ཕྱི་ལི་༢༠༢༣ ཕྱི་ལོ་༨ ཚེས་ ༡༩ཉིན་སྤེལ། རྒྱལ་སྤྱིའི་བོད་རང་བཙན་ཚོགས་ཆེན་ཐེངས་དྲུག་པ་རྒྱ་གར་གྱི་རྒྱལ་ས་ལྡི་ལི་གསར་པའི་རྒྱལ་སྤྱིའི་ཚོགས་འདུ་བསྟི་གནས་སུ་སྐོང་འཚོགས་བྱེད་བཞིན་ཡོད་ཅིང་། ཉིན་གཉིས་པར་བོད་ཡུ་སོག་གསུམ་གྱི་མཉམ་འབྲེལ་བསྒྲགས་གཏམ་ཞིག་སྤེལ་ནས་རྒྱ་གཞུང་གི་བཙན་གནོན་འོག་ཡོད་པའི་མི་རིགས་ཁག་ནས་མནའ་འབྲེལ་མཐུན་ཚོགས་ཤིག་གསར་འཛུགས་བྱེད་ཐུབ་པར་འབད་བརྩོན་བྱེད་རྒྱུ་ཞེས་བརྗོད་འདུག
སེམས་ཞི་བདེ་བྱུང་ན་བདེ་སྐྱིད་ངོ་མ་ཡོང་གི་རེད་ཅེས་༸གོང་ས་མཆོག་གིས་བཀའ་བསྩལ་འདུག
ཕྱི་ལོ་༢༠༢༣ ཟླ་༨ ཚེས་༡༨ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གཤམ་ཕྱོགས་སྡེ་ཁག་མཁར་རྩེ་རི་ལྗོངས་ལ་དྭགས་དབུས་གཞུང་མངའ་སྡེ་ལ་དྭགས་ནང་པའི་ཚོགས་འདུའི་ཡན་ལག་ནས་ཇི་ལྟར་གསོལ་བ་བཏབ་པ་ལྟར། མཁར་རྩེ་རུ་ཐད་འཕུར་གནམ་གྲུ་བརྒྱུད་ཆིབས་བསྒྱུར་བསྐྱངས་འདུག སྐབས་དེར་༸གོང་ས་མཆོག་གིས་གསུང་དོན། བདེ་སྐྱིད་ཟེར་བ་ནི། དཔལ་འབྱོར་ཡར་རྒྱས་དང་གཏམ་སྙན་གྲགས་ཀྱིས་ཕྱི་ལོགས་ནས་ཆ་རྐྱེན་ལྟ་བུར་ཡོང་གི་ཡོད་ཀྱང་། གཙོ་བོ་སོ་སོའི་སེམས་ཞི་བདེ་བྱུང་ན་བདེ་སྐྱིད་ངོ་མ་ཡོང་གི་རེད། སེམས་ལ་ཞི་བདེ་བཟོ་རྒྱུ་ནི་ཧ་ཅང་གལ་ཆེན་པོ་རེད། ཚང་མས་ཤེས་གསལ་ལྟར། བྱམས་བརྩེ་་(Karuna)ནི་རྩ་བ་རེད། ཧ་ཅང་གལ་ཆེན་པོ་རེད།
༧གོང་ས་མཆོག་ལ་ལ་དྭགས་ནང་ཚོགས་དང་དགོན་ཚོགས་ཐུན་མོང་ནས་བརྟན་བཞུགས་ཕུལ་སོང་།
ཕྱི་ལོ་༢༠༢༣ ཟླ་༧ ཚེས་༢༤ ཉིན། ལ་དྭགས་ཞི་བའི་ཚལ་གྱི་གསུང་ཆོས་ར་བའི་གནས་སུ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ལ་དྭགས་ནང་ཚོགས་དང་དགོན་ཚོགས་ཐུན་མོང་ནས་བརྟན་བཞུགས་བསྟར་འབུལ་ཞུས་སོང་། ལ་དྭགས་ཁུལ་གྱི་དད་ལྡན་སེར་སྐྱ་མི་མང་གཙོས་པའི་ཕྱི་རྒྱལ་ཡུལ་གྲུ་ཁག་ནས་ཕེབས་པའི་ཆོས་ཞུ་བ་ཁྲི་བཞི་ལྷག་འཛོམས་འདུག་ཅིང་། མགོན་པོ་གང་ཉིད་ནས་ད་དུང་ཡང་མི་ལོ་བཅུ་ཕྲག་ལྷག་བཞུགས་རྒྱུ་ཡིན་སྐོར་གྱི་ཞལ་བཞེས་བཟང་པོ་ཐོབ་སོང་།
ཕྱི་ལོ་༢༠༢༣་ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་བཙོན་འོག་ཏུ་ཡོད་པའི་ཆབ་སྲིད་བཙོན་པ་རྡོ་རྗེ་བཀྲ་ཤིས་ལགས་ལ་ཕུལ་འདུག
ཕྱི་ལོ་༢༠༢༣ ཟླ་༧ ཚེས་༡༢ ཉིན། བཞུགས་སྒར་རྡ་ས་མེག་གྷན་ནོར་བུ་གསོལ་མགྲོན་ཁང་གི་ཚོགས་ཁང་དུ། བོད་ཀྱི་བུད་མེད་ལྷན་ཚོགས། བོད་རང་བཙན་སློབ་ཕྲུག་ཚོགས་པ། བོད་རྒྱལ་ཡོངས་མང་གཙོ་ཚོགས་པ། རྒྱལ་སྤྱིའི་བོད་དོན་འབྲེལ་མཐུད་ཁང་གི་གོ་སྒྲིག་འོག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་རྒྱ་གཞུང་གི་བཙོན་ཁང་དུ་འདས་གྲོངས་ཕྱིན་ནས་མི་ལོ་བརྒྱད་འཁོར་བའི་དུས་དྲན་སྲུང་བརྩི་དང་འབྲེལ། འདི་ལོའི་“སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་”དེ། བོད་ནང་གི་ཚོང་པ་གྲགས་ཅན་དང་སྤྱི་ཚོགས་ཞབས་ཞུ་པ་རྡོ་རྗེ་བཀྲ་ཤིས་ལགས་དང་ཁོང་གི་གཅེན་མོ་མགོན་པོ་སྐྱིད་གཉིས་ལ་ཕུལ་ཡོད་འདུག
རྡ་སར་རྒྱལ་སྤྱིའི་བཙོན་པའི་དྲང་བདེན་གྱི་ཉིན་མོ་མར་མེའི་ཁྲོམ་སྐོར་ལམ་ནས་སྲུང་བརྩི་ཞུས་སོང་།
ཕྱི་ལོ ༢༠༢༣་ཟླ་༨ ཚེས་༡༠ ཉིན། བཞུགས་སྒར་རྡ་སར་རྟེན་གཞི་བྱས་པའི་གཞུང་འབྲེལ་མིན་པའི་ཚོགས་པ་ཁག་གསུམ་གྱིས་རྒྱལ་སྤྱིའི་བཙོན་པའི་དྲང་བདེན་གྱི་ཉིན་མོ་དང་བསྟུན་ནས་བོད་ནང་གི་ཆབ་སྲིད་བཙོན་པ་རྣམས་ལ་དྲང་བདེན་དགོས་པའི་འབོད་སྐུལ་དང་སྦྲགས། ཉེ་ཆར་རྒྱ་གཞུང་གིས་མནར་གཅོད་བཏང་ནས་འདས་གྲོངས་སུ་ཕྱིན་པའི་ཆབ་སྲིད་བཙོན་ཟུར་བློ་བཟང་བསྟན་པ་ལགས་ལ་མྱ་ངན་གུས་འདུད་ཞུས་སོང་།
༧གོང་ས་མཆོག་གིས་ལ་དྭགས་སུ་རྒྱལ་སྲས་ལག་ལེན་སོ་བདུན་མའི་བཤད་ལུང་གནང་སོང་།
ཕྱི་ལོ་༢༠༢༣ ལོའི་ཟླ་༧ ཚེས་༢༡ ཉིན། སྤྱི་ནོར་༧གོང་ས་རྒྱལ་བ་རིན་པོ་ཆེ་མཆོག་གིས་ལ་དྭགས་ནང་པའི་ཚོགས་འདུ་དང་ལ་དྭགས་དགོན་པའི་ཚོགས་འདུ་ཐུན་མོང་ནས་ཇི་ལྟར་གསོལ་འདེབས་ཞུས་པ་ལྟར། ལ་དྭགས་ཁུལ་གྱི་དད་ལྡན་སེར་སྐྱ་མི་མང་གཙོས་པའི་ཕྱི་རྒྱལ་ཡུལ་གྲུ་ཁག་ནས་ཕེབས་པའི་ཆོས་ཞུ་བ་ཁྲི་གསུམ་ལྷག་ལ་ཞི་བའི་ཚལ་གསུང་ཆོས་ར་བ་རུ་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མའི་བཤད་ལུང་གནང་སྐྱོང་མཛད་སོང་།
བཞུགས་སྒར་རྡ་སར་༸གོང་ས་མཆོག་དབུ་བཞུགས་ཀྱི་ཐོག་ནས་སྐུའི་འཁྲུངས་སྐར་སྲུང་བརྩི་ཞུས་སོང་།
ཕྱི་ལོ་༢༠༢༣ ཟླ་༧ ཚེས་༦ ཉིན། བོད་མིའི་སྒྲིག་འཛུགས་ཀྱི་གོ་སྒྲིག་འོག བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་༸གོས་ས་མཆོག་དབུ་བཞུགས་ཀྱི་ཐོག་ནས། རྡ་སའི་སེར་སྐྱ་མི་མང་རྣམས་ལྷན་འཛོམས་ཀྱིས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་༨༨ ལ་ཕེབས་པའི་སྐུའི་འཁྲུངས་སྐར་དུས་ཆེན་དགའ་དད་སྤྲོ་གསུམ་གྱི་ངང་ནས་སྲུང་བརྩི་ཞུས་སོང་།