རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
༢༠༡༩་ལོའི་ཟླ་༡༡་ཚེས་༡༡ ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་གི་མཇལ་ཁ་ཁང་དུ། ༸གོང་ས་མཆོག་གིས་ཨ་རི་ནས་ཕེབས་པའི་༢༠༢༠་ལོའི་བྱམས་བརྩེ་ཞེས་པའི་སྐུ་ཚབ་གྲངས་༢༤་ལ་མཇལ་ཁ་གནང་སྐབས། ང་ཚོ་འགྲོ་བ་མི་དུང་ཕྱུར་བདུན་ཅུ་ཡོད་པ་རྣམས་གཅིག་གྱུར་གྱི་འདུ་ཤེས་འཛིན་དགོས་པ་ཧ་ཅང་གལ་ཆེན་པོ་རེད་ཅེས་བཀའ་སྩལ་འདུག
༢༠༡༩་ལོའི་ཟླ་༡༡་ཚེས་༤ཉིན། བཞུགས་སྒར་རྡ་སའི་ཐེག་ཆེན་ཆོས་གླིང་གཙུག་ལག་ཁང་དུ། དད་ལྡན་ཀོ་རི་ཡའི་ཆོས་པ་རྣམས་གཙོ་པའི་མི་མང་ལ་ཤེས་རབ་སྙིང་པོའི་གསུང་ཆོས་དབུ་འཛུགས་གནང་སོང་། དེའི་ཐོག དུས་རབས་ཉེར་གཅིག་གི་ནང་དུ་འཕྲུལ་ཆས་ཡར་རྒྱས་ག་ཚོད་ཕྱིན་ཡོད་རུང་། འཕྲུལ་ཆས་ཀྱིས་སེམས་ཀྱི་བདེ་སྡུག་བཅོས་མི་ཐུབ་ཅེས་༸གོང་ས་མཆོག་གིས་གསུངས་སོང་།
༢༠༡༩་ལོའི་ཟླ་༡༠་ཚེས་༢༣་ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་མཇལ་འཕྲད་ཁང་དུ། འཛམ་གླིང་ཞི་བདེ་བསྐྲུན་ཐབས་ཀྱི་བགྲོ་གླེང་ཐོག ༸གོང་ས་མཆོག་གིས་ད་ལྟའི་ཤེས་ཡོན་ལམ་ལུགས་གཅིག་པོས་སེམས་ཁམས་བདེ་ཐང་ཡིན་པའི་ཕྲུག་གུ་ཞིག་གཅེས་སྐྱོང་བྱེད་ཐུབ་མེད། དེར་བརྟེན། བྱམས་བརྩེ་ལྡན་པའི་ཤེས་ཡོན་ལམ་ལུགས་ཤིག་དགོས་པ་གལ་ཆེན་པོ་རེད། ཅེས་བཀའ་བསྩལ་འདུག
༢༠༡༩་ལོའི་ཟླ་༡༠་ཚེས་༡༧་ཉིན། ཨ་རིའི་གྲོང་ཁྱེར་ནེའུ་ཡོར་དུ་ཡོད་པའི་ཀུ་ཤུ་ཚོང་ལས་ཁང་གི་ནང་དུ། བོད་པ་དང་། ཧོང་ཀོང་། ཡུ་གུར། ཐེ་ཝན། རྒྱ་མི་སོགས་ཀྱི་ལས་འགུལ་བས་ཀུ་ཤུ་ཚོང་ལས་ཁང་ལ་རྒྱ་གཞུང་དང་ཞིབ་བཤེར་ཡོ་ཆས་མཉམ་ལས་བྱེད་རྒྱུའི་མཚམས་འཇོག་དགོས་པ་དང་། རྒྱ་གཞུང་གིས་སྨྲ་བརྗོད་རང་དབང་ཚད་མེད་བཀག་འགོག་བྱེད་ཀྱི་ཡོད་ཅེས་ངོ་རྒོལ་བྱས་འདུག
༢༠༡༩ལོའི་ཟླ་༡༠་ཚེས་༣༠་ཉིན། བཞུགས་སྒར་རྡ་སའི་༸རྒྱལ་བའི་ཕོ་བྲང་དུ། སེམས་དང་སྲོག་གི་བགྲོ་གླེང་ལྷན་ཚོགས་ཚོགས་ཡོད་པ་དང་། དེའི་ཐོག ༸གོང་ས་མཆོག་གིས་ཚན་རིག་པ་ཚོར་སྟོན་པ་བཅོམ་ལྡན་འདས་ཀྱིས་གདུལ་བྱའི་ཁམས་དང་མོས་པ། སེམས་པ་སོགས་དང་བསྟུན་ནས་དེ་དག་དང་འཚམས་པའི་ཆོས་གསུངས་ཀྱི་ཡོད། ཆོས་ལུགས་དེ་དག་གིས་མིའི་ནང་གི་གཤིས་རྒྱུད་དང་འབྲེལ་བའི་བྱམས་བརྩེའི་ནུས་པ་གོང་འཕེལ་གཏོང་བར་ཕན་ཐོགས་ཆེན་པོ་བྱུང་ཡོད། ཅེས་གསུངས་འདུག
༢༠༡༩ལོའི་ཟླ་༡༠་ཚེས་༢༢་ཉིན། ཁེ་ཎ་ཌའི་གུ་ཡངས་ཆབ་སྲིད་ཚོགས་པའི་ཚོགས་གཙོ་དང་སྲིད་བློན་ལས་ཐོག་སྐུ་ཞབས་ཇ་སུ་ཊིན་ཐུ་ཌེ(Justin Trudeau) མཆོག སླར་ཡང་། རྒྱལ་ཡོངས་འོས་བསྡུ་ཆེན་མོའི་ཁྲོད་རྒྱལ་ཁ་ཐོབ་ཡོད་པར་༸གོང་ས་མཆོག་གིས་འཚམས་འཕྲིན་བསྩལ་ནས། དེའི་སྔ་བོད་མི་བཙན་བྱོལ་བ་སྐྱབས་བཅོལ་དུ་བཞེས་ཡོད་པར་ཁེ་ཎ་ཌའི་གཞུང་མང་གཉིས་ལ་ཐུགས་རྗེ་ཆེ་ཞུས་གནང་འདུག
༢༠༡༩་ལོའི་ཟླ་༡༠་ཚེས་༡༤་ཉིན་སྤེལ། ཉེ་ཆར་རྒྱ་ནག་གི་སྲིད་འཛིན་ཞི་ཅིང་ཕིང་བལ་ཡུལ་ལ་གཞུང་འབྲེལ་སྐོར་བསྐྱོད་དུ་སླེབས་ཡོད་ཅིང་། སྐབས་དེར། རྒྱ་ནག་དང་བལ་ཡུལ་བར་གྲོས་ཆོད་གྲངས་༢༠བཞག་ཡོད་ཀྱང་། ཉེས་ཅན་རྩིས་སྤྲོད་ཀྱི་གྲོས་ཆོད་དེ་འཇོག་ཐུབ་མེད་པ་རེད། འོན་ཀྱང་། བལ་ཡུལ་དུ་རྒྱ་ནག་ལ་ངོ་རྒོལ་གྱི་ལས་འགུལ་རིགས་མི་འབྱུང་བར་བྱེད་རྒྱུའི་ཁས་ལེན་བྱས་ཡོད་འདུག དེ་ནི་བོད་མི་ཚོས་རྒྱ་གཞུང་ལ་ངོ་རྒོལ་གྱི་ལས་འགུལ་སྤེལ་བར་བཀག་འགོག་གི་ཆེད་དུ་ཡིན་འདུག
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
