10
Mon, Aug

༢༠༢༠ལོའི་ཟླ་༡་ཚེས་༡༢་ཉིན། རྒྱ་གར་གནས་མཆོག་རྡོ་རྗེ་གདན་གྱི་བཞུགས་གནས་ཕོ་བྲང་ནས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐེ་ཝན་གྱི་སྲིད་འཛིན་ལྕམ་ཚད་དབྱིང་ཝིང་མཆོག་ལ་རྒྱལ་ཡོངས་འོས་བསྡུ་ཆེན་མོའི་ཁྲོད་ཚད་མཐོའི་རྒྱལ་ཁ་ཐོབ་པར་འཚམས་འདྲིའི་གསུང་འཕྲིན་སྩལ་འདུག

༢༠༢༠་ལོའི་ཟླ་༡་ཚེས་༣་ཉིན་སྤེལ། ༢༠༡༩་ལོ་ནི་གཞོན་སྐྱེས་ཀྱིས་ལས་འགུལ་སྤེལ་བའི་ལོ་ཡིན། དེ་ཡང་འཛམ་གླིང་གང་སར་སློབ་ཕྲུག་དང་གཞོན་སྐྱེས་མང་པོ་ཡར་ལངས་བྱས་ཏེ། ཁོར་ཡུག་སྲུང་སྐྱོབ་དང་། ཕོ་མོ་འདྲ་མཉམ། འགྲོ་བ་མིའི་ཐོབ་ཐང་སོགས་ཀྱི་ཐོག་ལས་འགུལ་སྤེལ་ཡོད། ཨེ་ཤ་ཡའི་ནང་དུ་གཞོན་སྐྱེས་ཀྱི་ལས་འགུལ་ལ་བརྟེན་ནས་དོན་སྙིང་ལྡན་པའི་འགྱུར་བ་བྱུང་ཡོད། དཔེར་ན། ཐེ་ཝན་ནང་དུ་མཚན་མཐུན་དགའ་རོགས་གཉེན་སྒྲིག་ཁྲིམས་མཐུན་བཟོས་ཡོད་པ་དང་། ཧོང་ཀོང་གི་ནང་དུ་ཟླ་དྲུག་རིང་ངོ་རྒོལ་བྱས་དང་བྱེད་བཞིན་པ་ལྟ་བུ་ཡིན། གཞོན་སྐྱེས་ཚོའི་མ་འོངས་པའི་ཆེད་དུ་འཐབ་རྩོད་བྱས་དང་བྱེད་བཞིན་ཡོད།

༢༠༡༩་ལོའི་ཟླ་༡༢་ཚེས་༡༨་ཉིན། ཨ་རིའི་སྲིད་འཛིན་ཌོ་ནམ་ཊོམ་ཕུ་(Donald Trump)ཡིས་སྲིད་འཛིན་གྱི་དབང་ཆ་བེད་སྤྱོད་བཏང་ནས་སྒེར་དོན་སྒྲུབ་པ་དང་། གྲོས་ཚོགས་ཀྱི་ལས་དོན་ལ་དོ་ཕོག་བཏང་བ་བཅས་ཀྱི་ནག་ཉེས་ཐོག་ནས་གྲོས་ཚོགས་འོག་མས་ཊོམ་ཕུ་སྲིད་འཛིན་ལས་ཁུངས་ནས་གནས་དབྱུང་གཏོང་རྒྱུའི་ཐོག་མང་མོས་རྒྱབ་སྐྱོར་ཐོབ་འདུག

༢༠༡༩་ལོའི་ཟླ་༡༢་ཚེས་༡༧་ཉིན་སྤེལ། རྒྱ་གར་གྱི་མི་སེར་ཁྲིམས་འཆར་གསར་པ(citizenship bill)་ནི་རྒྱ་གར་ནང་དུ་གྲངས་ཉུང་མི་རིགས་ཁག་ལ་མི་སེར་གྱི་ཐོབ་ཐང་སྤྲད་པའི་ཁྲིམས་འཆར་ཞིག་ཡིན་པ་དང་། ཁྲིམས་དེའི་ནང་དུ་ཁ་ཆེ་གྲངས་ཉུང་མི་རིགས་ཀྱི་ཁུངས་སུ་བཞག་མེད་པའི་རྐྱེན་གྱིས། རྒྱ་གར་མངའ་སྡེ་མང་པོའི་ནང་དུ་སློབ་ཕྲུག་གཙོས་པའི་མི་མང་སྟོང་ཕྲག་མང་པོས་ངོ་རྒོལ་བྱས་ཡོད་པ་དང་། རྒྱ་གར་མངའ་སྡེ་ཨ་སམ(Assam)་ནང་དུ་ངོ་རྒོལ་ཁྲོད་མི་ལྔ་ཤི་ཡོད་པར་གསལ་འདུག

༢༠༡༩་ལོའི་ཟླ་༡༢་ཚེས་༢༥་ཉིན། ཡི་ཤུའི་ཆོས་སྟོན་པ་པོའི་འཁྲུངས་སྐར་ཉིན་མོའི་གུང་གསེང་དང་བསྟུན། ཧོང་ཀོང་ནང་དུ་གཞོན་སྐྱེས་ཚོས་སླར་ཡང་ངོ་རྒོལ་གྱི་ལུས་འགུལ་སྤེལ་ཡོད་པ་དང་། ཉེན་རྟོག་པས་ངོ་རྒོལ་བ་དང་དུས་ཆེན་སྲུང་བརྩི་བྱེད་མཁན་བཅས་ལ་མིག་ཆུ་དུག་རླུང་དང་དབྱུག་པས་རྡུང་རྡེག་བཏང་འདུག

༢༠༡༩་ལོའི་ཟླ་༡༢་ཚེས་༡༧་ཉིན། པ་ཀི་སི་ཐན་གྱི་དམག་སྤྱི་དང་སྲིད་འཛིན་ཟུར་པ་མུ་ཤཱ་རཱ་ཧྥི(Pervez Musharraf)་ལ་རྒྱལ་ཁབ་དེའི་རྩ་ཁྲིམས་ལ་འགྱུར་བ་བཏང་བ་དང་། རྩ་ཁྲིམས་ནུས་མེད་བཏང་ནས་ཛ་དྲག་གི་གནས་བབ་ལ་གསལ་བསྒྲགས་བྱས་པ། ཁྲིམས་དཔོན་ཆེན་མོ་ཕྱིར་འབུད་བཏང་བ་བཅས་ཀྱི་ནག་ཉེས་འོག་ཏུ་སྲོག་ཁྲིམས་བཅད་འདུག

༢༠༡༩་ལོའི་ཟླ་༡༢་ཚེས་༡༦་ཉིན་སྤེལ། ཉེ་ཆར་ཡུ་རོབ་རྒྱལ་ཁབ་ཧྥི་ལེན་དུ་རང་ལོ་༣༤་ཡིན་པའི་བུད་མེད་སྲིད་བློན་ཞིག་བདམས་ཡོད་ཅིང་། ཁོང་མོ་ནི་འཛམ་གླིང་སྟེང་གི་ལོ་ན་གཞོན་ཤོས་ཀྱི་བུད་མེད་སྲིད་བློན་ཆགས་ཡོད་འདུག ཧྥི་ལེན་དུ་ཆབ་སྲིད་ཚོགས་པ་གཙོ་བོ་ལྔ་ཡོད་པ་ནང་ནས་ཚོགས་པ་བཞི་བུད་མེད་ཀྱིས་སྣེ་ཁྲིད་བྱེད་ཀྱི་ཡོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།