30
Sat, May

༢༠༡༩་ལོའི་ཟླ་༩་ཚེས་༢༣་ཉིན། མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་ལག་བསྟར་ལྷན་ཚོགས་(United Nations Climate Action Summit)་དེ་ནེའུ་ཡོར་དུ་ཚོགས་ཡོད་པ་དང་། དེའི་ཐོག ཁོར་ཡུག་སྲུང་སྐྱོབ་པ་བྷརེ་ཊ་ཐུན་བྷེར་(Greta Thunberg)་ལགས་ཀྱིས། ཁྱོད་ཚོས་སྐད་ཆ་སྟོང་པ་ཞིག་གིས་ངའི་རྨི་ལམ་དང་བྱིས་པའི་འཚོ་བ་འཕྲོག་སོང་། གལ་སྲིད། གནམ་གཤིས་འགྱུར་ལྡོག་ཐོག་ལག་བསྟར་མ་བྱེད་ན། མི་རབས་གསར་པ་ཚོས་ཁྱོད་ཚོ་ནམ་ཡང་དགོངས་ཡངས་མི་གཏོང་ཞེས་བརྗོད་འདུག

༢༠༡༩་ལོའི་ཟླ་༩་ཚེས་༢༣་ཉིན་སྤེལ། ཉེ་ཆར་༸གོང་ས་མཆོག་གིས་ལྡི་ལིར་སོགས་ལ་མཛད་འཕྲིན་བསྐྱངས་དང་སྐྱོང་བཞིན་ཡོད་པ་དང་། ཤྲི་རཱམ་སློབ་གྲྭར་བསམ་བློ་ཇེ་བཟང་དུ་གཏོང་ཐབས་ཞེས་པའི་བརྗོད་གཞིའི་ཐོག་བཀའ་སློབ་བསྩལ་སྐབས། ཁོང་གིས་གཞོན་སྐྱེས་ཁྱེད་ཚོས་འབད་བརྩོན་བྱས་པ་ཡིན་ན་འཛམ་གླིང་སྔར་བས་བདེ་སྐྱིད་ལྡན་པ་ཞིག་དང་བཟང་ཕྱོགས་ཀྱི་འགྱུར་བ་གཏོང་ཐུབ་ཅེས་བཀའ་སྩལ་འདུག

༢༠༡༩ལོའི་ཟླ་༩་ཚེས་༤་ཉིན། ཧོང་ཀོང་སྤྱི་ཁྱབ་འགན་འཛིན་ཁེ་རི་ལམ་གྱིས། ཧོང་ཀོང་ནང་དུ་ཟླ་གསུམ་གྱི་རིང་ལ་བྱུང་བའི་ངོ་རྒོལ་འབྱུང་རྐྱེན་གཙོ་བོ་སྟེ། ཉེས་ཅན་རྩིས་སྤྲོད་ཀྱི་ཁྲིམས་འཆར་དེ་གཞུང་འབྲེལ་ཐོག་དངོས་སུ་ཕྱིར་འཐེན་བྱས་པའི་གསལ་བསྒྲགས་བྱས་ཡོད་རུང་། ངོ་རྒོལ་བའི་དགོས་འདུན་གཞན་པ་བཞི་ཡི་ཐོག་གང་ཡང་བརྗོད་མེད་སྟབས། ངོ་རྒོལ་མུ་མཐུད་ནས་བྱ་རྒྱུ་ཡིན་སྐོར་བརྗོད་འདུག

༢༠༡༩ལོའི་ཟླ་༨་ཚེས་༢༩་ཉིན་སྤེལ། ཉེ་ཆར། ཁ་ཎ་ཌ་དང་ཨོ་གླིང་གཙོས་པའི་རྒྱལ་ཁབ་ཁག་ཅིག་གི་ནང་། རྒྱ་གཞུང་གིས་བཙུགས་པའི་ཁུང་ཙི་སློབ་གཉེར་ཁང་ཞེས་པའི་ནང་རྒྱ་ནག་གི་སྐད་ཡིག་དང་རིག་གཞུང་སློབ་བཞིན་ཡོད་ཅིང་། སློབ་གཉེར་ཁང་དེ་བརྒྱུད་ནས་རྒྱ་གཞུང་གི་ལྟ་བ་སྤེལ་བ་དང་སྨྲ་བརྗོད་རང་དབང་སོགས་བརྩི་སྲུང་བྱེད་ཀྱི་མེད་པར་བརྟེན། ཨ་རི་དང་། ཁ་ཎ་ཌ། ཨོ་གླིང་བཅས་ཀྱིས་སློབ་གཉེར་ཁང་དེ་དག་སྒོ་རྒྱག་བཞིན་ཡོད་འདུག

༢༠༡༩ལོའི་ཟླ་༩་ཚེས་༡༦་ཉིན་སྤེལ། ཉེ་ཆར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་འདུ་ཐེངས་ ༤༢ པ་དེ། སུད་སིའི་གྲོང་ཁྱེར་ཇི་ནི་ཝ་ནང་འཚོགས་བཞིན་ཡོད་པ་དང་། དེའི་ཐོག་བོད་པའི་འཐུས་མི་ཡིས། རྒྱ་གཞུང་གིས་བོད་ཀྱི་དགོན་ཆེན་ཁག་ལ་གཏོར་བཤིག་གཏོང་བཞིན་ཡོད་པ་དང་། བོད་མིའི་རིག་གཞུང་། སྤྱི་ཚོགས། དཔལ་འབྱོར་བཅས་ཀྱི་ཐོབ་ཐང་ལ་བརྩི་མེད་རྡོག་རོལ་གཏོང་བཞིན་འདུག ཅེས་ཞུས་ཡོད་འདུག

༢༠༡༩ལོའི་ཟླ་༩་ཚེས་༢་ཉིན། ཧོང་ཀོང་གི་གྲོང་ཁྱེར་གསུམ་གྱི་ནང་དུ། སློབ་ཕྲུག་གཙོ་པའི་མི་མང་སྟོང་ཕྲག་འགའ་ཞིག་གིས་གཞུང་ལ་ངོ་རྒོལ་བྱས་ཡོད་པ་དང། གཞན་ཧོང་ཀོང་སྤྱི་ཁྱབ་འགན་འཛིན་གྱིས་ཁོ་མོ་དགོངས་པ་ཞུ་འདོད་ཡོད་རུང་། རང་དབང་མེད་པའི་སྐོར་བཤད་ཀྱིན་ཡོད་པའི་གསང་བའི་སྐད་ཆའི་སྒྲ་འཇུག་ཅིག་ཕྱིར་ཤོར་ཡོད་འདུག

༢༠༡༩་ལོའི་ཟླ་༨་ཚེས་༢༨་སྤེལ། ཉེ་ཆར་ཚན་རིག་པས་སྙན་ཐོ་ཞིག་བཏོན་པའི་ནང་། ཐ་ན་འཛམ་གླིང་བྱང་སྣེའི་(Arctic)ཁ་བའི་ནང་དུའང་ཧ་ཅང་ཕྲ་བའི་འགྱིག་རྡུལ་(Plastic particles)ཡོད་པར་བརྟག་དཔྱད་བརྒྱུད་ནས་རྙེད་ཡོད་པ་མ་ཟད། འཛམ་གླིང་གི་འབགས་བཙོག་ཆེ་བའི་རྒྱལ་ཁབ་ཏུ་འབབ་པའི་ཁ་བ་དང་ཆར་བའི་ནང་དུའང་དེ་ལས་མང་བའི་འགྱིག་རྡུལ་རྙེད་ཀྱི་ཡོད་པར་བརྗོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།