05
Sun, Jul

༢༠༢༠་ལོའི་ཟླ་༧་ཚེས་༤་ཉིན། སངས་རྒྱས་བཅོམ་ལྡན་འདས་ཀྱིས་ཆོས་འཁོར་དང་པོ་བསྐོར་བའི་དུས་ཆེན་ཉིན། ༸གོང་ས་མཆོག་གིས་སྡུག་བསྔལ་མེད་པར་བཟོ་ཐབས་ནི་སྡུག་བསྔལ་གྱི་རྒྱུ་མེད་པར་བཟོ་ཐུབ་མིན་ལ་རག་ལས་ཡོད། ཀུན་འབྱུང་ལ་དཔྱད་དུས་མ་རིག་པ་ཐུག་ཡོད། གཞུང་ཆེན་པོའི་ཁག་ཏུ་མ་རིག་པ་སོགས་ཀྱི་སྐོར་ཟབ་ཅིང་རྒྱས་པ་ཡོད། དེར་བརྟེན། གཞུང་འདི་ཚོ་ལྟ་ཐུབ་པ་བྱེད་དགོས་པར་གལ་ཆེན་པོ་རེད། ཅེས་བཀའ་བསྩལ།

༢༠༢༠་ལོའི་ཟླ་༧་ཚེས་༡་ཉིན་སྤེལ། ཉེ་སྔོན་རྒྱ་གཞུང་གིས་ཧོང་ཀོང་ལ་རྒྱལ་ཁབ་བདེ་འཇགས་ཀྱི་ཁྲིམས་གསར་ཞིག་བཏོན་ཡོད་པར། དབྱིན་ཇི་དང་ཧྥི་རན་སི། འཇར་མན། ཉི་ཧོང་སོགས་རྒྱལ་ཁབ་ཉེར་བདུན་གྱིས་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་སུ། ཁྲིམས་གཞི་དེས་ཧོང་ཀོང་གི་རང་དབང་ལ་རྡོག་རོལ་གཏོང་གི་ཡོད་པས་རྒྱ་གཞུང་གིས་ངེས་པར་དུ་དེའི་ཐོག་བསམ་བློ་བསྐྱར་གཏོང་དགོས་པའི་ངོ་རྒོལ་གྱི་རྣམ་པ་བསྟན།

༢༠༢༠་ལོའི་ཟླ་༦་ཚེས་༢༥་ཉིན་སྤེལ། ཨ་རིའི་སྲིད་གཞུང་གིས་ཕྱི་རྒྱལ་ཁག་ཏུ་ཡོད་པའི་རྒྱ་ནག་གི་ཚོང་གཉེར་ཁང་ཉི་ཤུའི་མིང་ཐོ་བཏོན་ནས། དེ་དག་ནི་རྒྱ་ནག་གི་དམག་དོན་དང་ཁ་ཐུག་འབྲེལ་བ་ཡོད་པའི་སྐོར་དང་། ཨ་རི་གཞུང་གིས་དེ་དག་ལ་དཔལ་འབྱོར་གྱི་ཉེས་ཆད་གཅོད་སྲིད་པའི་གནས་ཚུལ་ཐོན་འདུག

༢༠༢༠་ལོའི་ཟླ་༦་ཚེས་༡༢་ཉིན་སྤེལ། རྒྱ་གཞུང་གི་ཏོག་ནད་གདོང་ལེན་བྱེད་ཕྱོགས་དང་རྒྱ་དཀར་ནག་གཉིས་ཀྱི་ས་མཚམས་རྩོད་རྙོག་གི་རྐྱེན་པས། རྒྱ་གར་གྱི་ཚོང་པ་དང་། གློག་བརྙན་འཁྲབ་སྟོན་པ། མི་སྒེར་སོགས་ཀྱིས་རྒྱ་ནག་ནས་བཟོས་པའི་ཅ་དངོས་རྣམས་བཀག་སྡོམ་བྱས་ནས་རྒྱ་གར་རང་གི་ཐོན་རྫས་བེད་སྤྱོད་གཏོང་རྒྱུའི་ལས་འགུལ་ཤུགས་ཆེན་སྤེལ་བཞིན་འདུག

༢༠༢༠་ལོའི་ཟླ་༦་ཚེས་༢༩་ཉིན། ཉེ་ཆར་རྒྱ་དཀར་ནག་གི་ས་མཚམས་བར་འཐབ་འཛིང་བྱུང་རྗེས། རྒྱ་གར་གཞུང་གིས་རྒྱ་ནག་ནས་བཟོས་པའི་མཉེན་ཆས་༥༩་བཀག་སྡོམ་བྱེད་པའི་གསལ་བསྒྲགས་སྤེལ་ཤིང་། གྷོ་གྷལ(Google)་དང་ཀུ་ཤུ(Apple)་ཚོང་གཉེར་ཁང་ལ་རྒྱ་གར་གཞུང་གི་བཀའ་ཡིག་འབྱོར་བ་དང་མཉེན་ཆས་དེ་དག་ཕབ་ལེན་བྱེད་རྒྱུ་མེད་པར་བཟོ་འཆར་འདུག

༢༠༢༠་ལོའི་ཟླ་༦་ཚེས་༡༧་ཉིན་སྤེལ། རྒྱ་དཀར་ནག་གི་ས་མཚམས་ལ་དྭགས་ནས་ཕྱོགས་གཉིས་ཀྱི་དམག་མི་འཁྲུག་འཛིང་བྱས་ཏེ། རྒྱ་གར་གྱི་དམག་མི་༢༠་ཡི་སྲོག་ཤོར་ཡོད་པ་དང་རྒྱ་ནག་གི་དམག་མི་༤༣་གྱི་སྲོག་ཤོར་བ་དང་རྨས་ཡོད་པའི་གནས་ཚུལ་ཐོན་འདུག

༢༠༢༠་ལོའི་ཟླ་༦་ཚེས་༧ཉིན། ༸གོང་ས་མཆོག་གིས་དེང་སྐབས་ང་ཚོར་འཕྲད་བཞིན་པའི་དཀའ་ངལ་འདི་དག་ནི་འགྲོ་བ་མིའི་བྱེད་ལས་ལ་བརྟེན་ནས་བྱུང་བ་ཡིན་པས་འགྲོ་བ་མི་ལ་དཀའ་ངལ་འདི་དག་སེལ་བའི་འོས་འགན་ཡོད། དེ་བཞིན་མི་ཚང་མར་འགྲོ་བ་མི་གཅིག་གྱུར་གྱི་འདུ་ཤེས་ཡོད་གྱུར་ན་ཕན་ཚུན་འཚེ་བ་བྱེད་པའི་གཞི་རྩ་གཏན་ནས་མེད་པར་འགྱུར་གྱི་རེད། ཅེས་བཀའ་བསྩལ།

More Articles ...

བོད་ཀྱི་ལོ་རྒྱུས་ཡིག་ཆ།