15
Fri, Nov

༢༠༡༩ལོའི་ཟླ་༤་ཚེས་༨་ཉིན། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ས་ལྡི་ལི་ནང་ཉིན་བཞིའི་མཛད་འཕྲིན་ཁག་ལེགས་པར་གྲུབ་རྗེས་བཞུགས་སྒར་རྡ་རམ་སར་༸ཞབས་སོར་བདེ་བར་འཁོད་གནང་སོང་བ་དང་། རྡ་ས་ཁུལ་གྱི་གཞུང་དང་གཞུང་འབྲེལ་མ་ཡིན་པའི་མི་སྣ་དང་སྐུ་ཚབ། དེ་བཞིན་སེར་སྐྱ་ཕོ་མོ་མང་ཚོགས་དང་ཕྱི་རྒྱལ་བ་བཅས་ནས་ཕེབས་བསུའི་སྣེ་ལེན་གཟབ་རྒྱས་ཞུས་གནང་སོང་།

༢༠༡༩ལོའི་ཟླ་༤་ཚེས་༤་ཉིན། བཞུགས་སྒར་རྡ་ས་གངས་སྐྱིད་ཀྱི་ཆེས་མཐོའི་ཁྲིམས་ཞིབ་ཁང་གི་ཚོགས་ཁང་དུ་ཁྲིམས་དྲུང་བཀྲ་ཤིས་རྒྱ་མཚོ་ལགས་ཀྱིས་ཉེ་ཆར་སྤྱི་འཐུས་ལྷན་ཚོགས་ནས་བཀའ་བློན་དུ་བདམས་ཐོན་བྱུང་ཡོད་པའི་རྫོང་ཁ་སྟོབས་རྒྱལ་ཚེ་རིང་ལགས་བཀའ་བློན་གྱི་འོས་གཞིར་བཅའ་ཁྲིམས་དོན་ཚན་ ༢༢ ལྟར་གྱི་བརྒྱ་ཆ་མ་ལོན་པའི་སྐོར་ལ་ཆེས་མཐོའི་ཁྲིམས་ཞིབ་ཁང་གིས་ཐག་གཅོད་བྱས་པའི་ཡོངས་ཁྱབ་གསལ་བསྒྲགས་ཤིག་སྤེལ་སོང་།

༢༠༡༩ཟླ་༣ཚེས་༡༩་ནས་ཚེས་༢༩བར་སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པ་གངས་ཅན་སྐྱིད་གཤོངས་ཀྱི་གྲོས་ཚོགས་ཁང་དུ་ཚོགས་ཡོད་པ་ལྟར། ཉིན་བཅུའི་རིང་ལ་ལས་ཁུངས་ཁག་གི་སྔོན་རྩིས་ཀྱི་སྐོར་དང་། མྱ་ངན་རྗེས་དྲན་གྱི་གྲོས་ཆོད་གྲོས་འཆར། གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་བཅས་གཏན་འབེབས་གནང་སོང་བ་དང་། ཚོད་དཔག་འཆར་རྩིས་ཚོགས་ཆུང་གི་སྙན་ཐོ་དང་། ཁྲིམས་བཟོའི་ལས་རིམ། རྩིས་ཁྲ་སོགས་ཀྱི་སྐོར་ནས་བགྲོ་གླེང་དང་། ལན་འདེབས་སོགས་གནང་སྟེ། དེ་རིང་ཉིན་མཐའ་མ། ཚེས་༢༩་ཉིན། ཐེངས་འདིའི་གྲོས་ཚོགས་བདེ་ལེགས་ངང་མཇུག་གྲུབ་སོང་།

སྡུག་བསྔལ་ནི་འཁོར་བའི་ཆོས་ཉིད་རེད། སྡུག་བསྔལ་དེ་དག་ལ་གདོང་ལེན་བྱེད་སྐབས་བསམ་བློ་ཞི་བདེ་བག་ཕེབས་ཡོད་ན་ཕན་ཐོགས་ཧ་ཅང་ཡོད། དེ་འདྲ་ཡོང་བའི་ཐབས་ལམ་གཅིག་ནི་སེམས་བསྐྱེད་ཀྱི་བློ་དེ་རེད། གཞན་དོན་ལ་སེམས་ཁུར་བྱ་རྒྱུ་དང་གཞན་གྱི་བཀའ་དྲིན་དྲན་དགོས་པ་དེ་རེད། གཞན་ཡང་རང་ཉིད་དང་འདྲ་བར་མི་ཚེ་བདེ་སྐྱིད་ལྡན་པ་ཞིག་འདོད་པ་མཚུངས་པ་རེད། དེར་གཞི་བཅོལ་ནས་བྱམས་བརྩེའི་བློ་སྐྱེ་ཐབས་བྱེད་ཀྱི་ཡོད། འདི་ནི་ངོས་ཀྱི་ཉིན་རེའི་བྱེད་སྒོ་ཞིག་ཡིན་ཞེས་༸གོང་ས་མཆོག་གིས་བཀའ་སྩལ་འདུག

༢༠༡༩ལོའི་ཟླ་༤་པའི་ཚེས་༢་ཉིན། རྡ་སར་དཔལ་ལྡན་དཔལ་འབྱོར་བཀའ་བློན་མཆོག་གིས་བོད་པའི་གསར་གཏོད་ (Tibet Innovations)་ནས་རྒྱ་གར་ནང་དུ་ཡོད་པའི་བོད་མིའི་གཞིས་ཆགས་སྲ་བརྟན་ཡོང་ཆེད་དང་གཞོན་སྐྱེས་ཚོར་ལས་ཀའི་གོ་སྐབས་བསྐྲུན་ཆེད་དུ་བོད་མི་ཚོང་གཉེར་དང་ལས་འཆར་ཡག་པོ་ཡོད་མཁན་ལ་ཧིན་སྒོར་ས་ཡ་༡༠་མ་དངུལ་རོགས་རམ་གནང་རྒྱུ་ཡིན་པར་བསྒྲགས་སོང་།

༢༠༡༩ལོའི་ཟླ་༣་པའི་ཚེས་༢༩་ཉིན། རྡ་སའི་སྨན་རྩིས་མཐོ་སློབ་ཚོགས་ཁང་དུ་ལྷ་ས་སྨན་རྩིས་ཁང་དབུ་བརྙེས་ནས་ལོ་༡༠༣་འཁོར་གྱི་ཡོད་པ་དང་། བྱེས་སུ་སྨན་རྩིས་ཁང་བསྐྱར་འཛུགས་གནང་ནས་ལོ་༤༨་འཁོར་བའི་དུས་དྲན་སྲུང་བརྩི་ཞུས་སོང་། མཛད་སྒོའི་ཐོག་སྐུ་མགྲོན་གཙོ་བོ་དཔལ་ལྡན་འཕྲོད་བསྟེན་བཀའ་བློན་མཆོག་དང་དམིགས་བསལ་སྐུ་མགྲོན་གཙོ་བོ་གྷོ་དྷ་ཤན་གྷུ་ཏ(Dr. Gurdarshan Gupta)དང་།སྨན་རྩིས་ཁང་གི་འགན་འཛིན་དང་སྨན་པ་དང་སློབ་ཕྲུག་ལས་བྱེད་སོགས་འཛོམས་གནང་འདུག

༢༠༡༩ཟླ་༣ ཚེས་༢༧ཉིན། དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་གྲོས་ཚོགས་ཚོགས་དུས་བདུན་པའི་ལས་ཉིན་བརྒྱད་པའི་ལས་རིམ་གཉིས་པར་ལྔ་དང་ལྔ་བཅུའི་འཆར་སྣང་སྐོར་བཀའ་ཤག་གི་གསལ་བཤད་གནང་དོན། བཀའ་ཤག་གི་ལྔ་དང་ལྔ་བཅུའི་འཐབ་བྱུས་སྐོར་གོ་རྟོགས་ཆེ་རུ་དང་གསལ་རུ་གཏང་དགོས་པའི་ཚོར་སྣང་བྱུང་སོང་། ལྔ་དང་ལྔ་བཅུའི་འཆར་སྣང་འདི་ཇི་ལྟར་བྱུང་བ་རེད་དམ་ཞེ་ན། དེ་སྔ་གནང་བ་གང་ཡོད། མ་འོངས་པར་གནང་རྒྱུ་གནང་ཡོད་པ་དེ་དག་གཞི་ལ་བཞག་པའི་ཐོག་ནས་རྒྱབ་ལྗོངས་ལོ་རྒྱུས་ཞུས་ན་བསམ་སོང་།

More Articles ...

བོད་ཀྱི་ལོ་རྒྱུས་ཡིག་ཆ།