18
Thu, Jul

༢༠༡༩ལོའི་ཟླ་༤་པའི་ཚེས་༡ཉིན་སྤེལ། རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་རྒྱུན་གནས་ཐུབ་པའི་ཡར་རྒྱས་ཐབས་ཇུས་དྲ་ལམ་(Sustainable Development Solutions Network)ཚོགས་པས་ཉེ་ཆར་བཏོན་པའི་སྙན་ཐོའི་ནང་འཛམ་གླིང་གི་ཆེས་བདེ་སྐྱིད་ལྡན་པའི་རྒྱལ་ཁག་ནི་ཧྥི་ལན་ཁྲི(Finland)་དང་ཌེན་མར་ཁི(Denmark) ནོར་ཝེ(Norway)་བཅས་ཡིན་འདུག

༢༠༡༩ལོའི་ཟླ་༣་ཚེས་༢༦ཉིན། རྒྱ་ནག་སྲིད་འཛིན་ཞི་ཅིང་ཕིང་ཡོ་རབ་རྒྱལ་ཁབ་ཧྥ་རན་སིར་སླེབས་བ་དང་སྟབས་བསྟུན་ནས་བོད་མི་དང་ཡུ་གུར་བ། བོད་དོན་རྒྱལ་སྐྱོར་བ་སྟོང་ཕྲག་ཁ་ཤས་ཤིག་གིས་བོད་ལ་རང་དབང་དགོས། འགྲོ་བ་མིའི་ཐོབ་ཐང་དགོས། བོད་བདེན་མཐའ་མྱུར་དུ་སེལ་དགོས་ཞེས་འབོད་ཚིག་སྒྲོག་ནས་ངོ་རྒོལ་བྱས་འདུག

༢༠༡༩ལོའི་ཟླ་༣་ཚེས་༡༨ཉིན། ཐེ་ཝན་རྒྱལ་ས་ཐེ་པད་དུ་ཐེ་ཝན་སྲིད་འཛིན་ཚད་དབྱིང་ཝེན་གྱིས་ང་སྲིད་འཛིན་བསྡད་ཡུན་རིང་དུ། ཐེ་ཝན་གྱིས་རྒྱ་ནག་གི་རྒྱལ་ཁབ་གཅིག་ལ་ལམ་ལུགས་གཉིས་ཟེར་བ་དེ་ཁས་ལེན་བྱེད་རྒྱུ་མིན་པ་དང་། ལམ་ལུགས་དེ་ཡིས་ཐེ་ཝན་དང་རྒྱ་ནག་ཟླ་སྒྲིལ་བཏང་ནས། ཐེ་ཝན་པེ་ཅིང་གི་དབང་སྒྱུར་འོག་ཏུ་བསྡུ་བའི་ཐབས་ཤེས་བྱེད་ཀྱི་ཡོད་རེད་ཅེས་བརྗོད་འདུག

༢༠༡༩ལོའི་ཟླ་༣་ཚེས་༧ ཉིན་སྤེལ། རྒྱ་ནག་གིས་འགྲོ་ལམ་གྱི་ཁྲིམས་ལུགས་ལ་མི་རྩིས་བའི་མི་དང་ཁྲིམས་འགལ་ལས་ཀ་བྱེད་མཁན་ཚོར་དམིགས་ནས་མིའི་ངོ་གདོང་འཛིན་ཐུབ་པའི་འཕྲུལ་ཆས་བཟོས་ཡོད་པ་དང་། འཕྲུལ་ཆས་དེ་ནི་བེད་སྤྱོད་འདྲ་མིན་ཐོག་གཏོང་བཞིན་ཡོད་པ་མི་ཚོས་སེམས་ཁྲལ་བྱེད་དགོས་པའི་གནས་ཚུལ་ཞིག་ཆགས་འདུག ལྷག་པར་དུ་བོད་ནང་ལྟ་བུར་མཚོན་ན་བོད་མི་ཚོས་རྒྱ་གཞུང་ལ་ངོ་རྒོལ་ལས་འགུལ་སྤེལ་ཚེ་འཛིན་བཟུང་བྱེད་ཆོག་ཆོག་ཡིན་འདུག

༢༠༡༩ལོའི་ཟླ་༣་ཚེས་༢༡་ཉིན་སྤེལ། ཉེ་ཆར་ཨ་རིའི་ཕྱི་སྲིད་དྲུང་ཆེ་སྐུ་ཞབས་མེ་ཁུ་པོམ་པེ(Mike Pompeo)མཆོག་གིས་བལ་ཡུལ་ནང་ཡོད་པའི་བོད་མི་ཚོར་རྒྱལ་སྤྱིའི་ཁྲིམས་ལུགས་ལ་བརྩི་བཀུར་ཐོག་ནས་འགྲོ་བ་མིའི་ཐོབ་ཐང་དང་ཆོས་དད་རང་དབང་། སྐད་ཡིག་སྲུང་སྐྱོབ་དང་འགྲུལ་བཞུད་རང་དབང་། དེ་བཞིན་མཐོ་སློབ་ནང་བོད་ཕྲུག་འཛུལ་ཞུགས་ཆོག་པའི་ཐོབ་ཐང་བཅས་ཀྱི་གནད་དོན་ཐོག་བཀའ་མོལ་བྱུང་ཡོད་པ་དང་། བལ་ཡུལ་སྲིད་གཞུང་གི་ཕྱི་སྲིད་བློན་ཆེན་པ་ཌེ་ཇ་ཝ་ལི་(Pradeep Gyawali)མཆོག་གིས་བོད་མི་བཙན་བྱོལ་བ་རྣམས་བལ་ཡུལ་ནས་བོད་དུ་ཕྱིར་གཏོང་རྒྱུ་མིན་པའི་ཁས་ལེན་གནང་འདུག

༢༠༡༩ལོའི་ཟླ་ ༣ ཚེས་ ༡༣ ཉིན། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐེངས་ ༤༠ འཚོགས་བཞིན་པའི་སྐབས་དང་བསྟུན་ནས། བོད་ནང་གི་འགྲོ་བ་མིའི་ཐོབ་ཐང་གནས་སྟངས་ཐོག་ལ་ཟུར་ཚོགས་ཤིག་བསྐོང་ཚོགས་གནང་སྟེ། རྒྱ་གཞུང་གིས་བོད་ནང་དུ་ཆོས་ལུགས་དད་མོས་བཀག་སྡོམ། འགྲོ་སྐྱོད་རང་དབང་བཀག་སྡོམ་བྱེད་ཀྱིན་ཡོད་པ་སོགས་ཀྱི་སྐོར་ནས་གཏམ་བཤད་དང་རྒྱ་ནག་གིས་བོད་ཐོག་འཛིན་པའི་སྲིད་ཇུས་ལ་སྐྱོན་བརྗོད་བྱས་འདུག

༢༠༡༩ལོའི་ཟླ་༣་ཚེས་༦་ཉིན། ཉེ་ཆར་གསར་ཏུ་བཏོན་པའི་རྒྱལ་སྤྱིའི་མཁའ་རླུང་འབགས་བཙོག་སྙན་ཐོའི་ནང་དུ། ཨེ་ཤེ་ཡའི་གྲོང་ཁྱེར་མང་ཤོས་འབགས་བཙོག་ཆེ་བའི་གྲོང་ཁྱེར་ཡིན་པའི་ཐོ་འགོད་གསར་བ་ཞིག་བྱས་ཡོད་པ་དང་། ལོ་རྗེས་མར་འཛམ་གླིང་སྤྱི་ཡོངས་ལ་མཁའ་རླུང་འབགས་བཙོག་གིས་མི་ས་ཡ་༧་དུས་ལ་མ་རན་པར་འཆི་བར་བྱེད་པའི་རྐྱེན་བྱེད་ཀྱི་འདུག་པ་མ་ཟད། དཔལ་འབྱོར་ཐོག་ཡང་ཤུགས་རྐྱེན་ངན་པ་ཐེབས་ཀྱི་ཡོད་སྐོར་བཀོད་འདུག

More Articles ...

གསལ་བསྒྲགས་ཀྱི་ས་མིག