རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
༢༠༢༠་ལོའི་ཟླ་༡༢་ཚེས་༢༡ཉིན། ཨ་རི་གཞུང་གིས་སླར་ཡང་དྲག་གནོན་སྲིད་བྱུས་ལག་བསྟར་བྱེད་མཁན་རྒྱ་གཞུང་གི་འགོ་ཁྲིད་ཁག་ལ་ཐོངས་མཆན་སྤྲོད་རྒྱུ་དམ་དྲག་གནང་འདུག འགོ་ཁྲིད་དེ་ཚོ་ནི་བོད་ནང་འགྲོ་འོང་བཀག་འགོག་བྱེད་མཁན་དང་། ཡུ་གུར་བ་མང་པོར་གཉའ་གནོན་བྱེད་མཁན། ཧོང་ཀོང་གི་རང་སྲིད་རང་སྐྱོང་ལ་གཏོར་བཤིག་གཏོང་མཁན་བཅས་ཡིན་འདུག གཞན་བོད་ཀྱི་སྐད་ཡིག་ཐོབ་ཐང་རྩོད་ལེན་པ་བཀྲ་ཤིས་དབང་ཕྱུག་སོགས་མྱུར་དུ་གློག་གྲོལ་གཏོང་དགོས། ཞེས་བཀོད་འདུག
༢༠༢༠་ལོའི་ཟླ་༡༢་ཚེས་༢༡་ཉིན། ཨ་རིའི་གྲོས་ཚོགས་གོང་མ་ནས་༢༠༢༠ལོའི་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་འཆར་(Tibetan Policy and Support Act of 2020 )ལ་སྤྱི་མོས་གཏན་འབེབས་གནང་སྟབས། ཨ་རིའི་གཞུང་འབྲེལ་སྲིད་བྱུས་ཤིག་ཏུ་གྱུར་ཡོད་འདུག ཁྲིམས་འཆར་དེའི་ནང་དུ། ༸གོང་ས་མཆོག་གི་ཡང་སྲིད་ཀྱི་སྐུ་དབང་སྐུ་སྒེར་དང་བོད་མི་ཚོར་ཡོད་པ་དང་། བོད་མིའི་སྒྲིག་འཛུགས་དང་དེའི་འགོ་ཁྲིད་སྲིད་སྐྱོང་ངོས་འཛིན་གནང་ཡོད་པ་སོགས་བཀོད་འདུག
༢༠༢༠་ལོའི་ཟླ་༡༢་ཚེས་༡༦ཉིན་སྤེལ། ཨ་རིའི་སྲིད་འཛིན་འོས་བསྡུའི་ལྷན་རྒྱས་ཀྱིས་གཞུང་འབྲེལ་ཐོག་ནས་ཇོར་བྷ་ཌན་ཨ་རིའི་སྲིད་འཛིན་གསར་པ་འོས་འདེམས་བྱུང་བར་གཏན་འབེབས་བྱས་ཡོད་པ་དང་། ཇོར་བྷ་ཌན་གྱིས་གཞུང་འཛིན་ལས་ཁུངས་ལ་ད་བར་མི་སྣ་༡༩་བདམས་ཡོད་པ་དང་། དེའི་ནང་ནས་མི་སྣ་བཅུ་བུད་མེད་ཡིན་འདུག
༢༠༢༠་ལོའི་ཟླ་༡༡་ཚེས་༢༤་ཉིན། མཉམ་འབྲེལ་རྒྱལ་ཚོགས་ཀྱི་མི་རིགས་དབྱེ་འབྱེད་རྩ་གཏོར་ཚོགས་ཆུང་གིས་ (UN Committee on the Elimination of Racial Discrimination) རྒྱ་ནག་གཞུང་ལ་བོད་སྐད་ཡིག་སྦྱོང་བའི་ཐོབ་ཐང་སྤྲོད་དགོས་པ་དང་། བོད་ཀྱི་སྐད་ཡིག་སྲུང་སྐྱོབ་བྱེད་མཁན་ལ་མནར་གཅོད་གཏོང་བཞིན་པ་མཚམས་འཇོག་དགོས་པའི་རེ་སྐུལ་ཞུས་འདུག
༢༠༢༠་ལོའི་ཟླ་༡༢་ཚེས་༡༨་ཉིན། ཨ་རིའི་སྲིད་འཛིན་ཊོམ་གྱིས་ཚོང་འབྲེལ་དང་འབྲེལ་བའི་ཁྲིམས་འཆར་ཞིག་ལ་མཚན་རྟགས་བཀོད་ཡོད་པ་དང་། ཁྲིམས་དེ་ནི་རྒྱ་ནག་གི་ཚོང་གཉེར་ཁང་ཁག་གིས་ཨ་རིའི་ཚོང་གི་རྩིས་ཞིབ་རྩ་འཛིན་དང་མཐུན་པར་བྱེད་མ་ཐུབ་ཚེ། ཨ་རིའི་ཚོང་ཁྲོམ་ནས་ཕྱིར་འབུད་གཏོང་རྒྱུའི་ཁྲིམས་ཤིག་ཡིན་འདུག
༢༠༢༠་ལོའི་ཟླ་༡༢་ཚེ་༢ཉིན། ཧོང་ཀོང་གི་མང་གཙོ་དོན་གཉེར་བ་སྐད་གྲགས་ཅན་ཇོར་ཤྭ་ཝོན་(Joshua Wong)དང་། ཨི་གྷི་ནེ་སུ-ཆོབུ(Agnes Chow)། ཨི་ཝན་ལེམ་(Ivan Lam)བཅས་ཧོང་ཀོང་གི་ཁྲིམས་ཁང་ཞིག་ནས་ཁྲིམས་ཐག་བཅད་ཡོད་འདུག དེ་ཡང་། ཇོར་ཤྭ་ཝོན་ལ་ལོ་གཅིག་དང་ཉིན་ཞེ་ལྔ་ཡི་བཙོན་འཇུག་ཁྲིམས་ཐག་བཅད་འདུག་ཅིང་། ཨི་གྷི་ནེ་སུ-ཆོབུ་ལ་ཟླ་བ་༡༠་ཡི་བཙོན་འཇུག་ཁྲིམས་ཐག་བཅད་འདུག་པ་དང་། ཨི་ཝན་ལེམ་ལ་ཟླ་བ་བདུན་གྱི་བཙོན་འཇུག་ཁྲིམས་ཐག་བཅད་འདུག
༢༠༢༠་ལོའི་ཟླ་ ༡༡ ཚེས་ ༡༨ ཉིན། ཨ་རིའི་གྲོས་ཚོགས་འོག་མའི་ནང་དུ་། བོད་ཀྱི་ཆོས་དང་རིག་གཞུང་གལ་གནད་འཛིན་པའི་ཐོག་ནས་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་ཀྱི་གནས་བབ་ལ་ངོས་འཛིན་དགོས་པ་དང་། བོད་མིའི་དབུ་ཁྲིད་ཏཱ་ལའི་བླ་མ་མཆོག་གིས་འཛམ་གླིང་ཞི་བདེ་དང་འཚེ་མེད་ཞི་བ་གོང་སྤེལ་གཏོང་བཞིན་པར་བསྔགས་བརྗོད་ཡི་རངས་ཞུ་ཆེད་ཀྱི་གྲོས་ཆོད་ལ་གྲོས་ཚོགས་འཐུས་མིས་རྒྱབ་སྐྱོར་ཐོབ་ནས་ཁྲིམས་འཆར་གཏན་འབེབས་གནང་འདུག
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
