18
Thu, Jul

 

༢༠༡༨ལོའི་ཟླ་༡༢ཚེས་༢༧ཉིན།ཨ་རིའི་མི་རྣམས་ཀྱིས་འོས་ཤོག་བླུགས་ནས་༸གོང་ས་སྐྱབས་མགོན་ཆེན་པོ་མཆོག་ནི་འཛམ་གླིང་ནས་ཆེས་དགའ་མོས་བྱེད་སའི་སྐྱེས་བུ་རྩེ་ཕུད་བརྒྱད་པ་དེར་བདམས་ཡོད་པ་དང་། ཨ་རི་མི་མང་ནས་ཆེས་དགའ་མོས་བྱེད་པའི་བུད་མེད་ཨང་དང་པོ་ནི།མེ་ཤ་ལི་ཨོ་བྷ་མ་དང་གཉིས་པ་ཨོ་པི་ར་ཝ་ཧྥི་རེ།གསུམ་པ་ཧེ་ལི་ཁི་ལི་ཁྲོན་བཅས་དང་། ཆེས་དགའ་མོས་བྱེད་སའི་སྐྱེས་བུ་ཨང་དང་པོ་དེ་ཨ་རིའི་སྲིད་འཛིན་ཟུར་པ་ཨོ་བྷ་མ་ཡིན་པ་དང་། གཉིས་པ་ནི་ད་ལྟའི་ཨ་རིའི་སྲིད་འཛིན་ཁྲིམ་ཕུད།གསུམ་པ་ཇོ་ཆི་བྷོ་ཤི་བཅས་ཡིན་འདུག

༢༠༡༨ལོའི་ཟླ་༡༢ཚེས་༢༧ཉིན།ཐེ་ཝན་ནང་མི་སྟོང་ཕྲག་འགས་ཧྥ་རན་སིའི་སྟོད་ཐུང་སེར་པའི་ལས་འགུལ་ཞེས་པ་དེ་ནང་བཞིན་དཔྱད་ཁྲལ་སྤར་བར་ངོ་རྒོལ་བྱས་ཡོད་པ་དང་། དཔྱད་ཁྲལ་ཉུང་དུ་གཏོང་དགོས་པའི་འབོད་སྐུལ་ཡང་ཞུས་འདུག ད་ཐེངས་ཀྱི་ངོ་རྒོལ་འདི་ངོ་རྒོལ་ཐེངས་གསུམ་པ་དེ་ཡིན་འདུག

༢༠༡༨ལོའི་ཟླ་ ༡༢ ཚེས་ ༢༥ ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་དུས་འཁོར་དབང་ཆེན་གྱི་གསུང་ཆོས་ར་བ་ནས་རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་བཀའ་ཁྲིད་ལེགས་པར་གྲུབ་རྗེས་དགེ་བསྙེན་གྱི་སྡོམ་པ་དང་། བྱང་ཆུབ་སེམས་དཔའི་སྡོམ་པ་འབོགས་ཆོག དེ་བཞིན་མཁན་ཆེན་ཀུན་དགའ་དབང་ཕྱུག་གིས་མཆན་འགྲེལ་བཏབ་པའི་ཚད་མ་རྣམ་འགྲེལ་གྱི་བཀའ་ཁྲིད་འཕྲོ་སྐྱོང་མཛད་ཡོད་པ་རེད།

༢༠༡༨ལོའི་ཟླ་༡༢ཚེས་༢༡ཉིན།རྒྱལ་སྤྱིའི་རྒྱུད་ལམ་ཁག་དུ་གནས་ཚུལ་སྤེལ་བ་ལྟར་ན།ཨ་རིའི་དམག་དོན་དང་ཚོང་འབྲེལ་ལ་འབྲེལ་བ་ཡོད་པའི་གནས་ཚུལ་དག་དྲ་འབུས་རྐུན་མ་བརྒྱབ་ཡོད་པ་དང་། དེ་ནི་རྒྱ་གཞུང་དང་ཐད་ཀར་འབྲེལ་བ་ཡོད་པར་ཨ་རི་གཞུང་གིས་སྐྱོན་བརྗོད་བྱས་ཡོད་འདུག

༢༠༡༨ལོའི་ཟླ་༡༢་ཚེས་༢༦ཉིན་སྤེལ། ཨི་རག་(Iraq)འཛིན་སྐྱོང་ལས་ཁུངས་ཀྱིས་ཡི་ཤུའི་འཁྲུངས་སྐར་དུས་ཆེན་ཉིན་མོ་དེར་རྒྱལ་ཡོངས་གུང་གསེང་གཏོང་བའི་ཁྲིམས་ཞིག་ཟླ་འདི་ཚེས་༢༥་ཉིན་ཡི་ཤུའི་འཁྲུངས་སྐར་དུས་ཆེན་ཉིན་ལ་ངོས་ལེན་བྱས་ཡོད་འདུག

༢༠༡༨ལོའི་ཟླ་༡༢ཚེས་༢༥ཉིན་སྤེལ། ཉི་ཧོང་ནང་ཕྱི་ལོ་༡༨༩༩ནས་བཟུང་མི་གྲངས་བརྩི་བཤེར་བྱས་པར་གཞིར་བཟུང་ན། ༢༠༡༨ལོ་ནི་བྱིས་པའི་སྐྱེས་གྲངས་ཉུང་ཤོས་དེ་ཆགས་ཡོད་འདུག

༢༠༡༨ལོའི་ཟླ༡༢ཚེས་༡༩ཉིན། ཨ་རིའི་སྲིད་འཛིན་ཌོ་ནོལ་ཊམ་གྱིས་ཨ་རིའི་མི་སེར་བོད་ནང་ཕར་འགྲོ་ཚུར་འོང་འདྲ་མཉམ་གྱི་ཐོབ་ཐང་དགོས་པའི་ཁྲིམས་འཆར་ཨང་H.R.1872 པ་ལ་ས་ཡིག་བཀོད་དེ་དངོས་སུ་ཨ་རིའི་ཁྲིམས་སུ་གཏན་འབེབས་གནང་ཡོད་འདུག་ལ། ཕྱི་སྲིད་ལྷན་ཁང་གིས་ལག་ལེན་བསྟར་རྒྱུ་རེད་འདུག

More Articles ...

གསལ་བསྒྲགས་ཀྱི་ས་མིག