རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
ཕྱི་ལོ་༢༠༢༥ ཟླ་༣ ཚེས་༡༠ ཉིན། བོད་ཀྱི་གཞུང་འབྲེལ་མིན་པའི་ཚོགས་པ་བཞི་ཡི་གོ་སྒྲིག་འོག བོད་ཀྱི་དགེ་འདུན་པ་དང་བཙུན་མ་གཙོས་པའི་བོད་མི་བརྒྱ་ཕྲག་འགའ་ཡིས་རྡ་ས་ཐེག་ཆེན་ཆོས་གླིང་གཙུག་ལག་ཁང་ནས་རྡ་ཤོད་ཀ་ཅ་རི་བར་དུ། བོད་ལ་རང་དབང་དགོས། བོད་ལ་འགྲོ་བ་མིའི་ཐོབ་ཐང་དགོས། བོད་མི་དམར་གསོད་གཏོང་བར་མཚམས་འཇོག་དགོས།
ཕྱི་ལོ་༢༠༢༥ ཟླ་༣ ཚེས་༨ ཉིན། བཞུགས་སྒར་རྡ་རམ་སའི་མོག་གྷན་སྤྱི་ཐང་དུ། དབུས་དང་ས་གནས་བོད་ཀྱི་བུད་མེད་ལྷན་ཚོགས་ཀྱིས་རྒྱལ་སྤྱིའི་བུད་མེད་ཉིན་མོ་སྲུང་བརྩི་ཞུས་སོང་། སྐབས་དེར། བོད་ནང་བུད་མེད་ཚོས་རྒྱ་ནག་གཞུང་གི་བཙན་གནོན་སྲིད་བྱུས་འོག་དཀའ་ངལ་སྣ་ཚོགས་འཕྲད་བཞིན་ཡོད། བུད་མེད་དེ་དག་མི་རིགས་དང་ཕོ་མོའི་དབྱེ་བ་ལ་བརྟེན་ནས་སྤྱི་ཚོགས་དང་དཔལ་འབྱོར། ཆབ་སྲིད་ཀྱི་ཁྱབ་ཁོངས་སུ་རྒྱུན་དུ་ཕྱོགས་ལྷུང་དང་དབྱེ་འབྱེད་བྱེད་ཀྱི་ཡོད། བོད་ཀྱི་བུད་མེད་ཚོས་འདྲ་མཉམ་དང་དྲང་བདེན་གྱི་འཐབ་རྩོད་ནང་ཡིད་ཆེས་བྱེད་ཐུབ་པའི་བརྟན་ལྷིང་དང་བློ་ཐག་ཆོད་པོ་བསྟན་ཡོད། ཅེས་བོད་ཀྱི་བུད་མེད་ལྷན་ཚོགས་ཀྱིས་བརྗོད་སོང་།
ཕྱི་ལོ་༢༠༢༥ལོའི་ཟླ་༢་ཚེས༡༣་ཉིན། བཞུགས་སྒར་རྡ་རམ་སའི་ས་གནས་འགོ་འཛིན་ཚོགས་ཁང་དུ། བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག བོད་མི་ཚོས་༧རྒྱལ་དབང་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོ་མཆོག་གིས་བོད་རང་བཙན་ཡོངས་ཁྱབ་གསལ་བསྒྲགས་གནང་ནས་ལོ་ངོ་༡༡༢ འཁོར་བའི་ཉིན་མོ་སྲུང་བརྩི་ཞུས་སོང་། སྐབས་དེར། གཏམ་བཤད་པ་རྣམ་པས་བོད་དེ་རྒྱ་གཞུང་གིས་མིང་བསྒྱུར་ཐབས་གཏོང་བཞིན་པ་འདི་ནི་བོད་ཀྱི་ལོ་རྒྱུས་ནག་བསུབ་གཏོང་ཐབས་ཀྱི་བྱ་སྤྱོད་རེད་ཟེར་ནས་རྒྱ་གཞུང་ལ་ངོ་རྒོལ་དང་སྐྱོན་བརྗོད་གནང་སོང་།
ཕྱི་ལོ་ ༢༠༢༤ ཟླ་ ༡༢ ཚེས་ ༢༥་དང་བོད་ཟླ་༡༠་ཚེས་༢༥ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཇམ་མགོན་བླ་མ་ཙོང་ཁ་པ་ཆེན་པོས་འོད་གསལ་མངོན་དུ་མཛད་དེ་ལོ་ངོ་ ༦༠༥ འཁོར་བའི་དགོངས་རྫོགས་ཀྱི་དུས་ཆེན་དགའ་ལྡན་ལྔ་མཆོད་མཆོད་འབུལ་གྱི་ཚོགས་མགོན་དུ་ཆིབས་བསྒྱུར་བསྐྱངས་གནང་མཛད་ནས་བླ་མཆོད་བདེ་སྟོང་དབྱེར་མེད་མའི་སྒོ་ནས་ཚོགས་མཆོད་འབུལ་གནང་མཛད་སོང་།
ཕྱི་ལོ་ ༢༠༢༤ ཟླ་ ༡༢ ཚེས་ ༢༥་དང་བོད་ཟླ་༡༠་ཚེས་༢༥ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་འཇམ་མགོན་བླ་མ་ཙོང་ཁ་པ་ཆེན་པོས་འོད་གསལ་མངོན་དུ་མཛད་དེ་ལོ་ངོ་ ༦༠༥ འཁོར་བའི་དགོངས་རྫོགས་ཀྱི་དུས་ཆེན་དགའ་ལྡན་ལྔ་མཆོད་མཆོད་འབུལ་གྱི་ཚོགས་མགོན་དུ་ཆིབས་བསྒྱུར་བསྐྱངས་གནང་མཛད་ནས་བླ་མཆོད་བདེ་སྟོང་དབྱེར་མེད་མའི་སྒོ་ནས་ཚོགས་མཆོད་འབུལ་གནང་མཛད་སོང་།
ཕྱི་ལོ་ ༢༠༢༤ ཟླ་ ༦ ཚེས་ ༣ ཉིན། བཞུགས་སྒར་རྡ་རམ་སའི་ཐེག་ཆེན་ཆོས་གླིང་གཙུག་ལག་ཁང་དུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་པའི་སློབ་ཕྲུག་གཙོས་པའི་གཞོན་སྐྱེས་རྣམས་ལ་ཉིན་གཉིས་རིང་གི་དབུ་མའི་ལྡེ་མིག་གི་ཆོས་འབྲེལ་དབུ་འཛུགས་གནང་སོང་། སྐབས་དེར། ༸གོང་ས་མཆོག་གིས་སློབ་མ་རྣམས་ལ་རྒྱུན་དུ་སློབ་སྦྱོང་བྱེད་སྐབས་དཔྱད་པ་བྱེད་དགོས་པ་གལ་ཆེན་ཡིན་སྐོར་བཀའ་བསྩལ་སོང་།
ཕྱི་ལོ་༢༠༢༤ ཟླ་༥ ཚེས་༡༨ ཉིན། བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཀར་ལུ་རིན་པོ་ཆེ་མཆོག་གིས་ཇི་ལྟར་གསོལ་བ་བཏབ་པ་ལྟར་མགོན་པོའི་རྗེས་གནང་བསྩལ་གནང་མཛད་སོང་། སྐབས་དེར། ༸གོང་ས་མཆོག་ལ་བརྟན་བཞུགས་བསྟར་འབུལ་ཞུས་སོང་།
