༢༠༢༠་ལོའི་ཟླ་༤་ཚེས་༢༦་ཉིན། ནུབ་ཨ་ཧྥི་རི་ཁའི་རྒྱལ་ཁབ་ནེར་ཇི་རིའི(Nigeria)ཁྲིམས་རྩོད་པ་ཁག་ཅིག་ཟླ་སྒྲིལ་བྱས་ནས། ཏོག་བྱིབས་གཉན་སྲིན་གྱིས་རྒྱལ་ཁབ་དེའི་མིའི་ཚེ་སྲོག་དང་། དཔལ་འབྱོར། མདོར་ན་མིའི་ལུས་སེམས་གཉིས་ཀར་དཀའ་ངལ་བཟོས་ཡོད་པར་བརྟེན། རྒྱ་གཞུང་གིས་དེ་དག་གི་གུན་གསབ་ཏུ་ཨ་སྒོར་ཐེར་འབུམ་༢༠༠་སྤྲོད་དགོས་པའི་ཁྲིམས་གཏུགས་བྱས་འདུག

༢༠༢༠་ལོའི་ཟླ་༤་ཚེས་༢༡་ཉིན་སྤེལ། རྒྱ་གཞུང་ནས་ཏོག་ནད་ཐད་གནས་ཚུལ་སྦས་གསང་བྱས་པར་བརྟེན་ནས། འཛམ་གླིང་ཡོངས་ལ་འཕྲོད་བསྟེན་དང་དཔལ་འབྱོར་ཐོག་དཀའ་ངལ་ཤུགས་ཆེན་འཕྲད་ཡོད་སྟབས། སྟོབས་ཆེན་རྒྱལ་ཁབ་ཁག་གིས་རྒྱ་གཞུང་ལ་ཨ་སྒོར་འབུམ་ཕྲག་མང་པོའི་གུན་གསབ་སྤྲོད་དགོས་པའི་དགོས་འདུན་བཏོན་ཡོད་པ་མ་ཟད་ཁྲིམས་གཏུགས་ཀྱང་བྱས་འདུག

༢༠༢༠་ལོའི་ཟླ་༤་ཚེས་༡༥་ཉིན་སྤེལ། ཝུ་ཧན་ཏོག་དབྱིབས་གཉན་སྲིན་རྐྱེན་གྱིས་ད་ལྟར་འཛམ་གླིང་ལ་དཀའ་ངལ་ཤུགས་ཆེན་འཕྲད་བཞིན་པའི་དུས་འདིར། བུད་མེད་འགོ་ཁྲིད་ཡིན་པའི་རྒྱལ་ཁབ་ཐེ་ཝན་དང་། འཇར་མན། ནུའུ་ཛི་ལན། ཧྥི་ལན་ཁྲི། ཨེ་སི་ལན་ཁྲི་བཅས་ཀྱིས་ཏོག་ནད་ལ་གདོང་ལེན་ཐབས་མཁས་བྱས་པར་བརྟེན། ད་སྔའི་གནས་ཚུལ་ལྟར་ན། རྒྱལ་ཁབ་དེ་དག་ཏུ་འདས་གྲོངས་སུ་ཕྱིན་པའི་མི་གྲངས་ཧ་ཅང་ཉུང་།

༢༠༢༠་ལོའི་ཟླ་༤་ཚེས་༢༡་ཉིན། ཧྥ་རན་སིར་རྟེན་གཞི་བྱས་པའི་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱིས། ༢༠༢༠་ལོའི་འཛམ་གླིང་རྒྱལ་ཁབ་༡༨༠་ཁྲོད་ནས་རྒྱ་ནག་ནི་ཆེས་གསར་འགོད་རང་དབང་མེད་པའི་རྒྱལ་ཁབ་ཨང་བཞི་པར་བཏོན་འདུག དེ་ནི་ཏོག་ནད་ཁྱབ་གདལ་ཕྱིན་པ་དང་གསར་འགོད་རང་དབང་ལ་ཐད་ཀར་འབྲེལ་བ་ཆགས་ཡོད་པར་འགྲེལ་བརྗོད་བྱས་འདུག

༢༠༢༠་ལོའི་ཟླ་༤་ཚེས་༡༧་ཉིན་སྤེལ། རྒྱ་གར་དུ་ཏོག་དབྱིབས་གཉན་སྲིན་ཕོག་མཁན་ཉིན་རེ་ནས་འཕེལ་བཞིན་པའི་སྐབས་འདིར། རྒྱ་ནག་ནས་རྒྱ་གར་ལ་ཏོག་ནད་བརྟག་དཔྱད་ཡོ་ཆས་འབུམ་གཅིག་ལྷག་ཞལ་འདེབས་བརྒྱབ་ཡོད་པ་དང་། དེའི་ནང་ནས་ཡོ་བྱད་ཁྲི་དགུ་བརྟག་དཔྱད་བརྒྱུད་བདེ་འཇགས་དང་སྤུས་ཚད་མ་ལོན་སྟབས་ཕན་ཐོགས་མི་འདུག

༢༠༢༠་ལོའི་ཟླ་༡༤་ཉིན། སྲིད་བློན་མོ་ཌི་མཆོག་གིས་རྒྱ་གར་རྒྱལ་ཡོངས་སུ་སླར་ཡང་ཉིན་ཉི་ཤུ་རིང་གི་ཐེམ་སྤང་བཀའ་རྒྱ་ཕེབས། དེ་ནི་དེ་རིང་ཚེས་༡༤་ནས་ཟླ་ལྔ་པའི་ཚེས་༣་བར་དུ་ཡིན་འདུག ཁོང་གིས་མི་མང་ཚོར་ཐེམ་སྤང་བཀའ་རྒྱ་དང་སྤྱི་ཚོགས་རྒྱང་བཀྱེད་ཀྱི་སྒྲིག་གཞི་སྲུང་དགོས་པའི་གསལ་བསྒྲགས་སྤེལ་སོང་།