18
Mon, Nov

༢༠༡༨ལོའི་ཟླ་༡༠ཚེས་༢༢ཉིན། བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། རྒྱ་གཞུང་གིས་ལོ་རྗེས་མ་ནས་བོད་གངས་རི་ཇོ་མོ་གླང་མའི་ཉེ་མཁྲིས་སུ་ཡོད་པའི་སྒར་ནང་ཡུལ་སྐོར་སྤྲོ་འཆམ་ཡོང་བའི་རླངས་འཁོར་རྣམས་འགོག་རྒྱུ་ཡིན་པ་དང་། དེའི་རྒྱུ་མཚན་གཙོ་བོ་ནི་ས་གནས་དེར་འབགས་བཙོག་ཉུང་དུ་གཏོང་བའི་ཆེད་དུ་ཡིན་སྐོར་བཤད་འདུག

༢༠༡༨ལོའི་ཟླ་༡༠ཚེས་༡༦ཉིན། ལྷོ་ཨ་མེ་རི་ཁའི་རྒྱལ་ཁབ་ཨར་ཇན་ཁྲི་ན( Argentina) ལ་དབྱར་ཁའི་ཨོ་ལམ་པི་ཁིའི་རྩེད་མོ་རྩེས་ཡོད་པ་དང་། དེར་ཁྱོན་རྒྱལ་ཁབ་༢༠༦་ཡི་རྩེད་མོ་བ་ཞུགས་ཡོད་འདུག དེ་ནང་ནས་བོད་པའི་བུ་མོ་ཤེས་རབ་འཚོ་ཡིས་བུད་མེད་སྨི་༥༠༠༠བང་རྒྱུགས་འགྲན་བསྡུར་ཁྲོད་དུ་ཨང་དང་པོ་བླངས་ནས་གསེར་གྱི་རྟགས་མ་ཐོབ་ཡོད་ཅིང་། མོ་ནི་བོད་པ་ཞིག་གིས་ཨོ་ལམ་པི་ཁིའི་ནང་གསེར་གྱི་རྟགས་མ་ཐོབ་མཁན་ཐོག་མ་དེ་ཆགས་ཡོད་པ་རེད།

༢༠༡༨ལོའི་ཟླ་༡༠ཚེས་༡༣ཉིན། ཀན་ལྷོ་ཁུལ་ཅོ་ནེ་རྫོང་ཉིན་པ་ཡུལ་མི་ཚོས་ས་གནས་སྲིད་གཞུང་གི་སྒོ་ཁར་ཉལ་ཏེ་ཞི་རྒོལ་བྱས་ཡོད་འདུག་ཅིང་། དེ་ལྟར་ཞི་རྒོལ་བྱེད་དོན་ནི། སྲིད་གཞུང་གིས་ས་གནས་ཡུལ་མི་ཚོར་ལོ་གསུམ་གྱི་གོང་དུ་ཕྱུགས་ཟོག་ཚོང་བའི་གུན་གསབ་མ་སྤྲད་པས་ཡིན་སྐོར་བརྗོད་ཀྱིན་འདུག

མཚོ་སྔོན་ཞིང་ཆེན་གྱི་ཆེས་མཐོའི་ཁྲིམས་ཁང་གིས་གནས་ཚུལ་སྤེལ་བ་ལྟར་ན། མཚོ་སྔོན་ཞིང་ཆེན་མཚོ་ཤར་ཧོ་ཀྲོ་རྫོང་མི་དམངས་ཁྲིམས་ཁང་གིས་ཟླ་༩ཚེས་༤་ཉིན་ལ། དཔའ་ལུང་རྫོང་གཞི་རྩ་ཤང་གི་པདྨ་དང་རྡོ་རྗེ། ཚེ་རིང་། ལྷ་མོ་སོགས་མི་བཅུ་གསུམ་ལ་སྲིད་གཞུང་གི་བྱ་བར་གནོད་སྐྱོན་བཟོ་བ་ཞེས་པའི་ཉེས་མིང་འོག་ཁྲིམས་ཐག་གཅོད་འགོ་བརྩམས་འདུག

བོད་ནང་ཡར་ཀླུང་གཙང་པོ་རྒྱུག་ཡུལ་ཀོང་པོ་ཉིང་ཁྲི་མངའ་ཁོངས་སྨན་གླིང་རྫོང་གི་གྲོང་གསེབ་ཀྱི་ས་ཁུལ་ཞིག་དུ་རི་ཉིལ་གནོད་འཚེ་བྱུང་སྟེ། ཆུ་བོའི་རྒྱུག་ཡུལ་འགག་སྟེ་རྫིང་ཆུ་ཆགས་བཞིན་ཡོད་པ་དང་། དེའི་ཆུ་ཁ་ཤོར་བའི་ཉེན་ཁ་ཆེ་སྟབས། ཉེ་ཁུལ་མང་ཚོགས་རྣམས་ཉེན་གཡོལ་དུ་གནས་སྤོ་བྱེད་བཞིན་ཡོད་འདུག

འདི་ག་གསར་ཁང་དུ་འབྱོར་བར་གཞིགས་ན། བོད་མདོ་སྨད་རྔ་བ་རུ་བོད་པའི་གྲྭ་གཞོན་གསུམ་ནས་བོད་དང་བོད་མིའི་རྩ་དོན་གྱི་ཆེད་ངོ་རྒོལ་སྐད་འབོད་གནང་བཞིན་ཕེབས་སྐབས་རྒྱ་མིའི་ཉེན་རྟོག་པས་འཛིན་བཟུང་བཀག་ཉར་བྱས་ཡོད་པའི་གནས་ཚུལ་ཐོན་ཡོད་འདུག

བོད་ཀྱི་སྐད་ཡིག་གི་ཐོབ་ཐང་རྩོད་ལེན་པ་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པས་དྲ་ལམ་བརྒྱུད་གནས་ཚུལ་སྤེལ་བ་ལྟར་ན། ཉེ་སྔོན་བཀྲ་ཤིས་དབང་ཕྱུག་ལགས་ཀྱིས་ཁོང་ལ་མི་ལོ་ལྔའི་དུས་བཀག་ཁྲིམས་ཐག་བཅད་པར་ངོས་ལེན་མེད་པའི་ཐོག་ནས་གོང་གཏུགས་བྱས་ཡོད་པ་དེར་མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གིས་ཟླ་འདིའི་ཚེས་༡༣ཉིན་ཁས་ལེན་བྱེད་མེད་པ་གསལ་འདུག

More Articles ...

བོད་ཀྱི་ལོ་རྒྱུས་ཡིག་ཆ།