25
Mon, May

གལ་ཆེན་གསར་འགྱུར་གཞན།

Grid List

༢༠༢༠་ལོའི་ཟླ་༥་ཚེས་༥་ཉིན་སྤེལ། ༡༩༩༢་ལོར་བོད་ཀྱི་རྒྱལ་ས་ལྷ་སར་ལག་ཏུ་བོད་ཀྱི་རྒྱལ་དར་ཐོགས་བཞིན་ངག་ནས་བོད་རང་བཙན་ཡིན། བོད་ཀྱི་བདག་པོ་བོད་མི་ཡིན། ༸རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག ཅེས་ཞི་བའི་སྐད་འབོད་གནང་མཁན་བཙོན་ཟུར་ཚེ་རིང་བག་གྲོ་ལགས་འདས་གྲོངས་སུ་ཕྱིན་ཡོད་པའི་ཡིད་སྐྱོ་བའི་གནས་ཚུལ་ཐོན་འདུག

༢༠༢༠་ལོའི་ཟླ་༣་ཚེས་༡༦་ཉིན། བོད་ཁམས་ཉག་ཆུ་རྫོང་ཨོ་ཐོག་ནས་ཡིན་པའི་ཆབ་སྲིད་བཙུན་ཟུར་དགེ་སློང་བཀྲ་ཤིས་ཕུན་ཚོགས་ལགས་གློ་བའི་སྙུང་གཞི་དང་བཙོན་དུ་ཉེས་རྡུང་དྲག་པོ་བཏང་རྐྱེན་བཅས་ཀྱིས་འདས་གྲོངས་སུ་ཕྱིན་འདུག ༡༩༩༣་ལོར་རྒྱ་གཞུང་འགོ་ཁྲིད་ཁག་ཅིག་གིས་ས་གནས་མི་མང་གི་ཤིང་ནགས་བཙན་འཕྲོག་བྱས་པར་ཁོང་གིས་ངོ་རྒོལ་བྱས་ཤིང་། ༢༠༠༢ ལོར་འཛིན་བཟུང་བྱས་ཏེ་ལོ་བདུན་གྱི་བཙོན་འཇུག་ཁྲིམས་ཐག་བཅད།

༢༠༢༠་ལོའི་ཟླ་༢་ཚེས་༡༨་ཉིན་སྤེལ། སྤྱི་ནོར་༸གོང་༸སྐྱབས་མགོན་ཆེན་པོ་མཆོག་ལ་ཉེ་ཆར་བོད་ནང་རྟའུ་ཡུལ་དགོན་སྤྱི་ནས་བརྟག་ཞུ་ཞུས་ཡོད་འདུག ༸གོང་ས་མཆོག་གིས་དེར་དམིགས་བསལ་ངན་དོག་ཆེ་བ་མ་ཤར། འོན་ཀྱང་སྤྱི་མཐུན་ལས་དབང་དང་འབྲེལ་བས་ཡུལ་སྤྱི་ནས་འཕྲོད་བསྟེན་སྔོན་འགོག་གཟབ་ནན་དང་། སྒྲོལ་མ་དང་མ་ཎི་གང་འགྲོ་གསོག སྟོན་པའི་གསུང་གི་སྙིང་པོ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་གཉིས་ལ་ཐོས་བསམ་སྒོམ་པ་ཐུབ་ན་ཚོགས་བསགས་དང་ལས་སྒྲིབ་སྦྱོང་བར་དེ་བས་གནད་ཆེ་བ་མེད། ཅེས་གསུང་འཕྲིན་སྩལ་འདུག

༢༠༢༠་ལོའི་ཟླ་༥་ཚེས་༧ ཉིན། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་རྒྱ་གར་དང་བལ་ཡུལ་ནང་དུ་ཐེམ་སྤང་བཀའ་རྒྱའི་དབང་གིས། བོད་མི་ཁག་ཅིག་ལ་ལས་ཀའི་གོ་སྐབས་བརླགས་པ་སོགས་ཀྱིས་ཁང་གླ་སྤྲོད་མི་ཐུབ་པའི་དཀའ་ངལ་ཡོད་རིགས་བོད་མི་གྲངས་༡༠༠༠་ལ་ཧིན་སྒོར་འབུམ་ལྔ་བཅུ་གནང་རྒྱུའི་གསལ་བསྒྲགས་སྤེལ།

༢༠༢༠་ལོའི་ཟླ་༥་ཚེས་༣་ཉིན་སྤེལ། བཞུགས་སྒར་རྡ་སའི་༸རྒྱལ་བའི་ཕོ་བྲང་ནས་༸གོང་ས་མཆོག་གིས་གཉན་འཕྲང་ཆེ་བའི་དུས་སྐབས་འདི་འདྲར། ངེས་པར་དུ་ང་ཚོ་ཚང་མ་འགྲོ་བ་མི་གཅིག་གྱུར་ཡིན་པའི་གནས་བབ་ལ་བསམ་གཞིགས་ནན་པོ་བྱེད་རྒྱུ་དང་། འགྲོ་བ་མི་གཅིག་གྱུར་ཡིན་པའི་གཞི་རྩ་དེ་ལ་བརྟེན་ནས་བྱམས་བརྩེ་ལྡན་པའི་སྒོ་ནས་ཕན་ཚུན་གཅིག་ཕན་གཅིག་གྲོགས་བྱེད་དགོས། ཞེས་བཀའ་བསྩལ།

༢༠༢༠་ལོའི་ཟླ་༥་ཚེས་༡་ཉིན། དཔལ་རྒྱལ་དབང་ཀརྨ་པ་མཆོག་གིས་བོད་མིའི་སྒྲིག་འཛུགས་ཀྱིས་བཙན་བྱོལ་བོད་མིའི་སྤྱི་ཚོགས་ཁྲོད་དུ། ཏོག་དབྱིབས་གཉན་སྲིན་སྔོན་འགོག་གི་ཐོག་གོ་རྟོགས་དང་ལས་འགུལ་སྤེལ་བཞིན་ཡོད་པར་རྒྱབ་སྐྱོར་མཚོན་ཆེད་ཧིན་སྒོར་འབུམ་བཅུ་ཞལ་འདེབས་གནང་འདུག

༢༠༢༠་ལོའི་ཟླ་༥་ཚེས་༡༨་ཉིན། རྒྱ་ནག་ཏུ་བྱུང་བའི་ཏོག་དབྱིབས་གཉན་སྲིན་༡༩་པས་འཛམ་གླིང་གི་མི་དང་དཔལ་འབྱོར་སོགས་ལ་གྱོང་གུད་ཆེན་པོ་སྤྲད་རྐྱེན། ཨོ་གླིང་གཙོས་རྒྱལ་ཁབ་༡༡༦་གིས་ཏོག་ནད་འབྱུང་ཁུངས་ལ་རྟོག་ཞིབ་བྱེད་ཆེད་རང་དབང་ལྡན་པའི་ཞིབ་འཇུག་བྱེད་དགོས་པའི་དགོས་འདུན་བཏོན་འདུག

༢༠༢༠་ལོའི་ཟླ་༥་ཚེས་༡༥་ཉིན། འཛམ་གླིང་ཚོང་དོན་ལྷན་ཚོགས་ཀྱིས་ཚོང་དོན་ཐད་ནས་དྲང་བདེན་མ་བྱས་པ་དང་རྒྱ་ནག་ལ་ཕྱོགས་རིས་བྱས་རྐྱེན། ཨ་རི་གཙོས་ཡུ་རོབ་མཐུན་ཚོགས་དང་ཉི་ཧོང་སོགས་ནས་ལྷན་ཚོགས་དེར་སྐྱོན་བརྗོད་བྱས་ཤིང་དེའི་སྒྲིག་གཞི་བཅོས་སྒྱུར་དགོས་པའི་རེ་འདུན་ཡང་བཏོན། དེར་བརྟེན། ལྷན་ཚོགས་དེའི་འགན་འཛིན་ལས་ཡུན་མ་རྫོགས་གོང་ནས་དགོངས་པ་ཞུས་འདུག

༢༠༢༠་ལོའི་ཟླ་༥་ཚེས་༡༡་ཉིན། རྒྱ་གར་གྱི་སྲིད་བློན་མོ་ཌི་མཆོག་དང་མངའ་སྡེའི་བློན་ཆེན་རྣམ་པས་ཏོག་ནད་དང་འབྲེལ་བའི་ཐོག་དྲ་ཐོག་ནས་ཚོགས་འདུ་ཞིག་ཚོགས་འདུག སྐབས་དེར། སྲིད་བློན་མཆོག་གིས་ཏོག་ནད་གྲོང་གསེབ་ཁག་ཏུ་མི་ཁྱབ་པའི་ཆེད་ཐེམ་སྤང་མུ་མཐུད་ནས་བྱེད་སྲིད་པ་དང་། མངའ་སྡེའི་བློན་ཆེན་པོ་མང་པོ་ཞིག་གིས་ཀྱང་ཐེམ་སྤང་མུ་མཐུད་ནས་གནང་རྒྱུའི་རེ་སྐུལ་གནང་འདུག

༢༠༢༠་ལོའི་ཟླ་༤་ཚེས་༢་ཉིན། རྒྱ་གར་ཧི་མ་ཅལ་མངའ་སྡེའི་ཨོ་ཎ་(Una)་རྫོང་དུ་ཏོག་དབྱིབས་ནད་དུག་ཕོག་མཁན་གསར་པ་གསུམ་བྱུང་འདུག ཁོ་ཚོ་ནི་ཟླ་སྔོན་མར་ལྡི་ལིར་ཁ་ཆེ་ཆོས་ཚོགས་ཤིག་ཏུ་ཕྱིན་ནས་ནད་དུག་ཕོག་ཡོད་འདུག

༢༠༢༠་ལོའི་ཟླ་༢༠་ཉིན་སྤེལ། རྒྱ་གར་མངའ་སྡེ་ཧི་མ་ཅལ་སྲིད་གཞུང་གིས་ཏོག་དབྱིབས་ནད་དུག་སྔོན་འགོག་ཆེད། ། ཕྱི་རྒྱལ་བ་དང་རྒྱ་གར་མངའ་སྡེ་གཞན་གྱི་སྤྲོ་འཁྱམ་པ་སུའང་མངའ་སྡེའི་ནང་ཡོང་མི་ཆོག་པའི་གསལ་བསྒྲགས་སྤེལ་འདུག ད་སྔ་རྒྱ་གར་ནང་ཏོག་དབྱིབས་ནད་དུག་ཕོག་མཁན་༢༡༢་བྱུང་འདུག

༢༠༢༠་ལོའི་ཟླ་༢་ཚེས་༡༧་ཉིན་སྤེལ། རྒྱ་ནག་ཏུ་ཏོག་དབྱིབས་ནད་དུག་གི་རྐྱེན་པས་མི་མང་གི་འཚོ་བ་དང་ནད་དུག་ཁྱབ་ཚད་བཅས་ཀྱི་གནས་སྟངས་ཛ་དྲག་ཏུ་འགྱུར་བཞིན་པའི་སྐབས་འདིར། རྒྱ་གཞུང་གིས་དོན་དངོས་སྦས་ཐབས་བྱེད་ཀྱི་ཡོད་ནའང། ཉེ་ཆར་ཝུ་ཧུན་གྱི་བུད་མེད་ཅིག་གིས་ནད་དུག་དེའི་གནས་སྟངས་དང་འབྱུང་རྐྱེན། བོད་དང་། ཐེ་ཝན། ཧོང་ཀོང་བཅས་ཀྱི་རང་བཙན་ལ་རྒྱབ་སྐྱོར་ཡོད། རྒྱ་གཞུང་གི་གདུག་རྩུབ་ལས་ཐར་དགོས། ཞེས་བརྗོད་འདུག

བོད་ཀྱི་ལོ་རྒྱུས་ཡིག་ཆ།
ལོ་རྒྱུས་པང་པོ་རེད།

བཅར་འདྲི།