༢༠༢༠་ལོའི་ཟླ་༩་ཚེས་༢༡ཉིན་སྤེལ། རྒྱ་གར་ཉེན་རྟོག་པས་རྒྱ་ནག་གི་གསང་ཉུལ་བ་རྒྱ་གར་གྱི་གསར་འགོད་པ་ཞིག་འཛིན་བཟུང་བྱས་ཡོད་ཅིང་། ཁོས་༸གོང་ས་མཆོག་དང་འབྲེལ་བའི་གནས་ཚུལ་དང་། རྒྱ་གར་ས་མཚམས་ཀྱི་གསང་བའི་གནས་ཚུལ་བཅས་རྒྱ་གཞུང་གི་གསང་བའི་ལས་ཁུངས་ལ་སྤྲོད་ཀྱི་ཡོད་སྐོར་ཤེས་རྟོགས་བྱུང་འདུག

༢༠༢༠་ལོའི་ཟླ་༩་ཚེས་༡༠ཉིན། ཐེ་ཝན་ཕྱི་སྲིད་ལས་ཁུངས་ཀྱི་མགྲིན་ཚབ་པ་ཨབ་ཅང་ཨན་ལགས་ཀྱིས་༸གོང་ས་མཆོག་ཐེ་ཝན་ཕེབས་རྒྱུར་ང་ཚོས་དགའ་བསུ་ཞུ་ཡི་ཡོད། ཁོང་ནི་ཆོས་ཕྱོགས་དབུ་ཁྲིད་གལ་ཆེན་ཞིག་དང་། ཞི་བདེའི་དད་དཔོན་རེད། ཐེ་ཝན་གཞུང་དང་མི་མང་གིས་ཁོང་ལ་བརྩི་གུས་དང་དད་མོས་ཆེན་པོ་བྱེད་ཀྱི་ཡོད། ཅེས་བརྗོད་འདུག

༢༠༢༠་ལོའི་ཟླ་༨་ཚེས་༢༨་ཉིན། ཉི་ཧོང་གི་སྲིད་བློན་ཤིན་ཛོ་ཨ་བྷེ་མཆོག་འཕྲོག་བསྟེན་གྱི་དཀའ་ངལ་རྐྱེན་པས། སྲིད་བློན་གྱི་ལས་གནས་ནས་དགོངས་པ་ཞུས་འདུག ཁོང་གིས་བརྗོད་དོན། རང་གིས་མི་མང་གི་ཆེད་དུ་ལས་དོན་ཐག་གཅོད་ལེགས་པོ་ཞིག་བྱེད་མ་ཐུབ་ན། སྲིད་བློན་གྱི་ལས་གནས་སུ་སྡོད་མི་རུང་། དེར་བརྟེན། ང་རང་སྲིད་བློན་གྱི་ལས་གནས་ནས་དགོངས་པ་ཞུ་བའི་ཐག་གཅོད་བྱས་པ་ཡིན། ཞེས་བརྗོད་འདུག

༢༠༢༠་ལོའི་ཟླ་༩་ཚེས་༡༧ཉིན། དེང་སང་མི་མང་པོ་ཞིག་ལ་ཁེར་རྐྱང་གི་ཚོར་བ་སླེབ་ཀྱི་ཡོད་པ་ནི། རང་གཅེས་འཛིན་གྱི་བསམ་བློ་ཤུགས་ཆེ་དྲགས་པ་དང་། ཡིད་ཆེས་མེད་པ་ལ་བརྟེན་ནས་ཁེར་རྐྱང་གི་ཚོར་བ་སླེབ་ཀྱི་ཡོད། ཅེས་༸གོང་ས་མཆོག་གིས་གསུངས་འདུག

༢༠༢༠་ལོའི་ཟླ་༩་ཚེས་༧ཉིན་སྤེལ། ཉེ་ཆར་རྒྱ་གར་དང་རྒྱ་ནག་གི་སྐུ་ཚབ་ས་མཚམས་ཀྱི་རྩོད་རྙོག་དང་འབྲེལ་བའི་ཐོག་ཨུ་རུ་སུའི་རྒྱལ་ས་མོ་སི་ཁོ་ལ་ཚོགས་འདུ་ཚོགས་ཤིག་ཡོད་ཅིང་། དེའི་སྐབས་སུ། རྒྱ་གར་གྱི་བདེ་སྲུང་བློན་ཆེན་གྱིས་རྒྱ་གཞུང་གི་སྐུ་ཚབ་ལ་རྒྱ་གར་གྱི་ས་ཆ་ཚོན(inch)་གཅིག་ཀྱང་བློས་གཏོང་རྒྱུ་མིན་ཞེས་བརྗོད་འདུག

༢༠༢༠་ལོའི་ཟླ་༨་ཚེས་༡༡་ཉིན། རྒྱ་གར་ནང་དུ་ཡོད་པའི་རྒྱ་ནག་གི་ཚོང་གཉེར་ཁག་ཅིག་གིས་ཁྲིམས་འགལ་གྱི་སྒོ་ནས་རྙེད་པའི་སྒོར་མོ་རྣམས་དངུལ་ཁང་དུ་བཅོལ་བ་བརྟེན། རྒྱ་གར་གཞུང་དཔྱད་ཁྲལ་ལས་ཁུངས་ཀྱིས་གློ་བུར་སྔོན་གཤེར་བྱས་ཡོད་པའི་གནས་ཚུལ་ཐོན་འདུག