དགེ་འདུན་ཆོས་ཉི་མ་མཆོག་གློད་གྲོལ་དགོས་ཞེས་རྐང་འཁོར་སྐོར་བསྐྱོད་ཀྱི་ལས་འགུལ་སྤེལ་འདུག
ཕྱི་ལོ་༢༠༢༥ ཟླ་༥ ཚེས་༢༥ ཉིན། བོད་ཀྱི་ལས་འགུལ་བ་འཇམ་དབྱངས་བསྟན་འཛིན་ལགས་ཀྱིས་བོད་དོན་དང་༸ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཉི་མ་མཆོག་གི་སྐོར་གོ་རྟོགས་སྤེལ་ཆེད་རྒྱ་གར་གྲོང་ཁྱེར་ཁག་ནས་རྐང་འཁོར་སྐོར་བསྐྱོད་ཀྱི་ལས་འགུལ་སྤེལ་ནས་དེ་རིང་དྷ་རམ་སར་བདེ་འབྱོར་གནང་སོང་། ཁོང་གིས་རྒྱལ་སྤྱིའི་སྤྱི་ཚོགས་ནས་རྒྱ་དམར་གཞུང་ལ་གནོན་ཤུགས་སྤྲད་ནས་༸ཀུན་གཟིགས་པཎ་ཆེན་རིན་པོ་ཆེ་མཆོག་གློད་གྲོལ་ཡོང་ཐབས་གནང་དགོས་པའི་འབོད་སྐུལ་ཞུས་སོང་།