30
Sat, May

ཕྱི་ལོ་༢༠༡༨ལོའི་ཟླ་༩པའི་ཚེས་༥ཉིན། ནོ་བྷེལ་གཟེངས་རྟགས་ཚོགས་ཆུང་གིས་གསལ་བསྒྲགས་སྤེལ་བ་ལྟར་ན། ༢༠༡༨ལོའི་ནོ་བྷེལ་ཞི་བདེ་གཟེངས་རྟགས་ནི་། ཨི་རག་རྒྱལ་ཁབ་ཀྱི་བུད་མེད་ལས་འགུལ་བ་ལྕམ་ནཱ་ཌི་ཡ་མུ་རཏ་(Nadia Murad) མཆོག་དང་། ཨབ་ཕི་རི་ཀའི་སྨན་པ་སྐུ་ཞབས་ཌེ་ནིས་མུཀ་ཝེགེ་(Dr. Denis Mukwege) མཆོག་རྣམ་གཉིས་ལ་ཕུལ་གཏན་ཁེལ་འདུག

༢༠༡༨ལོའི་ཟླ་༡༠པའི་ཚེས་༣ཉིན། སྤྱི་ནོར་༧གོང་ས་༧སྐྱབས་མགོན་རིན་པོ་ཆེ་མཆོག་གིས་ངྷ་ས་ཐེག་ཆེན་གཙུག་ལག་ཁང་དུ་ལོ་སྔོན་མའི་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་བཀའ་ཁྲིད་ཀྱི་འཕྲོ་སྐྱོང་དབུ་འཛུགས་གནང་ཞིང་། ཚེས་༣་ནས་ཉིན་བཞིའི་རིང་དུ་གནང་རྒྱུ་ཡིན་འདུག ཐེངས་འདིའི་བཀའ་ཁྲིད་ནི་ཐའེ་ཝན་གྱི་དད་ལྡན་ཆོས་ཞུ་བས་ཇི་ལྟར་གསོལ་བ་བཏབ་པ་ལྟར་གནང་གི་ཡོད་པ་ཞིག་རེད་འདུག ཆོས་ཞུ་བ་མི་གྲངས་༦༩༠༠ཡོད་པ་དང་། ཐའེ་ཝན་གཙོ་པའི་ཕྱི་རྒྱལ་ཡུལ་གྲུ་ཁག་༦༧ནས་ཕེབས་ཡོད་འདུག

༢༠༡༨ལོའི་ ཟླ་ ༩ ཚེས་ ༢༥ ཉིན། ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་ ཇིམ་མ་ཁུ་གྷོ་ཝེན(Jim McGovern) མཆོག་དང་། ཨ་རིའི་སྤྱི་མཐུན་ཚོགས་པའི་གྲོས་ཚོགས་འཐུས་མི་སྐུ་ཞབས་ར་ཌེ་ཧལ་ཌི་གྷེན(Randy Hultgren) མཆོག་བཅས་ཀྱི་རྒྱབ་སྐྱོར་འོག ཨ་རིའི་གྲོས་ཚོགས་འོག་མའི་ནང་བོད་ནང་འགྲོ་འོང་གི་གོ་སྐབས་འདྲ་མཉམ་གྱི་ཁྲིམས་འཆར་ཞེས་པ་ཞིག་གཏན་འབེབས་གནང་འདུག་ཅིང་། ཁྲིམས་འཆར་དེའི་ནང་འཁོད་དོན་ལྟར་ན། རྒྱ་གཞུང་གིས་ཨ་རིའི་མི་ཚོ་བོད་ནང་འགྲོ་རྒྱུར་བཀག་སྡོམ་གནང་བ་ལྟར། ཨ་རིས་ཀྱང་རྒྱ་ནག་གི་འབྲེལ་ཡོད་མི་སྣ་རྣམས་ཨ་རིར་ཡོང་རྒྱུར་བཀག་སྡོམ་གནང་རྒྱུ་ཡིན་འདུག

༢༠༡༨ ཟླ་ ༩ ཚེས་ ༡༩ ཉིན། རྒྱ་གར་ཧིན་ངྷུ་གསར་ཁང་གིས་གནས་ཚུལ་སྤེལ་བ་ལྟར་ན། ༢༠༡༨ ཟླ་ ༩ ཚེས་ ༡༨ ཉིན་གྷན་ངྷི་གོ་ལ་ཐེབས་རྩ་ཁང་གི་ཚོགས་གཙོ་སྐུ་ཞབས་ཨེ་སི་ཝི་ཀེ་ཡན་(S. Vijayan) ལགས་ཀྱིས། ༢༠༡༨་ལོའི་གྷན་ངྷི་འཚེ་མེད་ཞི་བའི་གཟེངས་རྟགས་དེ། སྤྱི་ནོར་༸གོང་ས་སྐྱབས་མགོན་རིན་པོ་ཆེ་མཆོག་ལ་དབུལ་རྒྱུ་ཡིན་པའི་གསར་འགོད་གསལ་བསྒྲགས་གནང་འདུག

༢༠༡༨ལོའི་ཟླ་༩པའི་ཚེས་༢༨ ཉིན། ཧིན་རྡི་ནི་ཤི་ཡའི་སུ་ལ་ཝེ་སི་གླིང་ཕྲན(Sulawesi )གྱི་གྲོང་ཁྱེར་པཱ་ལོ(Palu)འི་ནང་དུ་ཚད་རིམ་༧.༥ཅན་གྱི་ས་ཡོམ་དང་། མཐོ་ཚད་ལ་རྨི་༣ཅན་གྱི་མཚོ་རླབས་ཀྱི་འཇིགས་པ་བྱུང་སྟེ། ཧ་ལམ་མི་༨༤༤ རྐྱེན་ལམ་དུ་ཕྱིན་ཡོད་འདུག

༢༠༡༨ ཟླ་ ༩ ཚེས་ ༢༣ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སུད་སིར་གནས་སྡོད་བོད་རིགས་རྣམས་ལ་མཇལ་ཁ་དང་བཀའ་སློབ་བསྩལ་སྐབས། སངས་རྒྱས་པའི་ལྟ་གྲུབ་སྐོར་བཤད་པ་ཡིན་ན། འཛམ་གླིང་འདིའི་སྟེང་བོད་པ་ཡག་ཤོས་ཆགས་ཡོད། འཛམ་གླིང་སུ་གང་ལ་ཡོད་མ་རེད། བོད་པའི་སྐད་ཡིག་འདི་ཧ་ཅང་རླབས་ཆེན་པོ་རེད་འདུག ཧ་ཅང་རྩ་ཆེན་པོ་རེད་འདུག དམིགས་བསལ་ཤོད་རྒྱུ་གང་ཡང་མེད། ང་ཚོ་བོད་རིགས་རྣམས་ས་ཁུལ་ལུང་པ་འདྲ་མིན་གང་དུ་ཡོད་པ་ཡིན་ནའང་། ང་ཚོའི་ལུས་པོ་འདི་བོད་ལ་སྐྱེས་པ་ཡིན་ནའང་འདྲ། བོད་ཕྱི་ལོག་ཏུ་སྐྱེས་པ་ཡིན་ནའང་གང་ལྟར་ང་ཚོ་ཚང་མའི་ཤ་ཁྲག་རུས་པ་བརྒྱུད་ཡོང་ས་འདི་བོད་པ་ཆགས་ཀྱི་ཡོད། དེར་བརྟེན་ང་ཚོ་སྐྱེས་ནས་མ་འཆི་བར་དུ་བོད་པ་ཞེས་པའི་མིང་འདི་གསུབ་རྒྱུ་ཁྱོན་ནས་མེད། ཅེས་གསུངས།

༢༠༡༨ལོའི་ཟླ་༩་ཚེས་༡༥ཉིན། སྤྱི་ནོར་༸གོང་ས་སྐྱབས་མགོན་རིན་པོ་ཆེ་མཆོག་ནེ་ཏི་ལན་ཊིའི་རྒྱལ་ས(Amsterdam)ཨ་མོ་སི་ཊམ་ནས། ཡུ་རོབ་རྒྱལ་ཁབ་ཁག་ནས་ཕེབས་པའི་ཚན་རིག་པ་དང་ཆེད་མཁས་པ་རྣམས་ལ་མཇལ་འཕྲད་གནང་སྟེ། ལོ་ངོ་སུམ་སྟོང་གི་ལོ་རྒྱུས་ལྡན་པའི་རྒྱ་གར་གྱི་གནའ་བའི་ཤེས་རིག་གིས་འགྲོ་བ་མིའི་ནང་སེམས་ཀྱི་ཐད་ལ་ཞབས་འདེགས་རླབས་པོ་ཆེ་བསྐུན་ཡོད་སྐོར་གསུངས་ཏེ། གནའ་བའི་ཤེས་རིག་དེར་གུས་བརྩི་དང་བསྔགས་བརྗོད་གནང་།

More Articles ...

བོད་ཀྱི་ལོ་རྒྱུས་ཡིག་ཆ།