30
Sat, May

༢༠༡༩ལོའི་ཟླ་༨་ཚེས་༢༥་ཉིན། ཧོང་ཀོང་ནང་བདུན་ཕྲག་བཅུ་གཉིས་པའི་ངོ་རྒོལ་དེ་བྱས་ཡོད་ཅིང་། སྐབས་དེར་ངོ་རྒོལ་བ་ཚོ་དང་ཉེན་རྟོག་པའི་བར་འཁྲུག་འཛིངས་ཤོར་ནས། ཉེན་རྟོག་པས་ངོ་རྒོལ་བ་ཚོར་གཅར་རྡུང་དང་། མིག་ཆུ་དུག་རླུང་གཏོང་བ། ཆུ་གཏོར་བ་སོགས་བྱས་ཡོད་འདུག གཞན་རྒྱ་གར་རྒྱལ་ཡོངས་ཚོང་འབྲེལ་མཐུན་ཚོགས་ཀྱིས་རྒྱ་ནག་གི་ཚོང་རྫས་རྒྱ་གར་ནང་བཀག་སྡོམ་དགོས་པའི་འབོད་སྐུལ་བྱས་འདུག

༢༠༡༩ལོའི་ཟླ་༨་ཚེས་༢༣་ཉིན་སྤེལ། ཡུལ་གྲུབ་(YouTube)དང་། འཕྲུལ་སྒྲ་(Twitter)། ངོ་དེབ(་Facebook)་བཅས་ནས་རྒྱ་གཞུང་གིས་རྒྱབ་སྐྱོར་བྱེད་པའི་དྲ་ཚིགས་དང་། ངོ་དེབ་ཚོགས་པ། བརྒྱུད་ལམ་སྤྱོད་མཁན་སོགས་ཀྱིས་ཧོང་ཀོང་ནང་བྱུང་དང་འབྱུང་བཞིན་པའི་ངོ་རྒོལ་ཐོག་ལ་གནས་ཚུལ་རྫུན་མ་སྤེལ་མཁན་གྲངས་༡༠༠༠ལྷག་མེད་པ་བཟོས་ཡོད་འདུག

༢༠༡༩ལོའི་ཟླ་༨་ཚེས་༢༠་ཉིན། ཧོང་ཀོང་གི་སྤྱི་ཁྱབ་འགན་འཛིན་གྱིས་ཧོང་ཀོང་ནང་ངོ་རྒོལ་བྱེད་བཞིན་ཡོད་པའི་ཐོག དཀའ་ངལ་སེལ་ཐབས་ཀྱི་གྲོས་མོལ་བྱེད་སའི་སྡིངས་ཆ་ཞིག་བསྐྲུན་རྒྱུ་དང་། ངོ་རྒོལ་འབྱུང་རྐྱེན་དང་ཉེན་རྟོག་པས་ངོ་རྒོལ་བར་དྲག་གནོན་བྱས་པར་དཔྱད་ཞིབ་བྱ་རྒྱུ་ཡིན་པར་བསྒྲགས་འདུག གཞན་ཡང་། ཁྲུ་ཝི་ཁྲི(Twitter)་དང་ངོ་དེབ( Facebook)་ལས་ཁུངས་ནས་ཧོང་ཀོང་ནང་གི་ངོ་རྒོལ་ཐོག་ལ་གནས་ཚུལ་རྫུན་མ་སྤེལ་མཁན་ཁ་བྱང ༡༠༠༠་ལྷག་མེད་པ་བཟོས་འདུག

༢༠༡༩ལོའི་ཟླ་༨་ཚེས་༧་ཉིན་སྤེལ། རྒྱ་ནག་གིས་རྒྱ་གར་ལ་ཨ་རིའི་གནོན་ཤུགས་ལ་བརྟེན་ནས་ཧ་ཝེ་(huawei)ཡི་འཕྲུལ་རིགས་རྣམས་རྒྱ་གར་ནང་བཀག་སྡོམ་བྱས་ཚེ། རྒྱ་ནག་ནང་ཡོད་པའི་རྒྱ་གར་གྱི་ཚོང་གཉེར་ཁང་ཁག་ལའང་ཤུགས་རྐྱེན་ཚབས་ཆེན་ཐེབས་རྒྱུ་ཡིན་པའི་ཉེན་བརྡ་བཏང་འདུག

༢༠༡༩་ལོའི་ཟླ་༨་ཚེས་༢༡་ཉིན། ཨ་རིའི་གཞུང་ནས་ཐེ་ཝན་ལ་ཨ་སྒོར་ཐེར་འབུམ་༨་ཀྱི་རིན་གོང་ལྡན་པའི་གོ་མཚོན་བཙོང་རྒྱུ་ཡིན་པ་ཁས་བླངས་ཡོད་པ་དང༌། དེའི་ཁྲོད་ནས་ཡར་ཐོན་ཅན་གྱི་མཁའ་དམག་གནམ་གྲུ་(F-16 fighter jets)རྟགས་ཅན་༦༦་ཡོད་འདུག རྒྱ་གཞུང་གིས་སླར་ཡང་དེའི་ཐོག་ལ་སྐྱོན་བརྗོད་ཤུགས་ཆེན་བྱས་འདུག

༢༠༡༩་ལོའི་ཟླ་༨་ཚེས་༡༡་ཉིན། ཧོང་ཀོང་དུ་བདུན་ཕྲག་བཅུ་པའི་ངོ་རྒོལ་དེ་བྱས་ཡོད་ཅིང་། ཉེན་རྟོག་པ་དང་ཞི་རྒོལ་བ་དབར་ལ་འཁྲུག་འཛིངས་ཤོར་ཡོད་པ་དང་། མིག་ཆུ་དུག་རླུང་བཏང་ཡང་ཡོད་འདུག དེའི་ཁྲོད་ངོ་རྒོལ་བ་མི་སྣ་དགུ་ལ་རྨས་སྐྱོན་ཕོགས་འདུག གཞན་ཡང་ཧོང་ཀོང་དུ་ངོ་རྒོལ་བྱུང་བ་ནས་བཟུང་མི་གྲངས་༦༠༠་འཛིན་བཟུང་བྱས་ཡོད་པར་བརྗོད་འདུག

༢༠༡༩ལོའི་ཟླ་༨་ཚེས་༥་ཉིན། ཉེ་སྔོན་ཨ་རི་ཡིས་རྒྱ་ནག་ཐོག་ཚོང་ཁྲལ་སྤར་རྒྱུ་ཡིན་པར་རྒྱ་ནག་གིས་འཁོན་ལན་སློག་ཆེད། ཨ་སྒོར་གྱི་འཛའ་མར་བཅགས་ཡོད་སྟབས་ལོ་སྔོན་མ་ནས་བཟུང་འཛའ་དམའ་ཤོས་སུ་སླེབས་ཡོད་ཅིང་། དེས་ཨ་རི་དང་རྒྱ་ནག་གཉིས་ཀྱི་ཚོང་དམག་གི་གནས་སྟངས་ཇེ་སྡུག་ཏུ་གཏོང་རྒྱུ་ཡིན་འདུག་པར་བརྗོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།