30
Mon, Mar

༢༠༢༠་ལོའི་ཟླ་༣་ཚེས་༡༦་ཉིན། བོད་ཁམས་ཉག་ཆུ་རྫོང་ཨོ་ཐོག་ནས་ཡིན་པའི་ཆབ་སྲིད་བཙུན་ཟུར་དགེ་སློང་བཀྲ་ཤིས་ཕུན་ཚོགས་ལགས་གློ་བའི་སྙུང་གཞི་དང་བཙོན་དུ་ཉེས་རྡུང་དྲག་པོ་བཏང་རྐྱེན་བཅས་ཀྱིས་འདས་གྲོངས་སུ་ཕྱིན་འདུག ༡༩༩༣་ལོར་རྒྱ་གཞུང་འགོ་ཁྲིད་ཁག་ཅིག་གིས་ས་གནས་མི་མང་གི་ཤིང་ནགས་བཙན་འཕྲོག་བྱས་པར་ཁོང་གིས་ངོ་རྒོལ་བྱས་ཤིང་། ༢༠༠༢ ལོར་འཛིན་བཟུང་བྱས་ཏེ་ལོ་བདུན་གྱི་བཙོན་འཇུག་ཁྲིམས་ཐག་བཅད།

༢༠༢༠་ལོའི་ཟླ་༢་ཚེས་༡༨་ཉིན་སྤེལ། སྤྱི་ནོར་༸གོང་༸སྐྱབས་མགོན་ཆེན་པོ་མཆོག་ལ་ཉེ་ཆར་བོད་ནང་རྟའུ་ཡུལ་དགོན་སྤྱི་ནས་བརྟག་ཞུ་ཞུས་ཡོད་འདུག ༸གོང་ས་མཆོག་གིས་དེར་དམིགས་བསལ་ངན་དོག་ཆེ་བ་མ་ཤར། འོན་ཀྱང་སྤྱི་མཐུན་ལས་དབང་དང་འབྲེལ་བས་ཡུལ་སྤྱི་ནས་འཕྲོད་བསྟེན་སྔོན་འགོག་གཟབ་ནན་དང་། སྒྲོལ་མ་དང་མ་ཎི་གང་འགྲོ་གསོག སྟོན་པའི་གསུང་གི་སྙིང་པོ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་གཉིས་ལ་ཐོས་བསམ་སྒོམ་པ་ཐུབ་ན་ཚོགས་བསགས་དང་ལས་སྒྲིབ་སྦྱོང་བར་དེ་བས་གནད་ཆེ་བ་མེད། ཅེས་གསུང་འཕྲིན་སྩལ་འདུག

༢༠༢༠ལོའི་ཟླ་༡་ཚེས་༢་ཉིན་སྤེལ། ཉེ་ཆར་ཨ་རི་ཌེན་ཝེར་གཙུག་ལག་སློབ་གཉེར་ཁང་གི་དགུན་ཁ་གུང་གསེང་གི་ལས་རིམ་ཁྲོད། སློབ་ཕྲུག་༡༣་དང་དགེ་རྒན་གསུམ་བཅས་བཞུགས་སྒར་རྡ་སར་བོད་ཀྱི་ཆོས་དང་རིག་གཞུང་། བོད་ནང་གི་འགྲོ་བ་མིའི་ཐོབ་ཐང་། བཙན་བྱོལ་བོད་མིའི་འཚོ་བ་བཅས་རྟོགས་ཆེད་སླེབས་ཡོད་པར་བཅར་འདྲི་བྱས་ཡོད། དེའི་སྐབས། སློབ་མ་ཧ་ན་ཡིས་རྒྱ་གཞུང་གི་བོད་མཐོ་སྒང་ནི་བཙོན་ར་ཞིག་ཏུ་བསྒྱུར་ཡོད་པའི་ཚོར་སྣང་བྱུང་། ཞེས་བརྗོད་སོང་།

༢༠༡༩་ལོའི་ཟླ་༡༡་ཚེས་༢༡་ཉིན། བོད་ནང་གི་ཉིན་གུང་ཆུ་ཚོད་གཉིས་དང་ཕྱེད་ཀ་ཙམ་ལ། སེལ་ཤུལ་རྫོང་རྫ་དབོན་པོ་ཡུལ་ཚོ་ནས་ཡིན་པའི་གཞོན་སྐྱེས་ཡོན་ཏན་དང་ལྷ་རྒྱལ(ཆོས་རྒྱལ)གཉིས་ཀྱིས་བོད་རང་བཙན་ཡིན་པའི་སྐད་འབོད་དང་ཡིག་ཆ་གཏོར་ཡོད་པས། ས་གནས་ཉེན་རྟོག་པས་ཁོ་གཉིས་འཛིན་བཟུང་བྱས་ཡོད་འདུག

༢༠༢༠་ལོའི་ཟླ་༢ཚེས་༦ཉིན། རྫ་སྨད་དབོན་པོ་དགོན་གྱི་དགེ་འདུན་པ་ཆོས་མཆོག་ལགས་བཙོན་ཁང་ནས་གློད་གྲོལ་བཏང་བའི་གནས་ཚུལ་ཐོན་འདུག ཁོང་ནི་༢༠༡༧་ལོའི་ཟླ་༡༢་ཟླ་མཇུག་དར་ལག་རྫོང་ཐོག་ནས་འཛིན་བཟུང་བྱས་ཡོད་པ་དང་། སི་ཁྲོན་དཀར་མཛེས་བཙོན་ཁང་(ར་རྔ་བཙོན་ཁང་)ལ་ལོ་གཉིས་ལྷག་བཙོན་འཇུག་བྱས་མཐའ་གློད་གྲོལ་བཏང་འདུག

༢༠༡༩་ལོའི་ཟླ་༡༡་ཚེས་༢༦་ཉིན། བོད་ནང་གི་ཕྱི་དྲོའི་ཆུ་ཚོད་ ༤ ཙམ་ལ་བོད་མདོ་སྨད་རྔ་བའི་རྨེའུ་རུ་མ་ཡུལ་ཚོ་དང་ཐག་ཉེའི་གྲོང་བར་ནས། རང་ལོ་ ༢༤ ཡས་མས་ཡིན་པའི་གཞོན་སྐྱེས་ཡོན་ཏན་ལགས་ཀྱིས་རྒྱ་གཞུང་གི་བོད་ཐོག་འཛིན་པའི་གདུག་རྩུབ་ཅན་སྲིད་བྱུས་ལ་ངོ་རྒོལ་བྱས་ནས་རང་ལུས་མེར་སྲེག་བཏང་སྟེ་སྐུ་གྲོངས་ཡོད་འདུག

༢༠༡༩་ལོའི་ཟླ་༡༡་ཚེས་༢༢་ཉིན་སྤེལ། ཉེ་ཆར་བོད་སེར་ཤུལ་རྫོང་རྫ་དབོན་པོ་ཡུལ་ཚོ་ནང་དུ་ཡོད་པའི་རྒྱ་གཞུང་གི་ལས་ཁུངས་ཀྱི་ར་སྐོར་ནང་དུ། བོད་རང་བཙན་འཐོབ་དགོས་པའི་ཡིག་ཆ་བརྒྱ་ཕྲག་གཏོར་ཡོད་པ་དང་། ལས་འགུལ་དེ་དང་འབྲེལ་བའི་གྲྭ་ཀུན་གསལ་དང་། གྲྭ་རྟ་མེ། གྲྭ་བསོད་བཀྲ གྲྭ་ཚུལ་ཁྲིམས་དང་ཁོ་ཚོའི་དགེ་རྒན་ཤེར་རྒྱམ་བཅས་འཛིན་བཟུང་བྱས་འདུག དེའི་རྗེས། གྲྭ་ཉི་མེ་ཡིས་དྲ་ཐོག་ཏུ་ཁོ་ཚོར་བསྔགས་བརྗོད་ཀྱི་ཡིག་གེ་བྲིས་པར་བརྟེན་ནས་ཉེན་རྟོག་པས་འཛིན་བཟུང་བྱས་ཡོད་འདུག

More Articles ...

བོད་ཀྱི་ལོ་རྒྱུས་ཡིག་ཆ།