23
Tue, Oct
29 New Articles

སྲིད་སྐྱོང་མཆོག་དང་བཀའ་བློ་རྣམ་པས་གསོལ་ཇ་མཆོད་བཞིན་པ།

བཙན་བྱོལ་གྱི་གསར་འགྱུར།
Typography

སྲིད་སྐྱོང་བློ་བཟང་སེང་གེ་མཆོག་གིས་བོད་མི་དང་བོད་དོན་ཐོག་ལ་རྒྱ་གར་གཞུང་མང་གཉིས་ལས་ལྷག་པའི་བཀའ་དྲིན་ཆེ་བ་འཛམ་གླིང་འདིའི་ནང་རྒྱལ་ཁབ་གཞན་མེད་པར་བརྟེན་དེ་རིང་རྒྱ་གར་རང་བཙན་ཉིན་མོའི་གོ་སྐབས་འདི་དང་བསྟུན་རྒྱ་གར་གཞུང་མང་གཉིས་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།

དེ་ཡང་༢༠༡༨ལོའི་ ཟླ་ ༨ ཚེས་ ༡༥ ཉིན། བཞུགས་སྒར་རྡ་སར་རྟེན་གཞི་བྱས་ཡོད་པའི་བོད་མིའི་སྒྲིག་འཛུགས་བཀའ་ཤག་གི་མདུན་ཐང་དུ་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་དང་། ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག བདེ་སྲུང་བཀའ་བློན་བླ་བྲང་འཕགས་པ་ཚེ་རིང་མཆོག ཤེས་རིག་བཀའ་བློན་པདྨ་དབྱངས་ཅན་མཆོག། སྲི་ཞུ་བ་དྲུང་འཕར་ཡན་གྱི་ལས་བྱེད་བཅས་ཚང་འཛོམས་ཐོག་རྒྱ་གར་རང་བཙན་ཐོབ་པའི་དུས་ཆེན་ཐེངས་ ༧༢ སྲུང་བརྩི་ཞུས་སོང་། དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་རྒྱ་གར་རྒྱལ་དར་མཁའ་དབྱིངས་སུ་བསྒྲེངས་བ་དང་ཆབས་ཅིག་ཚང་མས་རྒྱ་གར་རྒྱལ་གླུ་དབྱངས་སུ་གྱེར།

དེ་རྗེས་དཔལ་ལྡན་སྲིད་སྐྱོང་མཆོག་གིས་དུས་ཆེན་ཁྱད་པར་ཅན་སྲུང་བརྩི་ཞུས་རྗེས་གསར་འགོད་པ་རྣམས་ལ་གསུང་དོན། དེ་རིང་རྒྱ་གར་ཨིན་ཇིའི་དབང་འོག་ནས་རང་བཙན་ཐོབ་སྟེ་མི་ལོ་ ༧༢ འཁོར་བའི་དུས་ཆེན་ཁྱད་པར་ཅན་ཞིག་ཆགས་ཡོད་སྟབས། བོད་མིའི་སྒྲིག་འཛུགས་ངོས་ནས་རྒྱ་གར་གཞུང་མང་གཉིས་ལ་འཚམས་འདྲི་ཞུ་རྒྱུ་ཡིན། ལོ་ངོ་ ༧༢ འདིར་དཔལ་འབྱོར་གནས་བབ་ཆ་ནས་རྒྱ་གར་ནི་འཛམ་གླིང་ནང་ཨང་ལྔ་པ་ཆགས་ཡོད། ཡི་གེ་འབྲི་ཀློག་ཐུབ་མཁན་གྱི་གྲངས་ཚད་ལ་མཚོན་ན་མི་གྲངས་ཐེར་འབུམ་གཅིག་ལྷག་ཙམ་ཡོད། དེ་བཞིན་ཆབ་སྲིད་ཐོག་ནས་བརྗོད་ནའང་རྒྱ་གར་ནི་དེང་སྐབས་འཛམ་གླིང་སྟོབས་ཆེན་རྒྱལ་ཁབ་གྱི་གྲས་སུ་ཚུད་བཞིན་ཡོད་ཅེས་དང་།

དེར་བརྟེན་ལོ་ངོ་ ༧༢ རིང་དཔལ་འབྱོར་དང་། ཆབ་སྲིད། ཤེས་ཡོན་གང་གི་ཆ་ནས་གྲུབ་འབྲས་གཟེངས་སུ་ཐོན་པ་བྱུང་བ་ནི་ཧ་ལས་པ་ཞིག་རེད་བསམ་གྱི་འདུག དེ་རིང་རྒྱ་གར་རང་བཙན་ཐོབ་པའི་ཉིན་མོ་འདིར་ངས་རྒྱ་གར་གཞུང་མང་ཡོངས་ལ་རྒྱ་གར་རང་བཙན་ཉིན་མོར་འཚམས་འདྲི་བཀྲ་ཤིས་བདེ་ལེགས་ཞུས་པ་དང་སྦྲགས། བོད་མི་དང་བོད་དོན་སླད་རྒྱ་གར་གཞུང་མང་གཉིས་ལས་ལྷག་པའི་བཀའ་དྲིན་ཆེ་བ་འཛམ་གླིང་འདིའི་ནང་རྒྱལ་ཁབ་གཞན་མེད་པར་བརྟེན་དེ་རིང་གི་གོ་སྐབས་དང་བསྟུན་རྒྱ་གར་གཞུང་མང་གཉིས་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་དུས་དང་རྣམ་པ་ཀུན་དུ་རྒྱ་གར་གནའ་རབས་དཔལ་ན་ལེནྡྲའི་ལེགས་བཤད་བསྐྱར་གསོ་མཛད་རྒྱུ་གལ་ཆེར་གཟིགས་ནས་འཛམ་གླིང་ས་ཕྱོགས་གང་སར་བཀའ་སློབ་སྩོལ་བཞིན་ཡོད། བོད་མི་ཚོས་ལོ་ངོ་སྟོང་ཕྲག་རིང་དཔལ་ན་ལེནྡྲ་ནས་རྒྱ་གར་གི་གནའ་བོའི་ལེགས་བཤད་རྣམས་ཐོས་བསམ་སྒོམ་གསུམ་གྱི་ཐོག་ནས་འཛིན་སྐྱོང་སྤེལ་གསུམ་གྱིས་ངང་ནས་བདག་གཅེས་བྱས་པ་དེ་ད་ཆ་རྒྱ་གར་ནང་བསྐྱར་གསོ་བྱེད་དགོས་པ་ཤིན་ཏུ་གལ་ཆེན་པོ་རེད། དེར་བོད་མི་ཚང་མས་ཐུགས་སྣང་ངེས་པར་གནང་རོགས། ཞེས་གསུངས་སོང་།

 

གསལ་བསྒྲགས་ཀྱི་ས་མིག