ཕྱི་ལོ་༢༠༢༢ ཟླ་༣ ཚེས་༡༤ ཉིན། བཞུགས་སྒར་རྡ་ས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཁང་དུ། སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པ་དབུ་འཛུགས་གནང་ནས། བོད་ནང་གི་ཛ་དྲག་གནས་སྟངས་ཐོག་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་དང་། གཞུང་འབྲེལ་མྱ་ངན་གུས་འདུད་ཀྱི་རྗེས་དྲན་གྲོས་ཆོད་གྲོས་འཆར་ཁག་བཞག་གནང་རྒྱུ་ཡིན་འདུག

ཕྱི་ལོ་༢༠༢༢་ཟླ་༣་ཚེས་༡༠་ཉིན། བཞུགས་སྒར་རྡ་སར་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༣ པ་གཞུང་འབྲེལ་ངོས་ནས་སྲུང་བརྩི་དང་སྦྲགས། རྒྱ་ནག་གཞུང་གི་བཙན་གནོན་འོག་མྱངས་དང་མྱོང་བཞིན་པའི་བོད་དང་། ཤར་ཏུར་ཀིསྠིན། ནང་སོག་བཅས་ཀྱི་ཆབ་སྲིད་བཙོན་པའི་གནས་སྟངས་དང་། འགྲོ་བ་མིའི་ཐོབ་ཐང་། ཆོས་དད་རང་དབང་བཅས་ལ་འཛམ་གླིང་མཉམ་འབྲེལ་རྒྱལ་ཚོགས་གཙོས་འགྲོ་བ་མིའི་ཐོབ་ཐང་ཚོགས་པ་དང་། རྒྱལ་སྤྱིའི་ནང་གཞུང་དང་གཞུང་འབྲེལ་མིན་པའི་ཚོགས་པ་ཁག་ནས་དོ་ཁུར་ཆེ་བཞེས་ཀྱིས་རྒྱ་ནག་གཞུང་ལ་དྲི་བ་དང་། གླེང་སློང་བྱས་ཏེ་གུ་ཡངས་ཀྱི་སྲིད་བྱུས་ལག་བསྟར་ཡོང་ཐབས་བྱ་དགོས། ཞེས་བོད་མི་མང་སྤྱི་འཐུས་ལྷན་ཚོགས་ཀྱིས་རེ་སྐུལ་ཞུས་སོང་།

ཕྱི་ལོ་༢༠༢༢་ཟླ་༣་ཚེས་༨ཉིན་སྤེལ། བོད་མི་༡༥༠་ཙམ་གྱིས་རྒྱ་གར་བྱང་ཕྱོགས་རྡོ་རྗེ་གླིང་ནས་ས་ལི་སྒ་ར་བར་དུ། རྒྱ་གཞུང་གིས་བོད་ཐོག་འཛིན་པའི་དམ་དྲག་ཅན་གྱི་སྲིད་བྱུས་ལ་ངོ་རྒོལ་དང་། བོད་ནང་གི་བོད་མི་རྣམས་ལ་གདུང་སེམས་མཉམ་བསྐྱེད་བྱེད་ཆེད་ཞི་བའི་གོམ་བགྲོད་གནང་བཞིན་འདུག

ཕྱི་ལོ་༢༠༢༢་ཟླ་༣་ཚེས་༡༢་ཉིན། རྡ་སར་བོད་ཀྱི་བུད་མེད་ལྷན་ཚོགས་ཀྱི་གོ་སྒྲིག་འོག བོད་མི་དང་བོད་དོན་རྒྱབ་སྐྱོར་བ་རྣམས་ཀྱིས་མོག་གྷན་ (Mcleod Ganj)་ནས་རྡ་ཤོལ་ཀ་ཅ་རི་(Kacheri) བར་དུ། ཞི་བའི་གོམ་བགྲོད་གནང་ནས་བོད་ཀྱི་བུད་མེད་སྒེར་ལངས་ཉིན་མོ་ཐེངས་༦༣་པ་སྲུང་བརྩི་ཞུས་སོང་།

ཕྱི་ལོ་༢༠༢༢་ཟླ་༣་ཚེས་༡༠་ཉིན། བཞུགས་སྒར་རྡ་སར་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༣ པ་གཞུང་འབྲེལ་ངོས་ནས་སྲུང་བརྩི་དང་སྦྲགས། བོད་རྒྱའི་དཀའ་རྙོག་གཙང་སེལ་མ་བྱུང་བར་དུ། རྒྱ་གཞུང་གིས་བོད་མིའི་ངོ་བོ་རྩ་གཏོར་དང་། བོད་མིའི་ཐོབ་ཐང་འཕྲོག་བཅོམ་གྱི་གདུག་རྩུབ་སྲིད་ཇུས་ལག་བསྟར་བྱེད་བཞིན་པའི་དངོས་དོན་རྣམས་གྲོས་ཚོགས་དང་། སྲིད་གཞུང་། གསར་འགྱུར་བརྒྱུད་ལམ་ཁག་བཅས་པར་འདོན་འབུལ་ཞུས་ཏེ། གྲུབ་འབྲས་ནུས་ལྡན་འབྱུང་བའི་ཐབས་ཚུལ་མཐའ་དག་ལ་འབད་འབུངས་བྱ་རྒྱུ་ཡིན། ཞེས་བཀའ་ཤག་གིས་གསུངས་སོང་།

ཕྱི་ལོ་༢༠༢༢ལོའི་ཟླ་༢་ཚེས༡༣་ཉིན། བཞུགས་སྒར་རྡ་སར་བོད་མི་ཚོས་༧རྒྱལ་བ་སྐུ་ཕྲེང་༡༣་པས་བོད་རང་བཙན་གསལ་བསྒྲགས་གནང་ནས་ལོ་ངོ་༡༠༩ འཁོར་བའི་བོད་རང་བཙན་ཉིན་མོ་སྲུང་བརྩི་ཞུས་སོང་། སྐབས་དེར་བོད་རང་བཙན་སླར་གསོའི་ཡོངས་ཁྱབ་གསལ་བསྒྲགས་དང་དེའི་ལོ་རྒྱུས་ཞེས་པའི་བརྗོད་གཞི་ཐོག་གཏམ་བཤད་གནང་སོང་།