12
Sun, Jul

༢༠༢༠་ལོའི་ཟླ་༧་ཚེས་༦་ཉིན། ༸གོང་ས་མཆོག་གི་ཆོས་ལུགས་ལ་མ་བརྟེན་པའི་བཟང་སྤྱོད་ཀྱི་བསླབ་གཞི་དེ་དག་ཡུལ་ལུང་སོ་སོའི་གནས་བབ་དང་བསྟུན་ནས་རྒྱ་གར་གཙོས་པའི་རྒྱལ་ཁབ་ ༢༠ ཙམ་གྱི་སློབ་གྲྭ་མང་པོའི་ནང་དངོས་སུ་ལག་བསྟར་བྱེད་འགོ་བཙུགས་ཡོད་པས། འབྱུང་འགྱུར་ལོ་རབས་ནང་༸མགོན་པོ་མཆོག་གི་ཐུགས་རེ་བཞིན་མི་རབས་གསར་པ་རྣམས་མི་བཟང་པོ་དང་འཛམ་གླིང་ཞི་བདེ་ལྡན་པ་ཆགས་རྒྱུ་གདོན་མི་ཟ། ཞེས་སྲིད་སྐྱོང་མཆོག་གིས་གསུངས།

༢༠༢༠་ལོའི་ཟླ་༧་ཚེས་༦་ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༨༥ ལ་ཕེབས་པའི་༸སྐུའི་འཁྲུངས་སྐར་མཛད་སྒོའི་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད་ནང་དུ། བོད་མི་རྩམ་གཟན་ཡོངས་ནས་ངེས་པར་དུ་༸རྒྱལ་བའི་ཐུགས་བསྐྱེད་དམ་བཅའ་ཆེན་པོ་བཞིར་སློབ་སྦྱོང་གནང་སྟེ་ཕྱར་བ་གྲུ་འདེགས་ཀྱི་དབུ་འོག་དཔུང་འདེགས་ཞུ་རྒྱུ་དེ་ནི་༸རྒྱལ་བ་དགྱེས་པའི་མཆོད་སྤྲིན་དུ་འགྱུར་བའི་དགེ་བའི་རྩ་བར་སོང་ང་ཚོས་གང་ཐུབ་འབད་བརྩོན་ཞུ་དགོས། ཞེས་འཁོད་འདུག

༢༠༢༠་ལོའི་ཟླ་༦་ཚེས་༢༥་ཉིན། འདི་ལོའི་སྐུའི་འཁྲུངས་སྐར་སྲུང་བརྩིའི་ཐད་ནས་ཧི་མ་ཅལ་མངའ་སྡེའི་ལམ་སྟོན་ལྟར་མཛད་སྒོར་སོགས་ལ་མི་༥༠་ལས་མང་བ་མཉམ་འཛོམས་བྱེད་ཆོག་གི་མེད་ཙམ། བོད་མིའི་སྒྲིག་འཛུགས་ཀྱི་མཛད་གཙོས་རྣམ་པ་དང་དྲུང་ཆེ་རྣམ་པ་བཅས་ཁྱོན་མི་༥༠་འཛོམས་ནས་གཞུང་འབྲེལ་ཐོག་ནས་སྐུའི་འཁྲུངས་སྐར་སྲུང་བརྩི་ཞུ་ཡིན་པར་སྲིད་སྐྱོང་མཆོག་གིས་གསལ་བསྒྲགས་སྤེལ་སོང་།

༢༠༢༠་ལོའི་ཟླ་༦་ཚེས་༡༦་ཉིན། བཞུགས་སྒར་རྡ་སར་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་ནག་གི་ཅ་དངོས་ཉོ་ཚོང་དང་བེད་སྤྱོད་མཚམས་འཇོག་དགོས་པའི་ལས་འགུལ་སྤེལ་ཏེ། ཅ་དངོས་ཉོ་ཚོང་བྱེད་མཁན་སུ་འདྲ་ཞིག་གིས་རྒྱ་ནག་ནས་བཟོས་པའི་ཅ་དངོས་བེད་སྤྱོད་བཏང་ཚེ། དེའི་ཡོང་འབབ་ཀྱིས་རྒྱ་ནག་གི་དཔལ་འབྱོར་ལ་ཁེ་ཕན་དང་དམག་དོན་རྒྱ་སྐྱེད་བྱེད་པར་རམ་འདེགས་བྱས་པ་དང་གཅིག་མཚུངས་ཡིན། ཞེས་བརྗོད་སོང་།

༢༠༢༠་ལོའི་ཟླ་༧་ཚེས་༦་ཉིན། སྐུའི་འཁྲུངས་སྐར་ཉིན། ༸གོང་ས་མཆོག་གིས་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དྲན་པའི་ཐོག ༸རྒྱལ་བ་རིན་པོ་ཆེའི་བརྟེན་ས་དང་། དེ་བཞིན་ཚེ་རབས་ནས་ཚེ་རབས་འཕགས་པ་སྤྱན་རས་གཟིགས་དང་འབྲེལ་བ་ཡོད་པ་ཞིག་ཆགས་ཡོད། དེར་བརྟེན་ངོས་ཀྱི་སྐྱེས་སྐར་ཉིན་སྤྱན་རས་གཟིགས་དང་༸རྒྱལ་བ་རིན་པོ་ཆེ་ངོ་བོ་དབྱེར་མེད་དུ་བལྟས་ནའང་རེད། འཕགས་པ་སྤྱན་རས་གཟིགས་གཙོ་བོ་དང་དེའི་མདུན་དུ་ངོས་རང་དགེ་སློང་གི་རྣམ་ཅན་དུ་ཡོད་པར་བསམ་བློ་བཏང་ནས་མ་ཎི་སྟོང་ཕྲག་རེ་བསགས་ན་ཕན་གྱི་རེད། ཅེས་གསུངས།

༢༠༢༠་ལོའི་ཟླ་༡༨་ཉིན། བཞུགས་སྒར་རྡ་སར་བོད་ཀྱི་ཚོགས་པ་ལྔ་ཡིས་རྒྱ་གར་དང་འཛམ་གླིང་རྒྱལ་ཁབ་ཁག་གི་སྲིད་གཞུང་གིས་བོད་ནི་ལོ་རྒྱུས་ཐོག་རང་བཙན་གཙང་མའི་རྒྱལ་ཁབ་གཅིག་ཡིན་པ་ངེས་པར་དུ་ངོས་ལེན་བྱེད་དགོས། ཉེ་ལམ་རྒྱ་དམག་གིས་རྒྱ་གར་མངའ་ཁོངས་སུ་དྲག་པོའི་བྱ་སྤྱོད་སྤེལ་སྟངས་དེའི་ཐོག་ནས་རྒྱ་དམར་གྱིས་བོད་བཙན་བཟུང་བྱས་པ་དེ་ནི་རྒྱལ་སྤྱིའི་ཞི་བདེ་དང་བདེ་འཇགས་ལ་འཇིགས་སྐུལ་བྱས་པ་ཞིག་ཡིན་པ་གསལ་སྟོན་བྱས་ཡོད། བོད་རང་བཙན་ནི་རྒྱ་གར་གྱི་བདེ་འཇགས་ཡིན། ཞེས་བརྗོད་སོང་།

༢༠༢༠་ལོའི་ཟླ་༦་ཚེས་༡༦་ཉིན། བཞུགས་སྒར་རྡ་ས་གཙོས་འཛམ་གླིང་ས་ཕྱོགས་གང་སར་བོད་མི་ཚོས་བོད་ཀྱི་བསྟན་སྲུང་དང་བླངས་དམག་གི་སྒྲིག་འཛུགས་མདོ་ཁམས་ཆུ་བཞི་སྒང་དྲུག་དབུ་བརྙེས་ནས་མི་ལོ་༦༢་འཁོར་བའི་དུས་དྲན་ཉིན་མོ་སྲུང་བརྩི་དང་སྦྲགས། བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་ལ་བཀའ་དྲིན་རྗེས་དྲན་ཞུས་འདུག

More Articles ...

བོད་ཀྱི་ལོ་རྒྱུས་ཡིག་ཆ།