17
Tue, Sep

༢༠༡༩ལོའི་ཟླ་༧ཚེས་༦ཉིན། བཞུགས་སྒར་རྡ་ས་ཐེག་ཆེན་གཙུག་ལག་ཁང་དུ་སྐུ་མགྲོན་གཙོ་བོ་རྒྱ་གར་གྲོས་ཚོགས་འོག་མའི་འཐུས་མི། ཧི་མ་ཅལ་མངའ་སྡེའི་བློན་ཆེན་ཟུར་པ་ཀི་ཤན་ཀ་པུར་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག སྤྱི་འཐུས་ཚོགས་གཙོ། ཚོགས་གཞོན། ཆེས་མཐོ་ཁྲིམས་ཞིབ་པ་ཆེ་བ། གཞུང་ཞབས་ཟུར་པ་བཅས་གཙོ་པའི་བོད་མིའི་སྒྲིག་འཛུགས་ཀྱི་ལས་བྱེད། སེར་སྐྱ་མང་ཚོགས་བཅས་ལྷན་འཛོམས་ཐོག་དགུང་གྲངས་གྱ་བཞིར་ཕེབས་པའི་༧སྐུའི་འཁྲུངས་སྐར་གཟབ་རྒྱས་ངང་སྲུང་བརྩི་ཞུས་སོང་།

༢༠༡༩ལོའི་ཟླ་༧་ཚེས་༦་ཉིན། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་དགུང་གྲངས་གྱ་བཞིར་ཕེབས་པའི་༸སྐུའི་འཁྲུངས་སྐར་ཉིན་ལ་བཀའ་ཤག་གི་གསུང་བཤད་གནང་།

༢༠༡༩ལོའི་ཟླ་༧་ཚེས་༥་ཉིན། བཞུགས་སྒར་རྡ་ས་ཐེག་ཆེན་གཙུག་ལག་ཁང་དུ་བོད་མིའི་སྒྲིག་འཛུགས་ཀྱི་ལས་བྱེད་ཟུར་པ་ཡོངས་ནས་ཚེ་དཔག་མེད་དྭངས་མ་བཅུད་འདྲེན་གྱི་ཆོ་གའི་སྒོ་ནས་༸གོང་ས་མཆོག་ལ་བརྟན་ཞུགས་བསྟར་འབུལ་ཞུས་སོང་། སྐབས་དེར་༸གོང་ས་མཆོག་གིས་བསྟན་པ་དང་འགྲོ་བའི་ཆེད་དུ་དགུང་ལོ་བརྒྱ་ཡས་མས་ཞིག་ལ་བཞུགས་རྒྱུ་ཡིན་སྐོར་གསུངས་སོང་།

༢༠༡༩ལོའི་ཟླ་༦་ཚེས་༢༦་ཉིན། བཞུགས་སྒར་རྡ་ཤོད་བོད་ཁྱིམ་སློབ་གྲྭར་བོད་དགུ་བཅུ་གསུམ་ལས་འགུལ་ཚོགས་པ་དང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་གཉིས་ཀྱིས་མཉམ་འབྲེལ་ཐོག བོད་མི་རྣམས་ཀྱི་ལོ་རྒྱུས་སོགས་ཀྱི་པར་རིས་ལམ་ནས་འགྲེམས་སྟོན་བྱས་ནས། རྒྱལ་སྤྱིའི་མནར་གཅོད་ཉིན་མོ་སྲུང་བརྩི་བྱས་སོང་།

༢༠༡༩ལོའི་ཟླ་༧་ཚེས་༦་ཉིན། བོད་མི་མང་སྤྱི་འཐུས་ཚོགས་གཙོ་མཆོག་གིས་དགུང་གྲངས་གྱ་བཞིར་ཕེབས་པའི་༸སྐུའི་འཁྲུངས་སྐར་ཉིན་ལ་བོད་མི་མང་སྤྱི་འཐུས་ཀྱི་གསུང་བཤད་གནང་བ།

༢༠༡༩ལོའི་ ཟླ་ ༧ ཚེས་༢་ཉིན། བཞུགས་སྒར་རྡ་ས་གངས་སྐྱིད་སིལ་སྤོལ་ཐང་དུ་གློ་ནད་ཊི་བི་འགོག་ཆེད་དུ་བུད་མེད་སིལ་སྤོལ་འགྲན་བསྡུར་ཐེངས་དང་པོ་དེ། འཕྲོད་བསྟེན་ལས་ཁུངས་དང་བོད་རྒྱལ་ཡོངས་རྩེད་རིགས་ཚོགས་པ་ཟུང་འབྲེལ་ཐོག་གོ་སྒྲིག་ཞུས་སོང་།

༢༠༡༩ལོའི་ཟླ་༦་ཚེས་༢༡་ཉིན། བཞུགས་སྒར་རྡ་ས་མག་ལོའི་སྤྱི་ཐང་དུ། བོད་རང་བཙན་སློབ་ཕྲུག་ཚོགས་པས་ཧོང་ཀོང་ནང་དུ་ཉེ་ཆར་བྱུང་བའི་ངོ་རྒོལ་བྱེད་མཁན་རྣམས་ལ་གདུང་སེམས་མཉམ་སྐྱེད་དང་རྒྱབ་སྐྱོར་མཚོན་པའི་ལས་འགུལ་ཞིག་སྤེལ་སོང་། དེ་ནི་རྒྱ་གཞུང་ལ་རྒོལ་ལེན་བྱེད་མཁན་ཧོང་ཀོང་ཁོ་ན་མིན་པར། བོད་མི་ཚོ་ཡང་ཧོང་ཀོང་མི་མང་དང་མཉམ་དུ་ཡོད་པ་མཚོན་ཆེད་ཡིན་པར་བརྗོད་སོང་།

More Articles ...

བོད་ཀྱི་ལོ་རྒྱུས་ཡིག་ཆ།