ཕྱི་ལོ་༢༠༢༡་ཟླ་༥་ཚེས་༡༡་སྤེལ། རྒྱ་ནག་གིས་ལོ་བཅུའི་ནང་དུ་མི་འབོར་འཕེལ་ཚད་བརྩི་བཤེར་བྱེད་ཀྱི་ཡོད་པ་དང་། དེ་རིང་ཕྱི་ལོ་༢༠༡༠་ནས་༢༠༢༠་བར་གྱི་མི་འབོར་གྲངས་བཤེར་བྱས་པའི་གྲུབ་འབྲས་བཏོན་འདུག དེའི་ནང་དུ་ཕྱི་ལོ་༡༩༥༠་ནས་རྒྱ་ནག་གི་མི་འབོར་འཕེལ་ཚད་ཉུང་ཤོས་དེ་ཆགས་འདུག

ཕྱི་ལོ་༢༠༢༡་ཟླ་༤ཚེས་༢༢ཉིན། ༸གོང་ས་མཆོག་གིས་གོ་ལའི་ཉིན་མོ་ཉིན་གསུང་དོན། གཅིག་ལ་གཅིག་རྟེན་ནི་དངོས་པོའི་ཆོས་ཉིད་ཡིན་ལ། ཆོས་ཉིད་འདི་མ་རྟོགས་པའི་དབང་གིས་རང་བྱུང་ཁོར་ཡུག་ཙམ་དུ་མ་ཟད། འགྲོ་བ་མིའི་སྤྱི་ཚོགས་ལའང་གནོད་སྐྱོན་ཆེན་པོ་བཏང་ཡོད་པས། རང་རེ་འགྲོ་བ་མིས་ངེས་པར་དུ་གཅིག་གྱུར་གྱི་འདུ་ཤེས་སྤེལ་དགོས། ཞེས་གསུངས་འདུག

སྤྱི་ལོ་༢༠༢༡་ཟླ་༣་ཚེས་༡༨ཉིན། ཨ་རི་ཕྱི་སྲིད་དྲུང་ཆེ་མཆོག་དང་རྒྱ་གཞུང་གི་ཕྱི་སྲིད་འགོ་ཁྲིད་ཁག་ཐོག་མར་ཐུག་འཕྲད་བྱས་སྐབས། རྒྱལ་ཁབ་ཕན་ཚུན་བར་གྱི་སྲིད་ཇུས་དང་བྱ་སྤྱོད་ཁག་ལ་སྐྱོན་བརྗོད་བྱས་ཡོད་པ་མ་ཟད། གདོང་ཐུག་ཀྱང་ཤོར་ནས་ཚོགས་འདུ་ལེགས་པོ་མཇུག་སྒྲིལ་ཐུབ་མེད་པ་རེད་འདུག

ཕྱི་ལོ་༢༠༢༡་ཟླ་༥་ཚེས་༧་ཉིན་སྤེལ། ཉེ་ཆར་སྟོབས་ཆེན་རྒྱལ་ཁབ་བདུན་གྱི་ཕྱི་སྲིད་བློན་ཆེན་རྣམས་ཀྱིས་ཏོག་དབྱིབས་གཉན་རིམས་དང་། གནམ་གཤིས་འགྱུར་ལྡོག འགྲོ་བ་མིའི་ཐོབ་ཐང་སྐོར་སོགས་ཀྱི་ཐད་ཚོགས་འདུ་ཚོགས་ཡོད་པ་དང་། སྐབས་དེར། རྒྱ་གཞུང་གིས་བོད་ནང་དུ་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པར་སེམས་འཚབ་ཡོད་སྐོར་བརྗོད་འདུག

ཕྱི་ལོ་༢༠༢༡་ཟླ་༤་ཚེས་༡༤ཉིན། ཨ་རི་གསང་བའི་ལས་ཁུངས་ཀྱི་འགན་འཛིན་ཞིག་གིས་རྒྱ་ནག་ནི་ཨ་རི་ཡི་ཁ་གཏད་གཙོ་བོ་ཞིག་ཏུ་གྱུར་ཡོད་པས། རྒྱ་ནག་གི་བྱ་སྤྱོད་ལ་ཆུ་ཚོད་བཅུ་རེའི་ནང་དུ་རྟོག་ཞིབ་བྱ་རྒྱུ་ཡིན་པར་བརྗོད་འདུག

སྤྱི་ལོ་༢༠༢༡་ལོའི་ཟླ་༣་ཚེས་༡༦ཉིན། ཨ་རིའི་ཕྱི་སྲིད་དྲུང་ཆེ་ཨན་ཊོན་ཎི-བྷི་ལིན་ཁེན(Antony Blinken)ཉི་ཧོང་གཟིགས་སྐོར་དུ་ཕེབས་སྐབས། རྒྱ་གཞུང་གིས་ཁྱིམ་མཚེས་རྒྱལ་ཁབ་ཁག་ལ་བཙན་སྐུལ་དང་དྲག་རྒོལ་བྱེད་བཞིན་པར་ཉེན་བརྡ་བཏང་ཡོད་མ་ཟད། གལ་སྲིད་རྒྱ་གཞུང་གིས་བཙན་སྐུལ་དང་དྲག་རྒོལ་བརྒྱུད་ནས་རང་དོན་སྒྲུབ་ཐབས་བྱས་ན་ཨ་རི་ནས་ཁ་གཏད་གཅོད་རྒྱུ་ཡིན། ཞེས་བརྗོད་འདུག