15
Fri, Nov

༢༠༡༩ལོའི་ཟླ་༥་ཚེས་༡༣ཉིན་སྤེལ། ཚེས་༡༠ནས་བཟུང་ནས་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་ཨུ་རུ་སུའི་དད་ལྡན་ཆོས་ཞུ་བ་གཙོ་བོ་གྱུར་བའི་ཕྱི་ནང་གི་དད་ལྡན་མི་མང་རྣམས་ལ་བསྩལ་བའི་རྒྱུད་བླ་མ་དང་ལམ་གཙོ་རྣམ་གསུམ་གྱི་བཀའ་ཆོས་ཚེས་༡༢ ཉིན་མཇུག་སྒྲིལ་མཛད།

༢༠༡༩ལོའི་ཟླ་༥་ཚེས་༡༠ཉིན། ཨུ་རུ་སུའི་དད་ལྡན་སེར་སྐྱ་མི་མང་ཁག་གཅིག་གིས་ཇི་ལྟར་སྔོན་ནས་གསོལ་འདེབས་ཞུས་དོན་ལྟར། ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་ཨུ་རུ་སུའི་དད་ལྡན་ཆོས་ཞུ་བ་གཙོ་བོ་གྱུར་བའི་ཕྱི་ནང་གི་དད་ལྡན་མི་མང་རྣམས་ལ་དེ་རིང་ནས་བཟུང་སྟེ་ཉིན་གསུམ་རིང་གི་རྒྱུད་བླ་མ་དང་ལམ་གཙོ་རྣམ་གསུམ་གྱི་བཀའ་ཆོས་དབུ་འཛུགས་གནང་སོང་།

༢༠༡༩ལོའི་ཟླ་༥་ཚེས་༥་ཉིན། སྤྱི་ནོར་༸གོང་ས་མཆོག་སྐྱབས་མགོན་ཆེན་པོ་མཆོག་དབུ་བཞུགས་ཐོག་འཇམ་མགོན་བླ་མ་ཙོང་ཁ་པ་ཆེན་པོ་དགོངས་པ་མྱ་ངན་ལས་འདས་ནས་མི་ལོ་ཧྲིལ་པོ་༦༠༠འཁོར་བའི་བཀའ་དྲིན་རྗེས་དྲན་དང་འབྲེལ་བའི་དཔལ་དུས་ཀྱི་འཁོར་ལོའི་རིས་མེད་མཁས་པའི་བགྲོ་གླེང་ཆེན་མོ་ཐེངས་དང་པོ་དེ་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་གི་དུས་འཁོར་ལྷ་ཁང་དུ་དབུ་འཛུགས་གནང་སོང་།

༢༠༡༩ལོའི་ཟླ་༤་ཚེས་༢༦ཉིན། རྒྱ་གར་རྒྱལ་ས་ལྡི་ལིའི་བོད་ཁྱིམ་སྡོད་ཁང་གི་ཚོགས་ཁང་ནང་དུ་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གིས་ལྡི་ལིའི་ཁུལ་གྱི་བོད་ཀྱི་མཐོ་སློབ་སློབ་མ་དང་སློབ་ཕྲུག་རྣམས་ལ་ནང་པའི་སེམས་ཁམས་རིག་པ་དང་ལྟ་གྲུབ་དེ་ཚོར་འགྲེལ་བཤད་རྒྱག་སྐབས། བོད་ཡིག་དེ་ཡག་ཤོས་རེད། དེར་བརྟེན་བོད་པའི་གཞོན་སྐྱེས་ཚོས་བོད་ཡིག་ལ་དོ་སྣང་ཡག་པོ་བྱེད་དགོས་རེད་ཅེས་བཀའ་སྩལ་འདུག

༢༠༡༩ལོའི་ཟླ་༤ཚེས་༧ཉིན། བཞུགས་སྒར་རྡ་སར་ཀིརྟིའི་དགེ་རྩ་ཚོགས་པའི་ཚོགས་ཆེན་ཐེངས་བཞི་པ་ཚོགས་ཤིང་། ཚོགས་འདུའི་དབུ་འབྱེད་མཛད་སྒོའི་སྐུ་མགྲོན་གཙོ་བོ་ནི་བཀའ་བློན་ཁྲི་ཟུར་མཁས་དབང་སྐྱབས་རྗེ་ཟམ་གདོང་རིན་པོ་ཆེ་མཆོག་དང་། ཀིརྟིའི་དགེ་རྩ་ཚོགས་པའི་སྤྱི་ཁྱབ་རྒྱུན་ལས་རྣམ་པ། འཐུས་མི་དང་ཚོགས་མི་རྣམ་པ་ཡོངས་ཚང་འཛོམས་ཐོག་ཀིརྟིའི་བྱེས་པ་གྲྭ་ཚང་དུ་སྐོང་ཚོགས་གནང་སོང་།

༢༠༡༩ལོའི་ཟླ་༥་ཚེས་༣་ཉིན། འཛམ་གླིང་གསར་འགོད་རང་དབང་ཉིན་མོ་བསྟུན། རྒྱལ་སྤྱིའི་ཚོགས་སྡེ་ཁག་ལ་བོད་ནང་གི་འགྲུལ་སྐྱོད་རང་དབང་གི་ཐོབ་ཐང་ཁག་རྩིས་མེད་རྡོག་རོལ་གཏོང་ཐབས་ཀྱི་ལག་བསྟར་སྒྲིག་ཁྲིམས་ཁག་མྱུར་དུ་མཚམས་འཇོག་པའི་གནོན་ཤུགས་སྤྲོད་དགོས་པའི་འབོད་སྐུལ་དང་། རྒྱ་གཞུང་གིས་ངེས་པར་དུ་ཕྱིའི་གསར་འགོད་པ་དང་འགྲོ་བ་མིའི་ཐོབ་ཐང་དོན་གཉེར་བ་ཚོ་སྲིད་གཞུང་གི་ལྟ་རྟོག་མེད་པར་རང་དབང་གི་ཐོག་ནས་བོད་ནང་ལ་འགྲུལ་སྐྱོད་བྱེད་དུ་འཇུག་དགོས་པའི་དགོས་འདུན་བཏོན་སོང་།

༢༠༡༩ལོའི་ཟླ་༤་ཚེས་༢༥ཉིན། བཞུགས་སྒར་རྡ་སའི་གཙུག་ལག་གི་ཉེ་འགྲམ་གྱི་དཔའ་བོའི་རྡོ་རིང་གི་མདུན་དུ་བོད་ཀྱི་བུད་མེད་ལྷན་ཚོགས་ཀྱིས་༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་༣༠ལ་ཕེབས་པའི་སྐུའི་འཁྲུངས་སྐར་ཉིན་ལ་ཞི་བའི་གོམ་བགྲོད་ཀྱི་ལས་འགུལ་འགོ་འཛུགས་གནང་སོང་།

More Articles ...

བོད་ཀྱི་ལོ་རྒྱུས་ཡིག་ཆ།