21
Tue, Jan

༢༠༢༠་ལོའི་ཟླ་༡་ཚེས་༡༣་ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གཉིས་ཀྱིས། ཐེ་ཝན་སྲིད་འཛིན་ལྕམ་ཚད་དབྱིང་ཝིང་མཆོག་བསྐྱུར་དུ་སྲིད་འཛིན་དུ་འདེམ་ཐོན་བྱུང་བར་འཚམས་འདྲི་དང་། ཐེ་ཝན་གཞུང་མང་གཉིས་ཀྱིས་བོད་མི་དང་བོད་དོན་ཐོག་ཁ་ཞེ་གཉིས་མེད་ཐོག་རྒྱབ་སྐྱོར་གནང་བར་ཐུགས་རྗེ་ཆེ་ཞུས་འདུག

༢༠༢༠་ལོའི་ཟླ་༡་ཚེས་༡༠་ཉིན། བཞུགས་སྒར་རྡ་ས་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ། དཔལ་ལྡན་ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་མཆོག་གི་མདུན་ནས། ཆོས་རིག་དྲུང་ཆེ་ཟུར་པ་བསྟན་འཛིན་ལུང་རྟོགས་ལགས་ཀྱིས་ཁྲིམས་ཞིབ་པའི་ལས་ཁུར་དམ་འབུམ་ཞུས་སོང་།

༢༠༢༠་ལོའི་ཟླ་༡་ཚེས་༨ཉིན། ༸གོང་ས་མཆོག་གིས་ཨོ་གླིང་གི་སྲིད་བློན་ལ་ཤིང་ཕྲིན་གྱི་མེ་སྐྱོན་ཤུགས་ཆེན་ཤོར་ནས་མི་དང་སེམས་ཅན་སོགས་ལ་ཚེ་སྲོག་གི་གོད་ཆག་བྱུང་བ་ནི་ཡིད་སྐྱོའི་གནས་ཚུལ་ཡིན་པ་དང་། ཨོ་གླིང་སྲིད་བློན་དང་མི་མང་བཅས་ལ་ཐུགས་གསོའི་གསུང་འཕྲིན་མཛད་འདུག

༢༠༡༩་ལོའི་ཟླ་༡༢་ཚེས་༢༢་ཉིན། རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་རྟེན་གཞི་བྱས་པའི་དགའ་ལྡན་བྱང་རྩེ་གྲྭ་ཚང་གི་གཙུག་ལག་ཁང་དུ། ༸གོང་ས་མཆོག་ལ་རྒྱལ་སྤྱིའི་དགེ་ལྡན་ལྷན་ཚོགས་དང་། གདན་ས་ཆེན་པོ་དགའ་ལྡན། འབྲས་སྤུངས་བཅས་ནས་བརྟན་བཞུགས་བསྟར་འབུལ་ཞུས་འདུག དེའི་སྐབས་སུ། ༸གོང་ས་མཆོག་གིས་ལོ་བརྒྱ་དང་བཅུ་གསུམ་མམ་བརྒྱ་དང་བཅུ། གཅིག་བྱས་ན་ཐང་སྟོང་རྒྱལ་པོའི་སྐུ་ཚེ་དང་མཉམ་པ་དགུང་ལོ་བརྒྱ་དང་ཉི་ཤུ་རྩ་ལྔར་བཞུགས་སྲིད་པ་རེད། དེང་སྐབས་འཛམ་གླིང་འདིའི་སྟེང་སྨན་བཅོས་མཐུན་རྐྱེན་དང་འཕྲོད་བསྟེན་སོགས་མང་པོ་ཞིག་གི་ཐོག་ནས་ཚེ་རིང་དུ་གནས་པའི་ཆ་རྐྱེན་མང་པོ་འདུག ཅེས་གསུངས་འདུག

༢༠༢༠་ལོའི་ཟླ་༡་ཚེས་༩ཉིན། བཞུགས་སྒར་རྡ་ས་བོད་མིའི་སྒྲིག་འཛུགས་ཀྱི་སྲིད་སྐྱོང་ཚོགས་ཁང་དུ། བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ཀྱིས་གོ་སྒྲིག་འོག བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་ལས་བྱེད་ཀྱིས། ཆོས་རིག་དྲུང་ཟུར་སྐྱབས་རྗེ་སྒ་རྗེ་ཁམས་སྤྲུལ་རིན་པོ་ཆེ་འཇམ་དབྱངས་དོན་གྲུབ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་པར་གཞུང་འབྲེལ་མཆོད་འབུལ་སྨོན་ལམ་དང་སྦྲགས་མྱ་ངན་གུས་འདུད་མཚོན་ཕྱིར་དབུས་ཀྱི་ལས་ཁུངས་ཁག་ལས་མཚམས་བཞག་ཡོད་འདུག

༢༠༢༠་ལོའི་ཟླ་༡་ཚེས་༧ཉིན་སྤེལ། རྒྱ་གར་གནས་མཆོག་རྡོ་རྗེ་གདན་ལ་༸གོང་ས་མཆོག་གིས་དད་ལྡན་མི་མང་ཁྲི་གསུམ་ལྷག་ལ་ཉིན་བཞི་རིང་གསུང་ཆོས་གནང་ཡོད་ཅིང་། དེའི་སྐབས་སུ། སེམས་བཏུལ་ན་བདེ་སྐྱིད་དང་། སེམས་མ་བཏུལ་ན་སྡུག་བསྔལ་རེད། སེམས་འདུལ་བྱེད་ཐབས་ཤེས་གཉིས་རེད། བྱང་ཆུབ་ཀྱི་སེམས་ཀྱིས་རང་གཅེས་འཛིན་ཤུགས་ཆུང་དུ་གཏོང་བ་དང་། གཞན་གཅེས་པར་འཛིན་པའི་ཤུགས་གོང་འཕེལ་གཏོང་གི་ཡོད། ཅེས་གསུངས་འདུག

༢༠༡༩་ལོའི་ཟླ་༡༢་ཚེས་༢༡ཉིན། རྒྱ་གར་ལྷོ་ཕྱོགས་མོན་གྷོ་ཊིར་དཔལ་ལྡན་དགའ་ལྡན་དགོན་དུ། ༸གོང་ས་མཆོག་དབུ་བཞུགས་ཐོག བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ། བོད་ཀྱི་ཆོས་བརྒྱུད་ཁག་གི་བླ་ཆེན་དང་མཁན་པོ། གྲྭ་བཙུན། རྒྱལ་སྤྱིའི་མཁས་པའི་བགྲོ་གླེང་ཆེན་མོའི་ཐོག་ཕེབས་པའི་མཁས་པ་རྣམ་པ། ཕྱི་རྒྱལ་ཡུལ་གྲུལ་ཁག་ནས་ཕེབས་པའི་སེར་སྐྱ་མི་མང་བཅས་མི་གྲངས་སྟོང་ཕྲག་ཁ་ཤས་ཀྱིས་རྗེ་ཙོང་ཁ་པ་སྐུ་མྱ་ངན་ལས་འདས་ནས་ལོ་ངོ་༦༠༠་འཁོར་བའི་རྗེས་དྲན་ཉིན་སྲུང་བརྩི་གནང་འདུག

More Articles ...

བོད་ཀྱི་ལོ་རྒྱུས་ཡིག་ཆ།