མང་གཙོ། འབྱུང་འགྱུར་མ་འོངས་པའི་གནས་ཚུལ་འདི་རང་བཞིན་བརྗོད་བདེར་གྱུར་པ་ཞིག་མ་ཡིན་ཡང༌། དངོས་ཡོད་གནས་སྟངས་ལ་གཞིགས་པའི་མ་འོངས་པའི་ཆེད་དུ་གྲ་སྒྲིག་བྱེད་རྒྱུ་ནི་འགྲོ་བ་མིར་གྱུར་པ་ཀུན་གྱི་ལས་འགན་ཡིན།

ལོ་ལྟར་བོད་ཟླ་༥ཚེས་༥ཉིན་(རྗེས་སོར་ཕྱི་ཟླ་ྋཚེས་༦ཉིན་མོ་འདི་ནི་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་གི་འཁྲུངས་སྐར་དུས་ཆེན་ཁེལ་བ་དང་ཉིན་དེར་བོད་ཕྱི་ནང་གཉིས་བོད་མི་སྤྱི་བོ་གནམ་བསྟན་ཡོངས་ཀྱིས་མགོན་པོ་གང་ཉིད་ཀྱི་བཀའ་དྲིན་རྗེས་དྲན་ངང་སྙིང་ལ་དགའ་བས་ཁྱབ་ཅིང༌།

ཕྱི་ལོ་༢༠༢༥ཟླ་༡༢ཚེས་༡༠ཉིན་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་མི་ལོ་༧༥འཁོར་བ་དང༌། འདི་ལོའི་འགྲོ་བ་མིའི་ཐོབ་ཐང་ཉིན་མོའི་འབོད་ཚིག་ནི། འགྲོ་བ་མི་ཡོངས་ལ་ཆེ་མཐོང་དང་རང་དབང་སྤྱི་སྙོམ་དྲང་བདེན་ཞེས་པ་དེ་ཆགས་ཡོད།

ལོ་རེའི་ཕྱི་ཟླ་༩ཚེས་༢ནི་བོད་ལྗོངས་མང་གཙོའི་དུས་ཆེན་གྱི་ཉི་མོ་ཡིན། དེ་ཡང་གནའ་སྔ་མོ་ནས་ད་བར་འཛམ་གླིང་ཡུལ་གྲུ་ཁག་གི་ནང་རྒྱལ་ཁབ་སྐྱོང་བའི་ལམ་ལུགས་ཇི་སྙེད་ཅིག་དར་ཡོད་པའི་ནང་ནས། མང་གཙོའི་ལམ་ལུགས་ནི་ད་ལྟའི་ཆར་ལེགས་ཤོས་དང་ཁྱབ་ཆེ་ཤོས་དེ་ཆགས་ཡོད་ཅིང།

ཕྱི་ལོ་༢༠༢༥ ཟླ་༤ ཚེས་༥ ཉིན། བཞུགས་སྒར་རྡ་རམ་སའི་ནོར་བུ་གསོལ་མགྲོན་ཁང་དུ། བོད་ལྗོངས་མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གཙོས་པའི་མཆོག་སྤྲུལ་ཧཱུྃ་ཀར་རྡོ་རྗེ་མཆོག་གི་སློབ་མ་སོགས་ཀྱིས་ཁོང་ནི་རྒྱ་གཞུང་གིས་ཉེས་མེད་ཉེས་འཛུགས་ཀྱིས་སྐུ་དཀྲོངས་པ་རེད་ཅེས་དང༌། ཝི་ཏི་ནམ་(Vietnam) སྲིད་གཞུང་ནས་རིན་པོ་ཆེ་མཆོག་གི་གྲོངས་རྐྱེན་རྒྱལ་སྤྱིའི་ཁྲིམས་ལུགས་ལྟར་བརྟག་དཔྱད་ཞིབ་འཇུག་ནན་ཞིབ་ཡོང་བའི་འབོད་སྐུལ་ནན་ཏན་ཞུས་སོང༌། གལ་སྲིད་དེ་ལྟར་གསལ་ཁ་མ་གནང་ན་ཁོང་ཚོས་མུ་མཐུད་ནས་ལས་འགུལ་སྤེལ་རྒྱུ་ཡིན་སྐོར་སོགས་གསུངས་སོང༌། མཆོག་སྤྲུལ་ཧཱུཾ་ཀར་རྡོ་རྗེ་མཆོག་ནི། བོད་ཀྱི་སློབ་གསོ་བ་དང༌། རྩོམ་པ་པོ། ལོ་ཙཱ་བ། ལྟ་གྲུབ་སྨྲ་བ། རི་མོ་བ། ཡིག་གཟུགས་སྒྱུ་རྩལ་པ་སྟེ། ཕྱི་ནང་གི་རིག་གནས་ཀུན་ལ་གཟིགས་པ་ཡངས་ཤིང༌། བོད་བསྟན་སྲིད་མི་རིགས་བཅས་ལ་མཛད་རྗེས་ཆེ་བའི་སྐྱེས་ཆེན་ཞིག་ཡིན་འདུག

ཕྱི་ལོ་ ༡༩༨༩ ལོར་རྒྱ་གར་དུ་ཕེབས་ཏེ་༧གོང་ས་སྐྱབས་མགོན་ཆེན་པོའི་མདུན་ནས་བསྙེན་པར་རྫོགས་ཤིང༌། དཔལ་དུས་ཀྱི་འཁོར་ལོའི་དབང་ཆེན་གཙོས་དབང་ལུང་མན་ངག་མང་པོ་གསན། ལྷོ་ཕྱོགས་དཔལ་ལྡན་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་བྱས་ཤིང་གཞུང་ཆེན་ཁག་ལ་གསན་བསམ་སློབ་གཉེར་མཛད་རྗེས། ཕྱིར་བོད་དུ་ཕེབས་ཏེ་མུ་མཐུད་ནས་བོད་ནང་གི་འབྲས་སྤུངས་དགོན་པའི་ནང་སློབ་གཉེར་གྱི་འཕྲོ་བསྐྱངས་ཡོད་འདུག དེ་ནས་ཨ་རིའི་རྒྱལ་སྤྱིའི་སྐད་ཡིག་སློབ་ཆེན། ཀྲུང་གོ་བོད་བརྒྱུད་ནང་བསྟན་སློབ་གླིང༌། པེ་ཅིང་མཐོ་སློབ་ཀྱི་མཚན་ཉིད་རིག་པའི་སྡེ་ཚན་སོགས་སུ་སློབ་གཉེར་ཡོད་འདུག

ཕྱི་ལོ་༢༠༠༧ ལོར་མགོ་ལོག་ཁུལ་སྲིད་གཞུང་དང་སློབ་གསོ་ལྷན་ཁང་གིས་ཆོག་མཆན་ལྟར་ཧཱུཾ་ཀར་རྡོ་རྗེའི་མི་རིགས་ལས་རིགས་ལག་རྩལ་མཐོ་འབྲིང་སློབ་གྲྭ་བཙུགས་གནང་ཡོད་པ་མ་ཟད༌། སློབ་མ་ཆིག་སྟོང་ལྷག་ལ་སློབ་ཡོན་མི་དགོས་པའི་སློབ་གསོ་སྤྲད་ཡོད་འདུག དེ་ནས་ཧཱུཾ་ཀར་བྱམས་བརྩེའི་སྨན་ཁང་བདུད་རྩིའི་ཕུག་པ་དང༌། དགོན་པར་ལེགས་བཤད་ལྡེ་མིག་དཔེ་མཛོད་ཁང་གསར་འཛུགས་གནང་བ་སོགས་གནང་ཡོད་འདུག

གཞན་ཡང་ཨ་རི་དང༌། ཁེ་ན་ཌ། ཝི་ཏི་ནམ། ར་ཤི་ཡ། རྒྱ་ཡུལ་སོགས་ཀྱི་ཆོས་ཚོགས་མང་པོར་ནང་ཆོས་འཆད་སྤེལ་གནང་བཞིན་པ་དང༌། སློབ་ཚོགས་ཀྱང་ཧ་ཅང་མང་པོ་ཡོད་འདུག དེ་བཞིན་དབུ་མའི་སྟོང་ཐུན་དང༌། ཕུན་སུམ་ཚོགས་པའི་མིའི་རང་བཞིན་ལེགས་པར་བཤད་པ་སོགས་དཔེ་དེབ་ཉི་ཤུ་ལྷག་གསར་རྩོམ་མཛད་ནས་འགྲེམ་སྤེལ་གནང༌་ཡོད་འདུག
ལུང་སྔོན་དགོན་གྱི་གྲྭ་ཚང་ཁག་བཞི་དང༌། ཉེ་འཁོར་གྱི་རྒན་ཁོག་དང༌། དབུལ་བོ། ནད་པ་ཁྲི་ཕྲག་དུ་མར་ལོ་རེར་སྒོར་མོ་དང༌། ཟས་གོས་སྨན་སྦྱིན་སོགས་ཆད་མེད་དུ་གནང༌ཡོད་འདུག དེ་མིན་སྤྱི་ཚོགས་བདེ་འཇགས་དང༌། ཁོར་ཡུག་སྲུང་སྐྱོབ། མི་རིགས་སློབ་གསོ་སོགས་གནང་ཡོད་འདུག

ཕྱི་ལོ་༢༠༢༤་ལོར་རྒྱ་གཞུང་གིས་པཎ་ཆེན་རིན་པོ་ཆེའི་ཡང་སྲིད་དུ་ངོས་འཛིན་བྱས་པའི་རྒྱལ་མཚན་ནོར་བུ་བཙན་དབང་གིས་དགོན་འདིར་གདན་འདྲེན་བྱེད་བཅུག་སྐབས་དམར་གཞུང་གི་འདོད་པ་བཞིན་སྣེ་ལེན་བྱས་མེད་པས་རྐྱེན་གྱིས་རྙོག་གླེང་སྣ་མང་བཟོས་པ་དང༌། ༧གོང་ས་༧སྐྱབས་མགོན་ཆེན་པོའི་ཞབས་བརྟན་ལྗགས་རྩོམ་གནང་བ་ལ་བསྙད་ནས་ ༢༠༢༤ ལོའི་ཟླ་ ༨ པའི་ནང་མཚོ་སྔོན་ཞིང་ཆེན་གྱི་ཉེན་རྟོག་ཚན་པའི་མཐོ་རིམ་འགོ་ཁྲིད་འགའ་ཡོང་ནས་འདྲི་རྩད་མང་པོ་བྱས་ཤིང་མཛུབ་ཐེལ་མནན་བཅུག་ཡོད་པ་དང༌། མགོ་ལོག་གི་སློབ་གྲྭའི་སློབ་གསོའི་ཕྱག་ལས་ཐད་རྒྱ་གཞུང་གི་འདོད་པ་ལྟར་ལག་བསྟར་མ་བྱས་པ་སོགས་སུན་བཙེར་བཟོས་་ཡོད་འདུག

ཕྱི་ལོ་ ༢༠༢༤ ལོའི་ཟླ་༩ པའི་མཇུག་ཙམ་ནས་གར་སོང་ཆ་མེད་དུ་གྱུར་ནས་སློབ་ཚོགས་དག་གི་གཙོས་བོད་ཕྱི་ནང་གི་འབྲེལ་ཡོད་མང་པོས་བློ་འཚབ་གནང་ཡོད་འདུག དེ་ནས་ཉེ་ལམ་གནས་ཚུལ་ཤེས་གསལ་ལྟར་ན་ཕྱི་ལོ་ ༢༠༢༤ ཟླ་ ༩ པའི་མཇུག་ནས་་ཕྱི་ལོ་༢༠༢༥ ཟླ་༣ པའི་ཚེས་༢༥ བར་ཝི་ཏི་ནམ་ (Vietnam) ནང་དུ་དཀའ་ངལ་ཆེན་པོའི་ནང་སྦས་སྐུང་བྱས་ནས་བཞུགས་ཡོད་འདུག སྟབས་མ་ལེགས་པ་ཞིག་ལ་ཕྱི་ལོ་༢༠༢༥ ཟླ་༣ ཚེས་༢༥ ཉིན་ཝི་ཏི་ནམ་གྱི་གྲོང་ཁྱེར་སའ་གྷོན་(Saigon) ནང་དུབཞུགས་ཡོད་སྐབས་ཡུལ་དེའི་ཉེན་རྟོག་པ་དང་རྒྱ་ནག་གསང་བའི་མི་སྣ་ཡོང་ནས་བཞུགས་གནས་ནས་འཛིན་བཟུང་བྱས་ཡོད་འདུག ཟླ་དེའི་ཕྱི་ཚེས་ ༢༨ ཉིན་ས་གནས་སྤྱི་བདེ་ལས་ཁུངས་ལ་རྩིས་སྤྲོད་བྱས་ཡོད་སྐོར་དང་ཉིན་དེ་རང་ལ་སྐུ་བཀྲོངས་འདུག་ཡོད་སྐོར་བརྗོད་སོང༌།

འདིའི་ཕྱི་ཟླ་༤ ཚེས་༡ ཉིན་ལུང་སྔོན་དགོན་དུ་གནས་སྡོད་མངག་གཏོང་ཁང་གིས་འབྲེལ་ཡོད་མི་སྣ་སྐད་བཏང་སྟེ་རིན་པོ་ཆེ་སྐུ་གྲོངས་འདུག་ཅེས་པའི་ཡིག་ཆ་( Death Certificate ) བསྟན་པ་ཙམ་ལས་ཡིག་ཆ་ལག་ཏུ་བཞག་མེད་ལ་པར་ཡང་ལེན་བཅུག་མེད་པ་རེད། ཕྱི་ཟླ་ ༤ ཚེས་ ༣ ཉིན་དགོན་པའི་དགེ་འདུན་པ་བཞི་དང་རྒྱ་གཞུང་གི་འཐབ་ཕྱོགས་གཅིག་གྱུར་ཁང་གི་འགོ་ཁྲིད་དང་ཆོས་ལུགས་ཀྱི་འགོ་ཁྲིད་བཅས་ཝི་ཏི་ནམ་དུ་སྐུ་གདུང་གདན་འདྲེན་ཞུ་བར་ཕྱིན་འདུག་ཀྱང༌། སྐུ་ཕུང་དངོས་སུ་མཇལ་ཐུབ་མིན་དང་ཚུར་རང་དགོན་དུ་གདན་འདྲེན་ཐུབ་མིན་གྱི་གནས་ཚུལ་ཁ་གསལ་གང་ཡང་མེད་པ་རེད་འདུག

ད་ལྟ་སྐུ་ཕུང་Vinmec Central Park International Hospital ཞེས་པའི་སྨན་ཁང་དུ་ཡོད་འདུག འདིར་ང་ཚོ་འབྲེལ་ཡོད་ཡོངས་ཀྱི་རེ་བ་ནི། དམ་པ་ཁོང་གི་གྲོངས་རྐྱེན་གང་ཡིན་སྐུ་ཕུང་ལ་ཝི་ཏི་ནམ་རང་ནས་རྒྱལ་སྤྱིའི་ཁྲིམས་ལུགས་ལྟར་བརྟག་དཔྱད་ཞིབ་འཇུག་ནན་ཞིབ་ཡོང་བའི་འབོད་སྐུལ་ནན་ཏན་ཞུ་བཞིན་ཡོད། ཅེས་བོད་ལྗོངས་མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གཙོས་པའི་མཆོག་སྤྲུལ་ཧཱུྃ་ཀར་རྡོ་རྗེ་མཆོག་གི་སློབ་མ་རྣམས་ཀྱིས་བརྗོད་སོང༌།

ཨོ་གློང་རྒྱལ་ཁབ་ཀྱི་སེི་ཌི་ནེ་གྲོང་ཁྱེར་དུ་གནས་བཞུགས་བོད་མི་རྣམས་ནས་འདི་ག་བཙན་རྒྱལ་རྒྱ་དམར་སྲིད་དབང་གཅིག་བསྡུས་གཞུང་ཚབ་ལས་ཁུངས་མདུན་ངོ་རྒོལ་གནང་སོང༌།

བོད་རྒྱལ་ཁབ་ཆེན་པོའི་རྒྱལ་ཡོངས་རང་དབང་སྒེར་ལངས་ཐེངས་༦༦ པའི་དུས་དྲན་བསྲུང་བརྩི་ཞུ་བ་དང་བསྟུན། བཙན་རྒྱ་དམར་གཞུང་གིས་བོད་རྒྱལ་ཁབ་ཏུ་ཁྲིམས་འགལ་གྱིས་བཙན་འཛུལ་དང་མི་ལོ་༧༠ ཉེ་བར་མི་བསད་འཕྲོག་བཅོམས། མི་སེར་སྤེལ་ཡུལ་ཅན་དུ་བསྒྱུར་བ། ལག་དམར་དམར་དཔོན་མའོ་ནས་མགོ་བརྩམས་ཏེ་སྲིད་དབང་གཅིག་བསྡུས་གཞུང་གི་སྲིད་འཛིན་ཞི་ཅིན་ཕིང་བར་བོད་ཀྱི་ལོ་རྒྱུས་ལ་འཁྱོག་བཤད། བཅོས་བསྒྲིགས། བསྐྱར་བསྒྲིགས་དང་ཡང་བསྒྲིགས་ཀྱིས་ལོ་རྒྱུ་རྫུན་བཟོ་བྱེད་དེ་བོད་རྒྱལ་ཁབ་དེ་ལོ་རྒྱུས་ཐོག་ནས་རྒྱ་དམར་རྒྱལ་ཁབ་ཀྱི་ཆ་ཤས་ཤིག་ཏུ་བཟོ་ཐབས་གཡོ་འཁྲབ་བྱེད་པ། རྒྱལ་སྤྱིའི་ཐོག་གཞི་རྒྱ་ཆེ་བའི་དྲིལ་བསྒྲགས་རྫུན་མའི་ལས་འགུལ་སྤེལ་དེ་འཛམ་གླིང་མི་མང་ལ་བོད་ཀྱི་རྒྱལ་རབས་དང་ལོ་རྒྱུས་སྐོར་མགོ་སྐོར་གཏོང་ཐབས་བྱེད་པ། ཆབ་སྲིད་དྲག་ཙུབ་ཅན་གྱི་སྲིད་ཇུས་འཛིན་པ། བོད་ཡིག་རྩ་མེད་ཀྱི་ཐབས་ཇུས་ངན་པ་བཅངས་ཏེ་བོད་ཡུལ་རྒྱ་ཡུལ་ཅན་དུ་བསྒྱུར་ཐབས་བྱེད་པ། བོད་ཀྱི་ཆོས་རིག་སློབ་གཉེར་ཁག་དང་བོད་ཡིག་སློབ་གཉེར་ཁག་མང་པོ་སྒོ་གཏན་ཏུ་རྒྱག་པ། ཡང་མང་པོ་ཞིག་ཏུ་རྒྱ་ཡིག་བཙན་དབང་གིས་སློབ་ཏུ་བཅུག་པ། བོད་ཀྱི་དཔལ་འབྱོར་རྒྱ་བདག་བྱེད་པ། བོད་ཀྱི་གཏེར་ཁ་ཚད་མེད་རྔོག་འདོན་གྱིས་རྐུ་ཁྱེར་འབོར་འདྲེན་བྱེད་པ། གང་བྱུང་གིས་བོད་ཀྱི་གཙང་ཆུ་ཁག་ལ་གློག་ཁང་ཚད་ལ་བརྒལ་བ་བརྒྱབ་པ། ཤིང་ནགས་བཏུབ་དྲེག་གིས་ཤིང་ཆ་ཚད་མེད་འབོར་འདྲེན་བྱེད་པ། ཁོར་ཡུག་གཏོར་བཤིག་ཚབ་ཆེན་གཏོང་བ་བོད་མི་ལོ་༦༦ ལྷག་གི་རིང་གྱོང་གུད་ཚབས་ཆེན་ཕོག་ཡོད། ད་དུང་ངོ་ཚ་ཁྲལ་མེད་ངང་འཛམ་གླིང་ཐོག་བོད་གནམ་ས་བླ་འོག་ལྟ་བུའི་ཡར་རྒྱས་དང་འཕོར་འགྱུར་ཟེར་བ་དང་བོད་ནང་དུ་བོད་མི་རྣམས་བཙན་རྒྱལ་རྒྱ་དམར་སྲིད་དབང་གཅིག་བསྡུས་གཞུང་གི་འོག་ཏུ་བདེ་སྐྱིད་དང་ལྡན་ཞིང་སྤྱི་ཚོགས་རིང་ལུགས་ཀྱི་ཞིང་ཁམས་སུ་རོལ་བཞིན་ཡོད་ཚུལ་སྐད་བསང་མཐོན་པོར་བསྒྲགས་དང་སྒྲོག་བཞིན་ཡོད། ཡིན་ནའང་ཡར་རྒྱས་སྟོང་པ་དེ་ཚོ་དང་ད་བར་རྒྱ་དམར་གཞུང་གིས་བོད་ནས་འཁྱེར་སོང་ཅ་དངོས་དང་གཏེར་ཁ། ཤིང་ཆ་སོགས་དང་བསྡུར་ན་བརྒྱ་ཆ་གཅིག་ཀྱང་ལོན་རྒྱུ་མེད་ལོང་བ་ཞིག་གིས་ཀྱི་བལྟས་ཀྱང་གསལ་མཐོང་རེད།།