རྒྱལ་སྤྱིའི་བོད་ཀྱི་ཆ་འཕྲིན།
རང་དབང་གི་འབོད་སྒྲ
ཕྱི་ལོ་༢༠༢༣་ཟླ་༤་ཚེས་༡༠ཉིན་སྤེལ། ཉེ་ཆར་དབྱིན་ལན་དང་ཨོ་སི་ཊི་ཡ། ཨ་རི། རྒྱ་ནག་བཅས་ཀྱི་ཉམས་ཞིབ་པ་ཁག་ཅིག་གིས་མི་ལོ་༢༠་ནང་བོད་དང་ཧི་མ་ལ་ཡའི་འཁྱགས་རོམ་འབོར་ཆེན་བཞུས་ཡོད་དང་། བཞུ་ཚད་ནི་གླང་ཆེན་ས་ཡ་༥༧༠་ཡི་ལྗིག་ཚད་ཡིན་སྐོར་གྱི་སྙན་ཐོ་ཞིག་བཏོན་ཡོད་འདུག
ཕྱི་ལོ་༢༠༢༣་ཟླ་༣་ཚེས་༣༡ཉིན་སྤེལ། ཉེ་ཆར་བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་དང་དྲུང་ཆེ་ཀརྨ་ཆོས་དབྱིངས་ལགས་གཉིས་ཀྱིས་ཐའེ་ཝན་གྱི་ཕྱི་སྲིད་བློན་ཆེན་དང་ཐའེ་ཝན་གྲོས་ཚོགས་ཀྱི་ཚོགས་གཙོ་མཆོག ཐའེ་ཝན་མང་གཙོ་ཐེབས་རྩའི་འགན་འཛིན་སོགས་ལ་མཇལ་འཕྲད་གནང་ནས་བོད་ནང་གི་ཛ་དྲག་གི་གནས་སྟངས་དང་བོད་ཀྱི་གནས་སྟངས་སྐོར། ཐེ་ཝན་དུ་གནས་ཡོད་པའི་བོད་མིའི་དཀའ་ངལ་སྐོར་བཅས་ཀྱི་ཐོག་ལ་གླེང་སློང་གནང་ཡོད་འདུག
ཕྱི་ལོ་༢༠༢༣ ཟླ་བ་༢ ཚེས་༢༧་ཉིན་སྤེལ། ཉེ་ཆར་སི་པན་གྱི་གྲོས་ཚོགས་གོང་མའི་ཚོགས་ཁང་དུ། སི་པན་གྱི་གྲོས་ཚོགས་གོང་མའི་འཐུས་མི་གྲངས་༢༩ ལས་གྲུབ་པའི་སི་པན་གྱི་གྲོས་ཚོགས་གོང་མའི་བོད་དོན་རྒྱབ་སྐྱོར་ཚོགས་པ་གསར་འཛུགས་གནང་ཡོད་འདུག ཚོགས་པ་དེའི་དམིགས་ཡུལ་ནི་རྒྱལ་སྤྱིའི་ཐོག་ནས་བོད་ཀྱི་གནད་དོན་དེ་ངོས་འཛིན་ཤུགས་ཆེ་ཡོང་ཐབས་དང་། བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་གོང་འཕེལ་གཏོང་ཐབས། བོད་རྒྱ་གྲོས་མོལ་བསྐྱར་གསོ་ཡོང་ཐབས་བཅས་འབད་རྒྱུ་ཡིན་སྐོར་གསུངས་འདུག
ཕྱི་ལོ་༢༠༢༣ ལོའི་ཟླ་༢ ཚེས་༡༡ ཉིན་སྤེལ། ཟླ་འདིའི་ཚེས་དགུ་ཉིན་ཨ་རིའི་གྲོས་ཚོགས་ནས། རྒྱ་ནག་གི་གསང་མྱུལ་ལྒང་ཕུག་ཨ་རིའི་མཁའ་དབྱིངས་སུ་གློ་བུར་དུ་ཧམ་འཛུལ་བྱས་པར་ཐེར་འདོན་དང་། ངོ་རྒོལ། སྐྱོན་བརྗོད་ཤུགས་ཆེན་བྱས་འདུག
ཕྱི་ལོ་༢༠༢༣་ཟླ་༣་ཚེས་༡༡་ཉིན་སྤེལ། ཨ་རི་གཙོས་པའི་རྒྱལ་ཁབ་ཁག་གིས་བོད་རང་དབང་སླར་གསོར་རྒྱབ་སྐྱོར་ཐོབ་ཆེད་དང་རྒྱལ་སྤྱིའི་མི་མང་ལ་བོད་དོན་སྐོར་གོ་རྟོགས་སྤེལ་ཆེད། ཨ་རིར་གནས་སྡོད་བོད་མི་ཐུབ་བསྟན་ཉི་མ་ལགས་ཀྱིས་ལོ་གཅིག་གི་རིང་བོད་དོན་གྱི་ལས་འགུལ་སྤེལ་རྒྱུ་ཡིན་འདུག
ཕྱི་ལོ་༢༠༢༣་ཟླ་༢་ཚེས་༢༤ཉིན་སྤེལ། བོད་ཀྱི་ལོ་གསར་སྐབས་དང་བསྟུན་ནས་ཨ་རིའི་ཕྱི་སྲིད་ལས་ཁུངས་ཀྱི་དྲུང་ཆེ་ཨན་ཊོན་ཎི-བྷི་ལིན་ཁེན(Antony Blinken)་ལགས་ཀྱིས་བོད་ཀྱི་ལོ་གསར་ལ་འཚམས་འདྲི་ཞུས་ཡོད་པ་དང་། ཨ་རི་གཞུང་ནས་མུ་མཐུད་ནས་བོད་ཀྱི་ཆོས་དང་རིག་གཞུང་། སྐད་ཡིག་སྲུང་སྐྱོབ་ཐད་རོགས་སྐྱོར་གནང་རྒྱུ་ཡིན་སྐོར་སོགས་བརྗོད་འདུག
ཕྱི་ལོ་༢༠༢༣ ལོའི་ཟླ་༠༡ ཚེས་༣༡ ཉིན་སྤེལ། ཉེ་ཆར་འཇར་མན་དུ་རྟེན་གཞི་བྱས་པའི་པོ་སི་ཌམ་(potsdam)གནམ་གཤིས་ཤུགས་རྐྱེན་ཞིབ་འཇུག་བསྟི་གནས་ཁང་གི་ཚན་རིག་པ་ཁག་ཅིག་གིས་ཨ་མ་ཛོན་ནགས་ཚལ་དང་བོད་མཐོ་སྒང་གི་གནམ་གཤིས་ཀྱི་འགྱུར་ལྡོག་ཐད་སྙན་ཐོ་ཞིག་བཏོན་ཡོད་པ་དང་། དེའི་ནང་དུ་ཨ་མ་ཛོན་ཆར་བའི་ནགས་ཚལ་གྱི་ཚ་དྲོད་འཕེལ་སྐབས། བོད་མཐོ་སྒང་གི་ཚ་དྲོད་འཕེལ་བཞིན་ཡོད་པ་དང་། ཨ་མ་ཛོན་ཆར་བའི་ནགས་ཚལ་ལ་ཆཪ་བ་འབབ་ཚད་མང་དུ་འགྲོ་སྐབས། བོད་མཐོ་སྒང་ལ་ཁ་བ་འབབ་ཚད་ཉུང་དུ་འགྲོ་བར་བརྗོད།
བོད་ཀྱི་ཆབ་སྲིད་བཙོན་ཟུར་གྲགས་ཅན་སོག་མཁར་བློ་གྲོས་སམ་བློ་གྲོས་རྒྱ་མཚོ་ལགས་ཀྱི་པར།
པར་དབུས་བོད་མིའི་སྒྲིག་འཛུགས་དྲ་བར་བླངས།
ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།
དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཁེ་ན་ཌའི་གྲོང་ཁྱེར་ཊོ་རོན་ཊོར་བོད་མི་རྣམས་ལ་གསུང་བཤད་གནང་བཞིན་པ། པར་དབང་དབུས་བོད་མིའི་སྒྲིག་འཛུགས་ལ་ཡོད།
