30
Sat, May

༢༠༢༠་ལོའི་ཟླ་༤་ཚེས་༩་ཉིན་སྤེལ། ཝུ་ཧན་ཏོག་དབྱིབས་གཉན་སྲིན་འབྱུང་སྐབས། རྒྱ་གཞུང་གིས་དེའི་དངོས་ཡོད་གནས་ཚུལ་སྦས་གསང་བྱས་ཏེ་ནད་དུག་དེ་གང་སར་ཁྱབ་ནས་མིའི་ཚེ་སྲོག་དང་རྒྱུ་ནོར་སོགས་ལ་གོད་ཆག་ཤུགས་ཆེན་བྱུང་བར་བརྟེན། དམར་ཕྱོགས་ཚོགས་པའི་ཚོགས་མི་རེན་ཀྲི་ཆང་གིས་སྐྱོན་བརྗོད་ཀྱི་རྩོམ་ཡིག་ཅིག་སྤེལ་ཏེ། རྒྱ་ནག་མི་མང་ཐེངས་འདིའི་དཀའ་ངལ་ལ་འཕྲད་པའི་ཉམས་མྱོང་བརྒྱུད། རྒྱ་གཞུང་གིས་མི་མང་ལ་སླར་ཡང་མགོ་སྐོར་གཏོང་ཐུབ་རྒྱུ་མ་རེད། ཅེས་བརྗོད་འདུག

༢༠༢༠་ལོའི་ཟླ་༤་ཚེས་༦་ཉིན་སྤེལ། བོད་ཀྱི་གཞོན་ནུ་ལྷན་ཚོགས་ཀྱིས་མཉམ་འབྲེལ་རྒྱལ་ཚོགས་ལ་རྒྱ་གཞུང་གིས་ཝུ་ཧན་ནད་དུག་གི་གནས་ཚུལ་སྦས་གསང་བྱས་ནས་འཛམ་གླིང་མི་མང་གི་ཚེ་སྲོག་ལ་ཉེན་ཁ་བཟོས་ཡོད་པའི་ཐོག་འགན་ཁུར་དགོས་དང་། རྒྱལ་སྤྱིའི་འཕྲོད་བསྟེན་ལས་ཁུངས་ཀྱི་འགན་འཛིན་རྩ་དགོངས་ཞུ་དགོས་པའི་སྙན་ཞུ་འབུལ་རྒྱུ་ཡིན་འདུག

༢༠༢༠་ལོའི་ཟླ་༣་ཚེས་༣༡་ཉིན་སྤེལ། འཛམ་གླིང་གང་སར་ཏོག་དབྱིབས་ནད་དུག་རྐྱེན་གྱིས་མི་རྣམས་རང་ཁྱིམ་དུ་བསྡད། ལས་གྲྭ་དང་ཚོང་གཉེར་ཁང་སོགས་སྒོ་བརྒྱབ་པ་དང་། དེ་བཞིན་འགྲུལ་སྐྱོད་བཀག་སྡོམ་བྱས་པའི་དབང་གིས་གནམ་གཤིས་བཟང་དུ་ཕྱིན་ཡོད་པར་ཚན་རིག་པས་འགྲེལ་བརྗོད་བྱས་འདུག

༢༠༢༠་ལོའི་ཟླ་༣་ཚེས་༢༤་ཉིན། རྒྱ་གར་གྱི་སྲིད་བློན་མོ་ཌི་མཆོག་གིས་འདུ་འཛོམས་སྤོང་བ་ནི་ཏོག་དབྱིབས་ནད་དུག་སྔོན་འགོག་ཐབས་ལམ་ཁོ་ན་ཡིན་པས། རྒྱལ་ཡོངས་སུ་བདུན་ཕྲག་གསུམ་རིང་འགྲོ་འོང་བཀག་སྡོམ་བྱས་རྒྱུ་ཡིན། དགོས་ངེས་ཅན་གྱི་ཚོང་ཁང་རིགས་སྒོ་འབྱེད་རྒྱུ་ཡིན་པར་གསལ་བསྒྲགས་སྤེལ་འདུག

༢༠༢༠་ལོའི་ཟླ་༤་ཚེས་༢་ཉིན་སྤེལ། ཡུ་རོབ་རྒྱལ་ཁབ་མང་པོ་ཞིག་གིས་རྒྱ་ནག་ནས་བཟོས་པའི་ཏོག་དབྱིབས་ནད་དུག་སྔོན་འགོག་གི་ཡོ་ཆས་ཁྲི་ཕྲག་མང་པོ་སྤུས་ཚད་ལེགས་པོ་མེད་པའི་རྒྱུ་མཚན་གྱིས་དང་ལེན་མ་བྱས་པར་བཀག་སྡོམ་བྱས་འདུག

༢༠༢༠་ལོའི་ཟླ་༣་ཚེས་༢༧་ཉིན་སྤེལ། ཉེ་ཆར་ཨ་རིའི་གྲོས་ཚོགས་གོང་འོག་གཉིས་ཀྱི་འཐུས་མིས་རྒྱ་ནག་གིས་ཏོག་དབྱིབས་ནད་དུག་གདོང་ལེན་བྱེད་སྟངས་ཐོག་ཉེས་འཛུགས་ཀྱི་གྲོས་ཆོད་བཏོན་ཡོད་པ་དང་། དེ་ནི་རྒྱ་གཞུང་གིས་ཏོག་དབྱིབས་ནད་དུག་དང་འབྲེལ་བའི་གནས་ཚུལ་སྦས་གསང་བྱས་ནས་འཛམ་གླིང་མི་མང་གི་ཚེ་སྲོག་ལ་ཉེན་ཁ་བཟོས་པའི་སྐོར་གྱི་གྲོས་ཆོད་ཅིག་རེད།

༢༠༢༠་ལོའི་ཟླ་༣་ཚེས་༢༣་ཉིན། རྒྱ་གར་དུ་ཏོག་དབྱིབས་ནད་དུག་ཕོག་མཁན་༤༡༨་བྱུང་ཡོད་ཅིང་། གཞུང་གིས་ཏོག་དབྱིབས་ནད་དུག་བྱུང་བའི་རྫོང་ཁག་༨༠་སྒོ་བརྒྱབ་འདུག གཞན་ནད་དུག་སྔོན་འགོག་དང་འབྲེལ་བའི་ཁྲིམས་གཞི་ཁག་དང་འགལ་ན། བཙོན་འཇུག་དང་དངུལ་གྱི་ཆད་པ་གཅོད་རྒྱུ་ཡིན་པར་བསྒྲགས་འདུག

More Articles ...

བོད་ཀྱི་ལོ་རྒྱུས་ཡིག་ཆ།