30
Mon, Mar

༢༠༢༠་ལོའི་ཟླ་༣་ཚེས་༢༧་ཉིན་སྤེལ། ཉེ་ཆར་ཨ་རིའི་གྲོས་ཚོགས་གོང་འོག་གཉིས་ཀྱི་འཐུས་མིས་རྒྱ་ནག་གིས་ཏོག་དབྱིབས་ནད་དུག་གདོང་ལེན་བྱེད་སྟངས་ཐོག་ཉེས་འཛུགས་ཀྱི་གྲོས་ཆོད་བཏོན་ཡོད་པ་དང་། དེ་ནི་རྒྱ་གཞུང་གིས་ཏོག་དབྱིབས་ནད་དུག་དང་འབྲེལ་བའི་གནས་ཚུལ་སྦས་གསང་བྱས་ནས་འཛམ་གླིང་མི་མང་གི་ཚེ་སྲོག་ལ་ཉེན་ཁ་བཟོས་པའི་སྐོར་གྱི་གྲོས་ཆོད་ཅིག་རེད།

༢༠༢༠་ལོའི་ཟླ་༣་ཚེས་༢༤་ཉིན། རྒྱ་གར་གྱི་སྲིད་བློན་མོ་ཌི་མཆོག་གིས་འདུ་འཛོམས་སྤོང་བ་ནི་ཏོག་དབྱིབས་ནད་དུག་སྔོན་འགོག་ཐབས་ལམ་ཁོ་ན་ཡིན་པས། རྒྱལ་ཡོངས་སུ་བདུན་ཕྲག་གསུམ་རིང་འགྲོ་འོང་བཀག་སྡོམ་བྱས་རྒྱུ་ཡིན། དགོས་ངེས་ཅན་གྱི་ཚོང་ཁང་རིགས་སྒོ་འབྱེད་རྒྱུ་ཡིན་པར་གསལ་བསྒྲགས་སྤེལ་འདུག

༢༠༢༠་ལོའི་ཟླ་༣་ཚེས་༡༦་ཉིན། ཝུ་ཧུན་ཏོག་དབྱིབས་ནད་དུག་འཛམ་གླང་གི་རྒྱལ་ཁབ་བརྒྱ་ལྷག་ལ་ཁྱབ་སྟེ། འཛམ་གླིང་མི་མང་གི་འཕྲོད་བསྟེན་དང་དཔལ་འབྱོར་ལ་ཤུགས་རྐྱེན་ཧ་ཅང་ཆེན་པོ་ཐེབས་ཡོད། ད་སྔ་རྒྱལ་སྤྱིའི་ཐོག་རིམས་ནད་དེ་ཕོག་མཁན་ཁྱོན་མི་གྲངས་༡༦༧༠༠་བྱུང་ཡོད་ཅིང་། མི་གྲངས་༦༤༠༠་ཡི་ཚེ་སྲོག་ཤོར་འདུག རྒྱ་གར་ནང་དུའང་དེ་རིང་བར་རིམས་ནད་དེ་ཕོག་མཁན་མི་གྲངས་༡༡༤་བྱུང་འདུག

༢༠༢༠་ལོའི་ཟླ་༣་ཚེས་༦་ཉིན་སྤེལ། རྒྱལ་སྤྱིའི་སྟེང་ཏོག་དབྱིབས་རིམ་ནད་ཁྱབ་བཞིན་ཡོད་པ་དང་། ད་སྔ་རྒྱ་གར་ལ་ནད་དུག་དེ་ཕོག་མཁན་༣༡་བྱུང་བར་བརྟེན། ལྡི་ལི་གཞུང་གིས་དམའ་རིམ་སློབ་གྲྭ་ཚང་མ་སྒོ་བརྒྱབ་ཡོད་པ་དང་། ལྷོ་ཁོ་རི་ཡ་དང་ཨི་ཊ་ལི། ཉི་ཧོང་། ཨི་རན། རྒྱ་ནག་བཅས་ཀྱི་མི་སེར་དང་རྒྱལ་ཁབ་དེ་ཚོའི་ནང་དུ་ཉེ་ཆར་ཕྱིན་པའི་མི་ཚོར་མཐོང་མཆན་སྤྲོད་རྒྱུ་ཕལ་ཆེ་བ་མཚམས་འཇོག་བྱས་འདུག

༢༠༢༠་ལོའི་ཟླ་༣་ཚེས་༢༣་ཉིན། རྒྱ་གར་དུ་ཏོག་དབྱིབས་ནད་དུག་ཕོག་མཁན་༤༡༨་བྱུང་ཡོད་ཅིང་། གཞུང་གིས་ཏོག་དབྱིབས་ནད་དུག་བྱུང་བའི་རྫོང་ཁག་༨༠་སྒོ་བརྒྱབ་འདུག གཞན་ནད་དུག་སྔོན་འགོག་དང་འབྲེལ་བའི་ཁྲིམས་གཞི་ཁག་དང་འགལ་ན། བཙོན་འཇུག་དང་དངུལ་གྱི་ཆད་པ་གཅོད་རྒྱུ་ཡིན་པར་བསྒྲགས་འདུག

ཕྱི་ལོ་ ༢༠༢༠ ཟླ་ ༣ པའི་ཚེས་ ༡༠ ཉིན། ཨོ་གླིང་གནས་མཁར་གསར་བོད་རིགས་མཐུན་ཚོགས་ཀྱི་གོ་སྒྲིག་འོག ས་གནས་དེ་གའི་གཞུང་སྡེའི་ལས་ཁུངས་མདུན་གྱི་གླིང་ག་རུ། བོད་རྒྱལ་ཁབ་ཆེན་མོར་རྒྱ་ནག་དམར་པོས་བཙན་འཛུལ་བྱས་ཏེ་ལོ་ངོ་ ༧༠ འགོར་ཞིང༌། གསུམ་བཅུའི་དུས་དྲན་ཐེངས་ ༦༡ གཟབ་རྒྱས་ངང་སྲུང་བརྩི་བྱས་སོང༌།

༢༠༢༠་ལོའི་ཟླ་༣་ཚེས་༤་ཉིན། ཨ་རིའི་རྒྱལ་ས་ཝ་ཤིན་ཏུན་ནས་ཏོག་དབྱིབས་རིམས་ནད་རྐྱེན་གྱིས་མི་དགུ་འདས་གྲོངས་སུ་ཕྱིན་པའི་གནས་ཚུལ་ཐོན་ཡོད་པ་དང་། ད་སྔར་མི་༡༢༥་ལ་རིམས་ནད་དེ་ཕོགས་འདུག རྒྱལ་སྤྱིའི་ཐོག་ད་སྔར་ཏོག་དབྱིབས་རིམས་ནད་ཕོགས་མཁན་༩༢༠༠་བྱུང་ཡོད་པ་དང་། མི་གྲངས་༣༢༠༠་འདས་གྲོངས་ཕྱིན་ཞིང་། རྒྱ་ནག་ནང་དུ་མི་༤༩༨༥༦་དྲག་བསྐྱེད་བྱུང་ཡོད་པར་བརྗོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།