ་ཐང་མེད་པ་བཟོས་འདུག

ཕྱི་ལོ་༢༠༢༤ ཟླ་བ་ ༦ ཚེས་ ༡༡ ཉིན། བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བོད་མིའི་སྒྲིག་འཛུགས་ཀྱི་བཀའ་བློན་ཟུར་པ་དང་ལས་བྱེད་ཟུར་པ་དང་། སྨན་རྩིས་ཁང་གི་སྨན་པ་དང་ལས་བྱེད། སྐུ་སྲུང་ཟུར་པ་བཅས་ནས་སྒྲོལ་དཀར་ཚེ་སྦྱིན་ཡིད་བཞིན་འཁོར་ལོའི་སྒོ་ནས་བརྟན་བཞུགས་བསྟར་འབུལ་ཞུས་སོང་། སྐབས་དེར། ༸རྒྱལ་བ་རིན་པོ་ཆེ་མཆོག་གིས་ཁོང་ད་དུང་དགུང་ལོ་བཅུ་ཕྲག་འགའ་བཞུགས་རྒྱུ་ཡིན་པའི་ཞལ་བཞེས་བཟང་པོ་ཐོབ་སོང་།

ཕྱི་ལོ་༢༠༢༤ ཟླ ༦ ཚེས་༧ཉིན་གྱི་སྔ་དྲོ་ཆུ་ཚོད་༡༡ ཐོག བོད་ཀྱི་དཔེ་མཛོད་ཁང་གི་ཚོགས་ཁང་དུ། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་སྒྲོལ་མ་ཚེ་རིང་མཆོག །བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་མཆོག་བཅས་ནས། བཀའ་ཟུར་སྐུ་ངོ་བཀྲ་ཤིས་དབང་འདུས་ལགས་ཀྱིས་དབྱིན་ཡིག་ནང་བརྩམས་གནང་བའི་<ངའི་མི་ཚེ། བོད་ཡུལ་རང་དབང་ལུང་པར་སྐྱེས། བཙན་བྱོལ་ཡུལ་དུ་སྲི་ཞུ་བསྒྲུབས>ཞེས་པའི་དཔེ་དེབ་ཅིག་དབུ་འབྱེད་གནང་སོང་།

ཕྱི་ལོ་ ༢༠༢༤ ཟླ་ ༦ ཚེས་ ༣ ཉིན། བཞུགས་སྒར་རྡ་རམ་སའི་ཐེག་ཆེན་ཆོས་གླིང་གཙུག་ལག་ཁང་དུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་པའི་སློབ་ཕྲུག་གཙོས་པའི་གཞོན་སྐྱེས་རྣམས་ལ་ཉིན་གཉིས་རིང་གི་དབུ་མའི་ལྡེ་མིག་གི་ཆོས་འབྲེལ་དབུ་འཛུགས་གནང་སོང་། སྐབས་དེར། ༸གོང་ས་མཆོག་གིས་སློབ་མ་རྣམས་ལ་རྒྱུན་དུ་སློབ་སྦྱོང་བྱེད་སྐབས་དཔྱད་པ་བྱེད་དགོས་པ་གལ་ཆེན་ཡིན་སྐོར་བཀའ་བསྩལ་སོང་།

ཕྱི་ལོ་༢༠༢༤ ཟླ ༥ ཚེས་༢༩་སྤེལ། འདི་ལོ་རྒྱ་གར་གྱི་ལོ་རྒྱུས་ནང་དུ་དྲོད་ཚད་ཆེས་མཐོ་ཤོས་དེ་སླེབས་ཡོད་ཅིང་། འཛམ་གླིང་གི་ལོ་རྒྱུས་ནང་དུ་དྲོད་ཚད་ཆེས་མཐོ་ཤོས་གཉིས་པ་དེ་ཆགས་ཡོད་འདུག དྲོད་ཚད་ཆེ་ཤོས་དང་པོ་དེ་ཕྱི་ལོ་༡༩༡༣་ལོར་ཨ་རིར་སླེབས་ཡོད་འདུག ལྡི་ལིའི་མི་རྣམས་ལ་ཚ་དྲོད་ཆེ་བའི་དཀའ་ངལ་དང་ཆུ་གློག་བེད་སྤྱོད་མང་ཤོས་གཏོང་བའི་ཉིན་ཞིག་ཆགས་ཡོད་འདུག

ཕྱི་ལོ་༢༠༢༤ ཟླ་༥ ཚེས་༥ ཉིན། ཡུ་རོབ་རྒྱལ་ཁབ་བཅུ་ནས་བོད་མི་སྟོང་ཕྲག་བཞི་ལྷག་གིས་རྒྱ་ནག་གི་སྲིད་འཛིན་ཞི་ཅིན་ཕིང་ཧྥ་རན་སིར་སླེབས་པར་ངོ་རྒོལ་གྱི་ལས་འགུལ་ཤུགས་ཆེན་སྤེལ་འདུག ལས་འགུལ་བ་ཚོས་རྒྱ་གཞུང་གིས་བོད་ནང་དུ་བོད་མི་ཚོའི་ཆོས་དད་རང་དབང་གཙོས་པའི་འགྲོ་བ་མིའི་ཐོབ་ཐང་རྣམས་རྡོག་རོལ་བཏང་དང་གཏོང་བཞིན་པར་མཐའ་གཅིག་ཏུ་ངོ་རྒོལ་བྱས་ཡོད་པ་དང་རྒྱ་གཞུང་གིས་བཙན་དབང་ངང་བོད་ཕྲུག་ས་ཡ་གཅིག་ལྷག་རྒྱ་ནག་གི་བཅའ་སྡོད་སློབ་གྲྭ་ནང་དུ་བཅུག་པའི་སྡུག་རྩུབ་ཅན་གྱི་སྲིད་བྱུས་མཚམས་འཇོག་དགོས་པའི་དགོས་འདུན་བཏོན་འདུག

ཕྱི་ལོ་༢༠༢༤་ཟླ་༡ ཚེས་༡༥ ཉིན་སྤེལ། ཨ་རིའི་ཕྱི་ལོ་༢༠༢༤་ལོའི་འོས་བསྡུ་རིམ་པོ་དང་པོ་དེ་རིང་ནས་འགོ་འཛུགས་བྱེད་ཀྱི་ཡོད་པ་དང་། སྲིད་འཛིན་འོས་མི་གཙོ་བོ་ཁག་ནི་ལས་ཐོག་སྲིད་འཛིན་ཇོ་བྷི་ཌན་དང་སྲིད་འཛིན་ཟུར་པ་ཌོ་ཎལ་ཊུམ་ཕུ། དེ་བཞིན་དེ་སྔོན་མཉམ་འབྲེལ་རྒྱལ་ཚོགས་ནང་ཨ་རིའི་སྐུ་ཚབ་གནང་མྱོང་མཁན་བུད་མེད་ནི་ཀི-ཧཱ་ལེ་བཅས་སྲིད་འཛིན་ལ་ལངས་མཁན་འོས་མི་ཁྱོན་༡༩་བྱུང་ཡོད་པ་དང་། དེའི་ནང་ནས་ཕྱིར་འཐེན་བྱེད་མཁན་༨་དང་ད་ལྟར་སྲིད་འཛིན་འོས་མི་ལངས་མཁན་འོས་མི་༡༡་ཡོད་འདུག

ཕྱི་ལོ་༢༠༢༡་ཟླ་༡༡་ཚེས་༣ཉིན། བཞུགས་སྒར་རྡ་ས་བོད་ཀྱི་ཟློས་གར་ཚོགས་པའི་ཚོགས་ཁང་དུ། ལི་ཐང་གཟེངས་རྟགས་གོ་སྒྲིག་ཚོགས་ཆུང་ནས། ༸གོང་ས་མཆོག་ལ་བྱམས་བརྩེའི་དྲིན་གྱིས་བསྐྱངས་པའི་རྗེས་དྲན་འཆི་མེད་བུམ་བཟང་གི་གསེར་གཟེངས་རྟགས་དང་། སྲིད་ཟུར་དང་བཀའ་ཟུར་རྣམས་ལ་ྋརྒྱལ་བའི་བཀའ་བཞིན་སྒྲུབ་བའི་རླབས་ཆེན་གྱི་སྐྱེས་བུའི་དངུལ་གྱི་གཟེངས་རྟགས་ཞེས་པ་འབུལ་ལམ་ཞུས་སོང་།

༢༠༢༠་ལོའི་ཟླ་༡༡་ཚེས་༣་ཉིན་སྤེལ། འདི་ག་རྒྱལ་སྤྱིའི་བོད་ཀྱི་ཆ་འཕྲིན་གསར་ཁང་ནས་གཞོན་སྐྱེས་ཉེར་གཅིག་ལ་སྤྱི་ལོ་༢༠༢༡ལོའི་སྲིད་སྤྱི་འོས་མི་དང་འབྲེལ་བའི་གཤམ་གསལ་དྲི་བ་གཉིས་ཀྱི་ཐད་ལ་བཅར་འདྲི་བྱས་ཡོད།

༢༠༢༠་ལོའི་ཟླ་༡༠་ཚེས་༢༦ཉིན། འདི་ག་རྒྱལ་སྤྱིའི་བོད་ཀྱི་ཆ་འཕྲིན་གསར་ཁང་ནས་གཞོན་སྐྱེས་ཉེར་གཅིག་ལ་སྤྱི་ལོ་༢༠༢༡ལོའི་སྲིད་སྤྱི་འོས་མི་དང་འབྲེལ་བའི་གཤམ་གསལ་དྲི་བ་གཉིས་ཀྱི་ཐད་ལ་བཅར་འདྲི་བྱས་ཡོད།

བོད་ཀྱི་ལོ་རྒྱུས་ཡིག་ཆ།
ལོ་རྒྱུས་པང་པོ་རེད།

བཅར་འདྲི།