15
Fri, Nov

༢༠༡༩ལོའི་ཟླ་ ༤ ཚེས་ ༢༥ ཉིན། བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་སྒྲིག་འཛུགས་ཀྱིས་ཀུན་གཟིགས་༸པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་༸རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༠ ལ་ཕེབས་པའི་སྐུའི་འཁྲུངས་སྐར་དུས་ཆེན་དང་། ༸པཎ་ཆེན་སྐུ་ཕྲེང་བཅུ་པའི་མཛད་འཕྲིན་ལ་བཀའ་དྲིན་རྗེས་དྲན་གྱི་གཞུང་འབྲེལ་མཛད་སྒོ་སྲུང་བརྩི་གཟབ་རྒྱས་ཞུས་སོང་།

༢༠༡༩ལོའི་ཟླ ༤ ཚེས་༢༥ཉིན། རྒྱ་གར་ལྷོ་ཕྱོགས་གདན་ས་ཆེན་པོ་བཀྲ་ཤིས་ལྷུན་པོ་རུ་༧ཀུན་གཟིགས་པཎ་ཆེན་སྐུ་ཕྲེང་ ༡༡ པ་༧རྗེ་བཙུན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༠ ལ་ཕེབས་པའི་འཁྲུངས་སྐར་གྱི་རྟེན་འབྲེལ་ཧ་ཅང་ཟབ་རྒྱས་ཞིག་ཚོགས་སོང་།

༢༠༡༩ལོའི་ཟླ་༤་ཚེས་༢༣ ཉིན། བཞུགས་སྒར་རྡ་སའི་གཙུག་ལག་ཁང་གི་ཉེ་འགྲམ་གྱི་དཔའ་བོ་རྡོ་རིང་གི་མདུན་དུ་དབུས་གཞོན་ནུ་ལྷན་ཚོགས་དང་། བོད་རང་དབང་སློབ་ཕྲུག་ཚོགས་པ་གཉིས་ཀྱིས་གོ་སྒྲིག་འོག ༸པཎ་ཆེན་རིན་པོ་ཆེ་མཆོག་གི་སྐུའི་འཁྲུངས་སྐར་དང་བསྟུན་ཏེ། རྡ་ས་ནས་ལྡི་ལི་བར་སྦག་སྦག་སྐོར་བསྐྱོད་ཀྱི་ལས་འགུལ་ཞིག་སྤེལ་མགོ་བརྩམས་སོང་།

༢༠༡༩ལོའི་ཟླ་༤་ཚེས་༡༤་ཉིན། རྒྱ་གར་རྒྱལ་ས་ལྡི་ལིའི་༸གོང་ས་མཆོག་གི་བཞུགས་གནས་མགྲོན་ཁང་དུ་རྒྱ་གར་གྱི་འཕྲོད་བསྟེན་བློན་ཆེན་མཆོག་ཕེབས་ཏེ། མགོན་པོ་ཁོང་གི་སྐུའི་འཕྲོད་བསྟེན་ཐོག་རྒྱ་གར་གཞུང་ངོས་ནས་གང་གནང་དགོས་རུང་རོགས་རམ་གནང་རྒྱུ་ཡིན་ཞེས་གསུངས་འདུག

༢༠༡༩ལོའི་ཟླ་༤་ཚེས་༢༤་ཉིན། རྡ་སའི་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་གིས་ལྔ་དང་ལྔ་བཅུའི་ཚོགས་ཆེན་གྱི་འགྲེལ་བརྗོད་མདོར་བསྡུས་དང་དེ་དང་འབྲེལ་བའི་ཐོག་གསར་འགོད་གསལ་བསྒྲགས་ཤིག་སྤེལ་གནང་སོང་།

༢༠༡༩ལོའི་ཟླ་༤་ཚེས་༡༨་ཉིན། བཞུགས་སྒར་དུ་རྟེན་གཞི་བྱེད་པའི་དབུས་བོད་ཀྱི་བུད་མེད་ལྷན་ཚོགས་ཀྱིས་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་༣༠ ཕེབས་པའི་སྐུའི་འཁྲུངས་སྐར་ཉིན་བོད་ཀྱི་བུད་མེད་ལྷན་ཚོགས་དབུས་ས་ཡོངས་ནས་རྒྱ་གར་རྒྱལ་ཡོངས་ནང་གཞི་རྒྱ་ཆེ་བའི་ཞི་བའི་གོམ་བགྲོད་ཀྱི་ལས་འགུལ་སྤེལ་རྒྱུ་ཡིན་པའི་གསར་འགོད་གསལ་བསྒྲགས་ཤིག་སྤེལ་གནང་སོང་།

༢༠༡༩ལོའི་ཟླ་༤་ཚེས་༡༢་ཉིན། ༸སྤྱི་ནོར་༸གོང་ས་སྐྱབས་མགོན་མཆོག་གི་སྐུའི་སྙུག་གཞི་དྲག་སྐྱེད་བྱུང་ནས་རྒྱ་གར་རྒྱལ་ས་ལྡི་ལིའི་མེ་ཁུ་སི་སྨན་ཁང་ནས་ཐོན་གནང་ཡོད་པ་དང་། ཁོང་གིས་ཁོང་སྙུང་བའི་རིང་བོད་ཕྱི་ནང་གཉིས་ཀྱི་བོད་མི་དང་འཛམ་གླིང་མི་མང་ཚོས་ཞལ་འདོན་དང་སྨོན་ལམ་བརྒྱབ་གནང་བར་ཐུགས་རྗེ་ཆེ་ཞུ་གནང་འདུག

More Articles ...

བོད་ཀྱི་ལོ་རྒྱུས་ཡིག་ཆ།