30
Sat, May

༢༠༢༠་ལོའི་ཟླ་༡་ཚེས་༢༣ཉིན། རྒྱ་ནག་དུ་ནད་ཡམས་ཤིག་བྱུང་ནས་ད་ལྟར་མི་གྲངས་༡༧་གྱི་ཚེ་སྲོག་ཤོར་ཡོད་པ་དང་། མི་གྲངས་བརྒྱ་ཕྲག་འགའ་ལ་ནད་རྟགས་དེ་ཐོན་ཡོད་འདུག དེར་བརྟེན། འཛམ་གླིང་རྒྱལ་ཁབ་མང་པོ་ཞིག་གིས་གནམ་ཐང་ལ་ཁག་ལ་ན་ཚ་དེ་ཡོད་མེད་བརྟག་དཔྱད་བྱེད་པ་འགོ་བརྩམས་ཡོད་འདུག ཝུ་ཧན་གྲོང་འཁྱེར་གྱིས་ལོ་གསར་གཏོང་རྒྱུ་མིན་པ་དང་འགྲིམ་འགྲུལ་ཚང་མ་སྒོ་བརྒྱབ་ཡོད་འདུག

༢༠༢༠་ལོའི་ཟླ་༡་ཚེས་༡༩་ཉིན། ཧོང་ཀོང་ནང་དུ་སླར་ཡང་གཞུང་ལ་ངོ་རྒོལ་གྱི་ལས་འགུལ་སྤེལ་ཡོད་པ་དང་། ཉེན་རྟོག་པས་ངོ་རྒོལ་བ་ཚོར་མིག་ཆུ་དུག་རླུང་གཏོར་ནས་ཁ་ཐོར་ཐབས་བྱས་འདུག ངོ་རྒོལ་བ་ཚོས་ཧོང་ཀོང་གི་སྙིང་སྟོབས་ཞུམ་རྒྱུ་མ་རེད། མ་འོངས་པའི་ཧོང་ཀོང་ནི་གཞོན་སྐྱེས་ལ་དབང་ཡོད། ཅེས་བརྗོད་འདུག

༢༠༢༠་ལོའི་ཟླ་༡་ཚེས་༡༤་ཉིན་སྤེལ། ཐེ་ཝན་སྲིད་འཛིན་ལྕམ་ཚད་དབྱིང་ཝིང་མཆོག་རྒྱལ་ཡོངས་འོས་བསྡུ་ཆེན་མོའི་ཁྲོད་རྒྱལ་ཁ་ཆེན་པོ་ཐོབ་ནས། བསྐྱུར་དུ་སྲིད་འཛིན་འདེམ་ཐོན་བྱུང་བར་འཛམ་གླིང་གི་རྒྱལ་ཁབ་དྲུག་ཅུ་ལྷག་གིས་འཚམས་འདྲི་གནང་ཡོད་པ་དང་། རྒྱ་ནག་གིས་རྒྱལ་ཁབ་དེ་ཚོར་ཉེན་བརྡ་བཏང་ཡོད་འདུག

༢༠༢༠ལོའི་ཟླ་༡་ཚེས་༡༢་ཉིན། རྒྱ་གར་གནས་མཆོག་རྡོ་རྗེ་གདན་གྱི་བཞུགས་གནས་ཕོ་བྲང་ནས། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐེ་ཝན་གྱི་སྲིད་འཛིན་ལྕམ་ཚད་དབྱིང་ཝིང་མཆོག་ལ་རྒྱལ་ཡོངས་འོས་བསྡུ་ཆེན་མོའི་ཁྲོད་ཚད་མཐོའི་རྒྱལ་ཁ་ཐོབ་པར་འཚམས་འདྲིའི་གསུང་འཕྲིན་སྩལ་འདུག

༢༠༢༠་ལོའི་ཟླ་༡་ཚེས་༡༧་ཉིན། རྒྱ་ནག་གི་རྒྱལ་ནང་ཐོན་སྐྱེད་ཕྱོགས་བསྡོམས་ཀྱི་ལོ་འཁོར་སྙན་ཐོའི་ནང་དུ། ༢༠༡༩་ལོ་ནི་ལོ་ངོ་༢༩་ཡི་ནང་དུ་རྒྱ་ནག་གི་དཔལ་འབྱོར་ཡར་རྒྱས་ཀྱི་ཚད་དམའ་ཤོས་སླེབས་ཡོད་ཅིང་། དེ་ནི་ཨ་རི་དང་རྒྱ་ནག་གཉིས་བར་ཚོང་དམག་བརྒྱབ་པའི་རྐྱེན་ཡིན་པར་འགྲེལ་བརྗོད་བྱས་འདུག

༢༠༢༠་ལོའི་ཟླ་༡་ཚེས་༡༤་ཉིན་་སྤེལ། ཉེ་སྔོན། པ་ཀི་སི་ཐན་གྱི་སྲིད་འཛིན་ཟུར་པ་མུ་ཤཱ་རཱ་ཧྥི(Pervez Musharraf)་ལ་སྲོག་ཁྲིམས་བཅད་ཡོད་པ་དེ། ཁ་སང་མཐོ་རིམ་ཁྲིམས་ཁང་ཞིག་གིས་ཡུལ་དེའི་རྩ་ཁྲིམས་དང་མཐུན་མེད་ལུགས་བརྗོད་ནས་ཕྱིར་བསྡུ་བྱས་འདུག ད་ལྟར་ཁོ་རང་དབང་ཅན་གྱི་མི་ཞིག་ཡིན་འདུག

༢༠༢༠་ལོའི་ཟླ་༡་ཚེས་༣་ཉིན་སྤེལ། ༢༠༡༩་ལོ་ནི་གཞོན་སྐྱེས་ཀྱིས་ལས་འགུལ་སྤེལ་བའི་ལོ་ཡིན། དེ་ཡང་འཛམ་གླིང་གང་སར་སློབ་ཕྲུག་དང་གཞོན་སྐྱེས་མང་པོ་ཡར་ལངས་བྱས་ཏེ། ཁོར་ཡུག་སྲུང་སྐྱོབ་དང་། ཕོ་མོ་འདྲ་མཉམ། འགྲོ་བ་མིའི་ཐོབ་ཐང་སོགས་ཀྱི་ཐོག་ལས་འགུལ་སྤེལ་ཡོད། ཨེ་ཤ་ཡའི་ནང་དུ་གཞོན་སྐྱེས་ཀྱི་ལས་འགུལ་ལ་བརྟེན་ནས་དོན་སྙིང་ལྡན་པའི་འགྱུར་བ་བྱུང་ཡོད། དཔེར་ན། ཐེ་ཝན་ནང་དུ་མཚན་མཐུན་དགའ་རོགས་གཉེན་སྒྲིག་ཁྲིམས་མཐུན་བཟོས་ཡོད་པ་དང་། ཧོང་ཀོང་གི་ནང་དུ་ཟླ་དྲུག་རིང་ངོ་རྒོལ་བྱས་དང་བྱེད་བཞིན་པ་ལྟ་བུ་ཡིན། གཞོན་སྐྱེས་ཚོའི་མ་འོངས་པའི་ཆེད་དུ་འཐབ་རྩོད་བྱས་དང་བྱེད་བཞིན་ཡོད།

More Articles ...

བོད་ཀྱི་ལོ་རྒྱུས་ཡིག་ཆ།