18
Wed, Sep

༢༠༡༩ལོའི་ཟླ་༩་ཚེས་༡༦་ཉིན་སྤེལ། ཉེ་ཆར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་འདུ་ཐེངས་ ༤༢ པ་དེ། སུད་སིའི་གྲོང་ཁྱེར་ཇི་ནི་ཝ་ནང་འཚོགས་བཞིན་ཡོད་པ་དང་། དེའི་ཐོག་བོད་པའི་འཐུས་མི་ཡིས། རྒྱ་གཞུང་གིས་བོད་ཀྱི་དགོན་ཆེན་ཁག་ལ་གཏོར་བཤིག་གཏོང་བཞིན་ཡོད་པ་དང་། བོད་མིའི་རིག་གཞུང་། སྤྱི་ཚོགས། དཔལ་འབྱོར་བཅས་ཀྱི་ཐོབ་ཐང་ལ་བརྩི་མེད་རྡོག་རོལ་གཏོང་བཞིན་འདུག ཅེས་ཞུས་ཡོད་འདུག

༢༠༡༩ལོའི་ཟླ་༩་ཚེས་༤་ཉིན། ཧོང་ཀོང་སྤྱི་ཁྱབ་འགན་འཛིན་ཁེ་རི་ལམ་གྱིས། ཧོང་ཀོང་ནང་དུ་ཟླ་གསུམ་གྱི་རིང་ལ་བྱུང་བའི་ངོ་རྒོལ་འབྱུང་རྐྱེན་གཙོ་བོ་སྟེ། ཉེས་ཅན་རྩིས་སྤྲོད་ཀྱི་ཁྲིམས་འཆར་དེ་གཞུང་འབྲེལ་ཐོག་དངོས་སུ་ཕྱིར་འཐེན་བྱས་པའི་གསལ་བསྒྲགས་བྱས་ཡོད་རུང་། ངོ་རྒོལ་བའི་དགོས་འདུན་གཞན་པ་བཞི་ཡི་ཐོག་གང་ཡང་བརྗོད་མེད་སྟབས། ངོ་རྒོལ་མུ་མཐུད་ནས་བྱ་རྒྱུ་ཡིན་སྐོར་བརྗོད་འདུག

༢༠༡༩ལོའི་ཟླ་༨་ཚེས་༢༩་ཉིན་སྤེལ། ཉེ་ཆར། ཁ་ཎ་ཌ་དང་ཨོ་གླིང་གཙོས་པའི་རྒྱལ་ཁབ་ཁག་ཅིག་གི་ནང་། རྒྱ་གཞུང་གིས་བཙུགས་པའི་ཁུང་ཙི་སློབ་གཉེར་ཁང་ཞེས་པའི་ནང་རྒྱ་ནག་གི་སྐད་ཡིག་དང་རིག་གཞུང་སློབ་བཞིན་ཡོད་ཅིང་། སློབ་གཉེར་ཁང་དེ་བརྒྱུད་ནས་རྒྱ་གཞུང་གི་ལྟ་བ་སྤེལ་བ་དང་སྨྲ་བརྗོད་རང་དབང་སོགས་བརྩི་སྲུང་བྱེད་ཀྱི་མེད་པར་བརྟེན། ཨ་རི་དང་། ཁ་ཎ་ཌ། ཨོ་གླིང་བཅས་ཀྱིས་སློབ་གཉེར་ཁང་དེ་དག་སྒོ་རྒྱག་བཞིན་ཡོད་འདུག

༢༠༡༩ལོའི་ཟླ་༨་ཚེས་༢༥་ཉིན། ཧོང་ཀོང་ནང་བདུན་ཕྲག་བཅུ་གཉིས་པའི་ངོ་རྒོལ་དེ་བྱས་ཡོད་ཅིང་། སྐབས་དེར་ངོ་རྒོལ་བ་ཚོ་དང་ཉེན་རྟོག་པའི་བར་འཁྲུག་འཛིངས་ཤོར་ནས། ཉེན་རྟོག་པས་ངོ་རྒོལ་བ་ཚོར་གཅར་རྡུང་དང་། མིག་ཆུ་དུག་རླུང་གཏོང་བ། ཆུ་གཏོར་བ་སོགས་བྱས་ཡོད་འདུག གཞན་རྒྱ་གར་རྒྱལ་ཡོངས་ཚོང་འབྲེལ་མཐུན་ཚོགས་ཀྱིས་རྒྱ་ནག་གི་ཚོང་རྫས་རྒྱ་གར་ནང་བཀག་སྡོམ་དགོས་པའི་འབོད་སྐུལ་བྱས་འདུག

༢༠༡༩ལོའི་ཟླ་༩་ཚེས་༢་ཉིན། ཧོང་ཀོང་གི་གྲོང་ཁྱེར་གསུམ་གྱི་ནང་དུ། སློབ་ཕྲུག་གཙོ་པའི་མི་མང་སྟོང་ཕྲག་འགའ་ཞིག་གིས་གཞུང་ལ་ངོ་རྒོལ་བྱས་ཡོད་པ་དང། གཞན་ཧོང་ཀོང་སྤྱི་ཁྱབ་འགན་འཛིན་གྱིས་ཁོ་མོ་དགོངས་པ་ཞུ་འདོད་ཡོད་རུང་། རང་དབང་མེད་པའི་སྐོར་བཤད་ཀྱིན་ཡོད་པའི་གསང་བའི་སྐད་ཆའི་སྒྲ་འཇུག་ཅིག་ཕྱིར་ཤོར་ཡོད་འདུག

༢༠༡༩་ལོའི་ཟླ་༨་ཚེས་༢༨་སྤེལ། ཉེ་ཆར་ཚན་རིག་པས་སྙན་ཐོ་ཞིག་བཏོན་པའི་ནང་། ཐ་ན་འཛམ་གླིང་བྱང་སྣེའི་(Arctic)ཁ་བའི་ནང་དུའང་ཧ་ཅང་ཕྲ་བའི་འགྱིག་རྡུལ་(Plastic particles)ཡོད་པར་བརྟག་དཔྱད་བརྒྱུད་ནས་རྙེད་ཡོད་པ་མ་ཟད། འཛམ་གླིང་གི་འབགས་བཙོག་ཆེ་བའི་རྒྱལ་ཁབ་ཏུ་འབབ་པའི་ཁ་བ་དང་ཆར་བའི་ནང་དུའང་དེ་ལས་མང་བའི་འགྱིག་རྡུལ་རྙེད་ཀྱི་ཡོད་པར་བརྗོད་འདུག

དེ་ཡང་། ཉེ་ཆར་འཇར་མན་གྱི་ཚན་རིག་པ་ཁག་ཅིག་གིས་འཛམ་གླིང་བྱང་སྣེ་ལ་སོང་ནས། དེའི་གའི་ཁ་བར་བརྟག་དཔྱད་བྱས་པ་བརྒྱུད། ཁ་བ་ལི་ཊར་(litre)་གཅིག་གི་ནང་འགྱིག་རྡུལ་གྲངས་༡༠༠༠༠་རྙེད་མཐར་ཚན་རིག་པ་ཚོ་ཧ་སངས་དགོས་པ་བྱུང་འདུག

འཇར་མན་དང་སུད་སུ་ཉམས་ཞིབ་སྡེ་ཚན་ནས་བཏོན་པའི་ཚན་རིག་སྙན་ཐོའི་ནང་། ཚན་རིག་པ་ཚོས་འཛམ་གླིང་བྱང་སྣེའི་ཁ་བའི་ནང་འགྱིག་རྡུལ་དང་། འགྱིག་སུབ་རྡུལ་། སྤུ་ཡི་ཉག་མ། རྩི་ཤིང་ཕྲ་མོ་སོགས་རྙེད་ཡོད་འདུག

སའི་གོ་ལའི་ཆེས་གཙང་བའི་འཛམ་གླིང་བྱང་སྣེའི་མཁའ་དབྱིངས་སུ་ཧ་ཅང་ཕྲ་བའི་འགྱིག་རྡུལ་ཡོད་ན། འབགས་བཙོག་ཆེ་བའི་རྒྱལ་ཁབ་ཀྱི་མཁའ་དབྱིངས་སུ་འགྱིག་རྡུལ་ཡོད་པ་སྨྲ་མི་དགོས་པ་ཞིག་རེད་ཅེས་ཚན་རིག་པས་བརྗོད་ཡོད་འདུག དེས་མིའི་འཕྲོད་བསྟེན་ལ་གནོད་ཀྱི་ཡོད་མེད་ཐོག་ད་དུང་གནས་ཚུལ་གསལ་ཁ་བྱུང་མི་འདུག

འཇར་མན་གྱི་ཨལ་ཧྥ་རེ་ཌི་ཝེ་ཇེ་ནེར་སློབ་གཉེར་ཁང་ནང་གི་བརྟག་དཔྱད་ཁང་ཞིག་གིས། འཛམ་གླིང་བྱང་སྣེ་ནས་འཁྱེར་ཡོང་བའི་ཁ་བར་བརྟག་དཔྱད་བྱས་མཐར། དེའི་ནང་དུ་ཁོ་ཚོ་ཧང་སང་དགོས་པའི་འགྱིག་རྡུལ་ཕྲ་མོ་རྙེད་ཡོད་ཀྱང་། དེ་དག་ཆུང་དྲགས་པས་ས་ཕྱོགས་གང་ནས་ཡོང་མིན་གྱི་སྐོར་ལ་བརྟག་དཔྱད་བྱེད་ཐུབ་མེད་པ་རེད།

ཚན་རིག་པས་ཚོས་འཇར་མན་དང་སུད་སུའི་ས་ཆ་ཁག་ནས་ཁ་བ་བླངས་ཏེ་བརྟག་དཔྱད་བྱེད་སྐབས། འཛམ་གླིང་བྱང་སྣེའི་ཁ་བའི་ནང་ལས ། སུ་ཁུལ་དེ་དག་གི་ཁ་བའི་ནང་དུ་འགྱིག་རྡུལ་མང་པོ་ཡོད་པར་ར་འཕྲོད་བྱུང་འདུག

དེ་སྔོན་ཡང་། ཧྥ་རིན་སུ་དང་། དབྱིན་ཡུལ། རྒྱ་ནག་བཅས་ལ་འགྱིག་རྡུལ་ཕྲ་མོ་ནམ་མཁའ་ནས་ཟགས་ཡོད་པའི་གནས་ཚུལ་བྱུང་ཡོད་འདུག

དེ་ནས་འཛམ་གླིང་བྱང་སྣེའི་ཁ་བའི་ནང་དུ་འགྱིག་རྡུལ་གཙོ་པའི་སྤུའི་ཉག་མ་སོགས་ག་འདྲ་བྱས་ནས་སླེབས་ཡོད་མེད་ཐོག ཚན་རིག་པ་ཚོས་འདི་ལྟར་བརྗོད་འདུག་སྟེ། རླུང་དང་། ཁ་བ། རླངས་པ་སོགས་བརྒྱུད་ནས་སླེབས་ཡོད་ཚོད་བརྗོད་འདུག

༢༠༡༩ལོའི་ཟླ་༨་ཚེས་༢༣་ཉིན་སྤེལ། ཡུལ་གྲུབ་(YouTube)དང་། འཕྲུལ་སྒྲ་(Twitter)། ངོ་དེབ(་Facebook)་བཅས་ནས་རྒྱ་གཞུང་གིས་རྒྱབ་སྐྱོར་བྱེད་པའི་དྲ་ཚིགས་དང་། ངོ་དེབ་ཚོགས་པ། བརྒྱུད་ལམ་སྤྱོད་མཁན་སོགས་ཀྱིས་ཧོང་ཀོང་ནང་བྱུང་དང་འབྱུང་བཞིན་པའི་ངོ་རྒོལ་ཐོག་ལ་གནས་ཚུལ་རྫུན་མ་སྤེལ་མཁན་གྲངས་༡༠༠༠ལྷག་མེད་པ་བཟོས་ཡོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།