18
Thu, Jul

༢༠༡༩ལོའི་ཟླ་༧་ཚེས་༡་ཉིན་སྤེལ། བྱང་ཀོ་རེའི་ས་ཐོག་ཏུ་ཨ་རིའི་སྲིད་འཛིན་ཌོ་ནོ་ཁྲུམ་ཕུ་དང་བྱང་ཀོ་རི་ཡིའི་སྲིད་འཛིན་ཀོམ་ཇོ་ཨུན་གཉིས་ཐུག་འཕྲད་བྱས་ཡོད་པ་དང་། ཁྲུམ་ཕུ་ནི་ཨ་རིའི་སྲིད་འཛིན་ལས་ཐོག་ཅིག་བྱང་ཀོ་རེ་ཡའི་ས་ཐོག་ཏུ་བསྐྱོད་མཁན་ཐོག་མ་དེ་ཆགས་ཡོད་པ་དང་། དེས་ལོ་རྒྱུས་གསར་པ་ཞིག་བསྐྲུན་ཡོད་འདུག

༢༠༡༩ལོའི་ཟླ་༦་ཚེས་༢༧་ཉིན་སྤེལ། ཧོང་ཀོང་ནང་ཉེས་ཅན་རྩིས་སྤྲོད་ཀྱི་ཁྲིམས་འཆར་ལ་ངོ་རྒོལ་བྱས་དང་བྱེད་བཞིན་ཡོད་པ་དང་། ཧོང་ཀོང་མི་མང་གིས་ཨ་རི་དང་དབྱིན་ལན་སོགས་ལ་ཉི་ཧོང་དུ་འཚོགས་ལ་ཉེ་བའི་སྟོབས་ཆེན་རྒྱལ་ཁབ་༢༠(G 20)་ཡི་ཚོགས་ཆེན་གྱི་སྐབས་སུ། ཧོང་ཀོང་ནང་ཉེས་ཅན་རྩིས་སྤྲོད་ཀྱི་ཁྲིམས་འཆར་སྐོར་གླེང་དགོས་པའི་འབོད་སྐུལ་གྱི་ལས་འགུལ་ཞིག་སྤེལ་འདུག

༢༠༡༩ལོའི་ཟླ་༦་ཚེས་༢༤་ཉིན་སྤེལ། རྒྱ་གར་རྒྱལ་ཡོངས་སུ་ཚ་གདུག་གི་རྐྱེན་པས་འཐུང་ཆུའི་དཀའ་ངལ་འཕྲད་བཞིན་ཡོད་པ་དང་། སྒོས་སུ་རྒྱ་གར་མངའ་སྡེ་ཅེན་ནེལ(Chennai)་ལ་འཐུང་ཆུ་རྫོགས་པའི་དཀའ་ངལ་ཤུགས་ཆེན་འབྱུང་བཞིན་ཡོད་འདུག དེའི་རྐྱེན་གྱིས་མི་མང་པོ་ཞིག་གིས་ཆུའི་ཆེད་དུ་འཁྲུག་འཛིང་དང་། གཞུང་ལ་ངོ་རྒོལ་བྱས་སྟབས་མ་མཐའ་ཡང་མི་༥༠༠་འཛིན་བཟུང་བྱས་ཡོད་འདུག

༢༠༡༩ལོའི་ཟླ་༦་ཚེས་༡༩་ཉིན། བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། རྒྱ་ནག་གིས་བོད་བརྒྱུད་ནས་ཚད་མཐོའི་འཕྲུལ་རིག་ཅན་གྱི་སྒང་ཕུག་བེད་སྤྱོད་བཏང་ནས་རྒྱ་གར་ལ་སོ་ལྟ་བྱེད་བཞིན་ཡོད་པ་དང་། དེ་ནི་རྒྱ་གར་ལ་ཉེན་ཁ་ཞིག་ཆགས་ཡོད་པར་བརྗོད་འདུག

༢༠༡༩ལོའི་ཟླ་༦་ཚེས་༢༦་ཉིན། བལ་ཡུལ་གྱི་ཆབ་སྲིད་ཚོགས་པ་ཞིག་གིས་ཚོགས་པའི་ཁྲིམས་བཟོ་བ་ཞིག་ཟླ་སྔོན་མར་ཡུ་རོབ་ལ་བསྐྱོད་སྐབས། བོད་རང་དབང་ཐོག་རྒྱལ་སྤྱིའི་གྲོས་ཚོགས་འཐུས་མི་འབྲེལ་མཐུད་ཚོགས་འདུ་ཞིག་ལ་ཞུགས་བྱས་པར་བརྟེན། ཁོ་དེ་རིང་ལས་གནས་ནས་གནས་དབྱུང་བཏང་བའི་གསལ་བསྒྲགས་བྱས་འདུག

༢༠༡༩ལོའི་ཟླ་༦་ཚེས་༢༡་ཉིན། ཉེ་ཆར་བརྒྱུད་ལམ་ཁག་ནས་གནས་ཚུལ་ཐོན་པ་ལྟར་ན། གངས་རི་ཇོ་མོ་གླང་མའི་འཁྱགས་རོམ་ལོ་༤༠་ཡར་སྔོན་ལས་ལྡབ་གཅིག་གིས་གཞུར་བཞིན་ཡོད་པ་དང་། དེ་ནི་གནམ་གཤིས་འགྱུར་ལྡོག་ལ་བརྟེན་ནས་བྱུང་བ་ཞིག་ཡིན་འདུག གནམ་གཤིས་འགྱུར་ལྡོག་དེའི་དབང་གིས་མ་འོངས་པར་ཨ་ཤེ་ཡའི་མི་རྣམས་ལ་ཆུའི་དཀའ་ངལ་ཆེན་པོ་ཞིག་འཕྲད་ངེས་པར་བརྗོད་འདུག

༢༠༡༩ལོའི་ཟླ་༦་ཚེས་༡༨ཉིན་སྤེལ། ཧོང་ཀོང་དུ་མི་མང་ས་ཡ་གཅིག་ལྷག་གིས་རྒྱ་གཞུང་ནས་བསྐོས་པའི་ཧོང་ཀོང་གི་འགོ་ཁྲིད་ཁེར་རེ་ལམ་སྲིད་དབང་ནས་རྩ་དགོངས་ཞུ་དགོས་པའི་ངོ་རྒོལ་བྱས་འདུག་ཅིང་། ན་གཞོན་མང་གཙོ་དོན་གཉེར་བ་སྐད་གྲགས་ཅན་ཇོ་སུ་ཧ་ཨོང་བཙོན་ནས་གློད་གྲོལ་བཏང་ཡོད་འདུག དེ་ནས་ཁོས་གལ་སྲིད་ཉེས་ཅན་རྩིས་སྤྲོད་ཀྱི་ཁྲིམས་འཆར་དེ་ཆ་ཚང་ཕྱིར་འཐེན་དང་། འགོ་ཁྲིད་ཁེར་རེ་ལམ་སྲིད་དབང་ནས་རྩ་དགོངས་མ་ཞུས་ན། ངོ་རྒོལ་དེ་མུ་མཐུད་ནས་བྱ་རྒྱུ་ཡིན་པར་བསྒྲགས་འདུག

More Articles ...

གསལ་བསྒྲགས་ཀྱི་ས་མིག