འཆར་བྱང་གི་སྐོར་ལ་རྒྱུས་ལོན་ཅུང་ཙམ་བྱེད་པ།

གལ་སྲིད་རྩིས་འཁོར་ལ་འཆར་བྱང་མེད་ཚེ་ང་ཚོས་རྒྱུན་ལྡན་གྱི་རི་མོ་དང་གཟུགས་བརྙན། ཡི་གེ་སོགས་ཅི་ཡང་རིག་མི་ཐུབ་པས་དེ་ནི་རྩིས་འཁོར་གྱི་ལྷུ་ལག་གཙོ་བོ་ཞིག་ཡིན། དེས་ནས་ང་ཚོས་རྩིས་འཁོར་བཀོལ་སྤྱོད་བྱེད་པའི་བརྒྱུད་རིམ་ཁྲོད་འཆར་བྱང་གི་སྒྲིག་གཞི་དང་བྱེད་ནུས། དེའི་ཁྱད་ཆོས་སོགས་རྒྱུས་ལོན་བྱེད་རྒྱུ་ཧ་ཅང་གཙོ་ཆེ་ལ། འདིར་ཡིག་ཚོགས་འཇིགས་པས་རེ་རེ་བཞིན་མི་གླེང་བར་བྱ།

འཆར་བྱང་གི་དབྱེ་བ།

མིག་སྔར། དར་ཁྱབ་ཆེ་བའི་འཆར་བྱང་གི་རིགས་ལ་མཐུད་ཁའི་སྒོ་ནས་དབྱེ་ན AGP དང PCI-E གཉིས་ཡོད། དེ་ལས AGP ནི་དར་སྔ་བའི་ཚད་ལྡན་རང་བཞིན་གྱི་མཐུད་ཁ་ཞིག་ཡིན་ལ། PCI-E ནི་དེང་རབས་གསར་དུ་བཏོན་པའི་ཚད་ལྡན་མཐུད་ཁ་ཞིག་ཡིན་པས་ཕན་ཚན་བྱེད་ནུས་ཀྱི་ཐད་ནས་བསྡུར་ཚེ PCI-E མཐུད་ཁ་དེ་ཆེས་ཚད་ལྡན་དུ་མཐོང་ངོ།

ཡོང་ཁུངས། ཀློག་ཀླད་སློབ་གླིང་དྲྭ་བ།