30
Sat, May

༢༠༢༠་ལོའི་ཟླ་༣་ཚེས་༡༦་ཉིན། ཝུ་ཧུན་ཏོག་དབྱིབས་ནད་དུག་འཛམ་གླང་གི་རྒྱལ་ཁབ་བརྒྱ་ལྷག་ལ་ཁྱབ་སྟེ། འཛམ་གླིང་མི་མང་གི་འཕྲོད་བསྟེན་དང་དཔལ་འབྱོར་ལ་ཤུགས་རྐྱེན་ཧ་ཅང་ཆེན་པོ་ཐེབས་ཡོད། ད་སྔ་རྒྱལ་སྤྱིའི་ཐོག་རིམས་ནད་དེ་ཕོག་མཁན་ཁྱོན་མི་གྲངས་༡༦༧༠༠་བྱུང་ཡོད་ཅིང་། མི་གྲངས་༦༤༠༠་ཡི་ཚེ་སྲོག་ཤོར་འདུག རྒྱ་གར་ནང་དུའང་དེ་རིང་བར་རིམས་ནད་དེ་ཕོག་མཁན་མི་གྲངས་༡༡༤་བྱུང་འདུག

ཕྱི་ལོ་ ༢༠༢༠ ཟླ་ ༣ པའི་ཚེས་ ༡༠ ཉིན། ཨོ་གླིང་གནས་མཁར་གསར་བོད་རིགས་མཐུན་ཚོགས་ཀྱི་གོ་སྒྲིག་འོག ས་གནས་དེ་གའི་གཞུང་སྡེའི་ལས་ཁུངས་མདུན་གྱི་གླིང་ག་རུ། བོད་རྒྱལ་ཁབ་ཆེན་མོར་རྒྱ་ནག་དམར་པོས་བཙན་འཛུལ་བྱས་ཏེ་ལོ་ངོ་ ༧༠ འགོར་ཞིང༌། གསུམ་བཅུའི་དུས་དྲན་ཐེངས་ ༦༡ གཟབ་རྒྱས་ངང་སྲུང་བརྩི་བྱས་སོང༌།

༢༠༢༠་ལོའི་ཟླ་༣་ཚེས་༤་ཉིན། ཨ་རིའི་རྒྱལ་ས་ཝ་ཤིན་ཏུན་ནས་ཏོག་དབྱིབས་རིམས་ནད་རྐྱེན་གྱིས་མི་དགུ་འདས་གྲོངས་སུ་ཕྱིན་པའི་གནས་ཚུལ་ཐོན་ཡོད་པ་དང་། ད་སྔར་མི་༡༢༥་ལ་རིམས་ནད་དེ་ཕོགས་འདུག རྒྱལ་སྤྱིའི་ཐོག་ད་སྔར་ཏོག་དབྱིབས་རིམས་ནད་ཕོགས་མཁན་༩༢༠༠་བྱུང་ཡོད་པ་དང་། མི་གྲངས་༣༢༠༠་འདས་གྲོངས་ཕྱིན་ཞིང་། རྒྱ་ནག་ནང་དུ་མི་༤༩༨༥༦་དྲག་བསྐྱེད་བྱུང་ཡོད་པར་བརྗོད་འདུག

༢༠༢༠་ལོའི་ཟླ་༢་ཚེས་༣་ཉིན་སྤེལ། ཉེ་ཆར་དབྱིན་ཡུལ་ཡུ་ཪོབ་མཐུན་ཚོགས་ནས་གཞུང་འབྲེལ་གྱི་ཐོག་ནས་དངོས་སུ་ཕྱིར་ཐོན་བྱས་ཡོད་པ་དང་། དེ་ནི་དབྱིན་ཡུལ་གྱི་བདག་དབང་སྲུང་ཆེད་དང་། དཔལ་འབྱོར་ལ་གྱོང་གུད་མི་རེག་པའི་ཆེད་དུ་ཡིན་པར་འགྲེལ་བརྗོད་བྱས་འདུག

༢༠༢༠་ལོའི་ཟླ་༣་ཚེས་༦་ཉིན་སྤེལ། རྒྱལ་སྤྱིའི་སྟེང་ཏོག་དབྱིབས་རིམ་ནད་ཁྱབ་བཞིན་ཡོད་པ་དང་། ད་སྔ་རྒྱ་གར་ལ་ནད་དུག་དེ་ཕོག་མཁན་༣༡་བྱུང་བར་བརྟེན། ལྡི་ལི་གཞུང་གིས་དམའ་རིམ་སློབ་གྲྭ་ཚང་མ་སྒོ་བརྒྱབ་ཡོད་པ་དང་། ལྷོ་ཁོ་རི་ཡ་དང་ཨི་ཊ་ལི། ཉི་ཧོང་། ཨི་རན། རྒྱ་ནག་བཅས་ཀྱི་མི་སེར་དང་རྒྱལ་ཁབ་དེ་ཚོའི་ནང་དུ་ཉེ་ཆར་ཕྱིན་པའི་མི་ཚོར་མཐོང་མཆན་སྤྲོད་རྒྱུ་ཕལ་ཆེ་བ་མཚམས་འཇོག་བྱས་འདུག

༢༠༢༠་ལོའི་ཟླ་༢་ཚེས་༢༧་ཉིན། དབྱིན་ཡུལ་དུ་ཡོད་པའི་ཝེ་ཊི་ཀེའི་ཚོགས་པའི་སེམས་དང་། ལུས། ཆོས་ཞེས་པའི་དུས་དེབ་ཐོག ༢༠༢༠་ལོའི་འཛམ་གླིང་དུ་ཤུགས་རྐྱེན་ཆེས་ཆེ་བའི་དབུ་ཁྲིད་བརྒྱ་བདམས་ཡོད་ཅིང་། དེ་དག་གི་ཁྲོད་ནས་བོད་ཀྱི་དབུ་ཁྲིད་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཨང་དང་པོར་བདམས་འདུག

༢༠༢༠་ལོའི་ཟླ་༡་ཚེས་༢༨་ཉིན་སྤེལ། རྒྱ་ནག་ཝུ་ཧན་ནས་བྱུང་བའི་ཏོག་དབྱིབས་ཅན་གྱི་གློ་ནད་དེའི་རྐྱེན་གྱིས་རྒྱ་མི་གྲངས་༡༠༦་གི་ཚེ་སྲོག་ཤོར་ཡོད་པ་དང་ནད་དེ་ཕོག་མཁན་༤༥༠༠་བྱུང་འདུག ད་ལྟར་འཛམ་གླིང་གི་རྒྱལ་ཁབ་བཅུ་དྲུག་ནང་དུ་ནད་ཡམས་དེ་ཁྱབ་ཚར་ཡོད་པ་ར་སྤྲོད་བྱུང་འདུག རྒྱ་གར་ནང་དུ་གློ་ནད་དེ་དང་འདྲ་བའི་ནད་རྟགས་ཐོན་པའི་མི་དྲུག་ད་ལྟར་སྨན་ཁང་དུ་བརྟག་དཔྱད་བྱེད་བཞིན་ཡོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།