18
Thu, Jul

དཔལ་ལྡན་སྲིད་སྐྱོང་མཆོག་དང་ལྷོ་ཨ་ཕི་རི་ཀའི་བོད་དོན་རྒྱབ་སྐྱོར་བ་ལྕམ་སྐུ་སཎ་ཌི་ཀལ་ཡཎ་Sandy Kalyanམཆོག

དབུས་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་ལྷོ་ཨ་ཕི་རི་ཀར་གཞུང་འབྲེལ་གཟིགས་སྐོར་དུ་ཕེབས་ནས་ཡུལ་དེའི་གནད་ཡོད་མི་སྣ་དང་མཇལ་འཕྲད་དང་མཐོ་སློབ་ཏུ་བོད་དོན་སྐོར་གསུང་བཤད་གནང་ཡོད་འདུག

དེ་ཕྱི་ལོ་༢༠༡༨ཟླ་༢ཚེས་༨ཉིན་ཡང་སྲིད་སྐྱོང་བློ་བཟང་སེངྒེ་མཆོག་གིས་ལྷོ་ཨ་ཕི་རི་ཀའི་གྲོང་ཁྱེར་ཀེབ་ཊའོན་ Cape Town ནང་རྟེན་གཞི་བྱས་པའི་སི་ཊེ་ལེན་བྷོཤི་མཐོ་སློབ་ Stellenbosch University ཞེས་པའི་ཁྲིམས་ལུགས་རིག་པའི་ཚན་པའི་འགན་འཛིན་ Dean ནས་མགྲོན་འབོད་ལྟར་དོན་གཉེར་ཅན་གྱི་སློབ་ཕྲུག་ཁག་གཅིག་ལ་གསུང་བཤད་གནང་ཡོད་འདུག

དེ་ཡང་གྲོང་ཁྱེར་དེའི་ནང་ཡོད་པའི་རྒྱ་ནག་གཞུང་ཚབ་ཁང་གིས་མཐོ་སློབ་ཀྱི་རིགས་བདག་ Chancellor བརྒྱུད་དཔལ་ལྡན་སྲིད་སྐྱོང་མཆོག་མཐོ་སློབ་ཏུ་ཕེབས་རྒྱུར་འགོག་རྐྱེན་བཟོ་ཆེད་ཐབས་ཤེས་སྣ་ཚོགས་བྱས་ཀྱང་འགན་འཛིན་ Dean མཆོག་གིས་རྒྱ་ནག་གཞུང་གི་གནོན་ཤུགས་ལ་བརྩི་འཇོག་རྩ་བ་ནས་མ་གནང་བར་ཡུལ་དེའི་རྩ་ཁྲིམས་ནང་གསལ་མང་གཙོ་དང་འདྲ་མཉམ། རང་དབང༌། དྲང་བདེན་སོགས་རིན་ཐང་དེ་དག་སྲུང་སྐྱོབ་ཐོག་དཔའ་མཛངས་ཆེན་པོས་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་མགྲོན་འབོད་ཞུས་པ་ཙམ་མ་ཟད། དགེ་ལས་སློབ་ཕྲུག་ཁག་གཅིག་ལ་གསུང་བཤད་གནང་རྒྱུའི་གོ་སྐབས་ཡང་ཕུལ་འདུག

དེ་ཡང་དཔལ་ལྡན་སྲིད་སྐྱོང་མཆོག་གིས་སྐར་མ་༣༠རིང་ཡུལ་དེའི་གཞི་རྩའི་བཟང་པོའི་རིན་ཐང་སྲུང་སྐྱོབ་དགོས་གལ་དང༌། ད་ལྟའི་བོད་ནང་གི་ཛ་དྲག་གནས་སྟངས་སྐོར་ཁྲིམས་ལུགས་རིག་པའི་སློབ་ཕྲུག་རྣམས་ལ་གསུང་བཤད་དང་དྲི་བ་ཁག་ལ་ལན་འདེབས་གནང་སྐབས་ཚོགས་ཁང་གི་ཕྱི་རོལ་དུ་རྒྱ་ནག་གཞུང་ཚབ་ཁང་གི་གོ་སྒྲིག་འོག་རྒྱ་རིགས་སློབ་ཕྲུག་དང་མཐོ་སློབ་དེའི་ནང་ཁུང་རྩི་བསྟི་གནས་ཁང་ Confucius གི་སློབ་ཕྲུག དེ་བཞིན་གླ་རྔན་སྤྲད་པའི་ཡུལ་མི་གཞོན་སྐྱེས་བཅས་ཁྱོན་མི་གྲངས་བརྒྱ་སྐོར་ཙམ་ཞིག་གིས་ལག་ཏུ་རྒྱ་ནག་གཅིག་གི་སྲིས་བྱུས་དང༌། ཁ་བྲལ་གྱི་ལས་འགུལ་མཚམས་འཇོག ཅེས་སོགས་འཁོད་པའི་འཕྲེད་དར་འཁྱེར་ནས་ངོ་བརྒོལ་སྐད་འབོད་ཤུགས་ཆེ་བྱས་འདུག

ཐེངས་འདིར་སྲིད་སྐྱོང་མཆོག་ལྷོ་ཨ་ཕི་རི་ཀའི་ནང་གཞུང་འབྲེལ་ཕྱོགས་ཕེབས་ཆེས་ཐོག་མ་ཡིན་ཡང་རྒྱ་ནག་གཞུང་གིས་འཕྲལ་མར་ཡུལ་དེའི་སྲིད་གཞུང་དང་མཐོ་སློབ་ཀྱི་རིགས་བདག་སོགས་བརྒྱུད་མཐོ་སློབ་ཏུ་ལོ་ལྟར་རྒྱ་ནག་གཞུང་གི་རོགས་དངུལ་སྤྲོད་རྒྱུ་དེ་མཚམས་འཇོག་བྱ་རྒྱུ་མ་ཟད།  ཡུལ་དེའི་ནང་རྒྱ་ནག་ཚོང་ལས་མ་འཛུགས་བྱ་རྒྱུ་མིན་པའི་ཉེན་བརྡ་སོགས་ཐབས་ཤེས་ཡོད་དགུ་རྩལ་སྤྲུག་གིས་ཐེངས་འདིར་སྲིད་སྐྱོང་མཆོག་ལྷོ་ཨ་ཕི་རི་ཀའི་ནང་གཞུང་འབྲེལ་ལས་དོན་སྤེལ་རྒྱུར་འགོག་རྐྱེན་བཟོ་ཐབས་བྱས་ཡོད་པར་བརྟེན་ཡུལ་དེའི་གྲོས་ཚོགས་འཐུས་མི་བོད་དོན་རྒྱབ་སྐྱོར་བ་ལྕམ་སྐུ་ Sandy Kalyan མཆོག་གིས། རྒྱ་ནག་གཞུང་གིས་དཔལ་ལྡན་སྲིད་སྐྱོང་མཆོག་ལྷོ་ཨ་ཕི་རི་ཀ་ཕེབས་པར་ངོ་རྒོལ་བྱས་པ་ནི་ཕྲུ་གུའི་རྙོག་གྲ་བཤད་པ་དང་གཅིག་མཚུངས་ཡིན།  ཞེས་རྒྱ་ནག་གཞུང་གི་བྱེད་བབ་ལ་དེ་རིང་སྐྱོན་བརྗོད་ཤུགས་ཆེ་གནང་འདུག

དེ་ཡང་ལྕམ་སྐུ་མཆོག་གིས། ང་ཚོས་རྒྱ་ནག་གཞུང་གི་གཡོ་བྱུས་འོག་གནོན་ཤུགས་དེ་རིགས་འཁྱེར་ཐུབ་ཐབས་རྩ་བ་ནས་མེད། གལ་ཏེ་རྒྱ་ནག་གཞུང་གིས་ཡུལ་འདིར་ཚོང་འབྲེལ་བྱ་འདོད་མེད་ཚེ་འདིར་སྡོད་དགོས་མེད། ཕར་ལོག་ཕྱིན་ན་འགྲིག་པ་རེད།  ཨ་ཕི་རི་ཀའི་གླིང་ཆེན་གྱི་མངའ་ཁོངས་མིན་པ་ཕྱི་ནས་ང་ཚོར་གནོན་ཤུགས་སྤྲོད་རྒྱུའི་དུས་ཚོད་དེ་སྔ་ནས་རྫོགས་ཟིན། ཞེས་གསུངས།

དེ་ཡང་གནས་ཚུལ་ཤེས་རྟོགས་བྱུང་བ་ལྟར་ན། ཡུལ་དེའི་ཕྱི་དྲིལ་ལས་ཁུངས་ The Department of International Relations and Cooperation ནས་ལྷོ་ཨ་ཕི་རི་ཀའི་སྐུ་ཚབ་དོན་ཁང་ལ་དཔལ་ལྡན་སྲིད་སྐྱོང་མཆོག་ཕྱོགས་ཕེབས་ཀྱི་གནད་དོན་དེ་མངོན་ཆུང་བྱེད་དགོས་པའི་ཉེན་བརྡའང་བཏང་འདུག  དེར་བརྟེན་ཡུལ་དེའི་གྲོས་ཚོགས་ཀྱི་མང་གཙོ་མནའ་འབྲེལ་ཚོགས་པས་ཕྱི་དྲིལ་ལས་ཁུངས་ལ་ DIRCO རྒྱ་ནག་གཞུང་གི་གནོན་ཤུགས་འོག་ཛུ་མའི་སྲིད་གཞུང་གིས་ཐེངས་འདིར་མཐོ་སློབ་ཁང་དང་སྐུ་ཚབ་དོན་ཁང་སོགས་ལ་ཉེན་བརྡ་གཏོང་དགོས་པའི་རྒྱུ་མཚན་གསལ་བཤད་དང༌།  སྲིད་གཞུང་གིས་རྒྱ་ནག་གཞུང་ལ་མ་འོངས་པར་བོད་མི་རྣམས་ཡུལ་འདིའི་ནང་ཡོང་རྒྱུར་འགོག་རྐྱེན་བཟོ་རྒྱུའི་ཁས་ལེན་བྱས་པའི་སྐོར་གསལ་བཤད་ངེས་པར་དུ་དགོས་པའི་ཡེ་གེ་གཏོང་རྒྱུ་ཡིན་འདུག   བྱེད་བབ་འདི་ནི་ཡུལ་འདིའི་རྩ་ཁྲིམས་ཀྱི་འབྲུ་དོན་དང་ཡོངས་སུ་བརྒལ་བ་ཞིག་ཡིན་པ་ལྕམ་སྐུ་མཆོག་གིས་གསུངས།

སྤྱིར་ལྕམ་སྐུ་མཆོག་སྔ་ལོར་བོད་མིའི་སྒྲིག་འཛུགས་ཀྱི་ལྔ་དང་ལྔ་བཅུའི་འཆར་སྣང་ལྷན་ཚོགས་སུ་མཉམ་ཞུགས་གནང་ཆེད་བཞུགས་སྒར་དུ་ཕེབས་ཡོད་འདུག
དེ་ཡང་དྲིལ་བསྒྲགས་དྲུང་ཆེའི་ཚད་མཉམ་ཤར་གླིང་བསྟན་འཛིན་ཟླ་སྒྲོན་ལགས་ཀྱིས་གནད་དོན་འདི་དང་འབྲེལ་ནས་བོད་མིའི་སྒྲིག་འཛུགས་ཀྱི་གསར་གནས་ལ་གསུང་དོན། ཡ་མཚན་པ་ཞིག་ལ་ངོ་རྒོལ་བྱེད་མཁན་ཚོའི་ལག་ཏུ་རྒྱ་ནག་གཅིག་གི་སྲིད་བྱུས། ཟེར་བའི་སྦྱར་ཡིག་འཁྱེར་འདུག བོད་མིའི་སྒྲིག་འཛུགས་ཀྱིས་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་བོད་མི་ཡོངས་ལ་མིང་དོན་མཚུངས་པའི་རང་སྐྱོང་གི་གནས་བབ་ཐོབ་ཐབས་བྱེད་བཞིན་པ་ལས། རྒྱ་ནག་དང་ཁ་བྲལ་གྱི་རང་བཙན་རྩོད་ཀྱི་མེད། དེར་བརྟེན་བོད་མིའི་འཐབ་རྩོད་འདི་རྒྱ་གར་གྱི་ས་ཁྱོན་ཆིག་སྒྲིལ་གྱི་བདག་དབང་ལ་གནོད་པ་ཞིག་གཏན་ནས་མིན། དེས་གང་མཚོན་བཞིན་ཡོད་ཅེས་བརྗོད་པ་ཡིན་ན། ཐེངས་འདིར་ངོ་རྒོལ་བ་རྣམས་ཀྱིས་དངོས་ཡོད་གནས་ཚུལ་གང་ཡིན་གསལ་པོ་མ་རྟོགས་པའམ་ཡང་ན་གནས་ཚུལ་འཁྱོགས་བཤད་བྱས་ནས་ངོ་རྒོལ་ལ་སླེབ་པ་ཞིག་ཡིན་པ་ཧ་ཅང་གསལ་པོ་རེད། བོད་མིའི་འཐབ་རྩོད་ནི་ལྷོ་ཨ་ཕི་རི་ཀའི་ཡུལ་གྱི་རྩ་ཁྲིམས་ནང་གསལ་བདེན་པ་དང་འཚེ་བ་མེད་པ། འདྲ་མཉམ། མང་གཙོ་སོགས་གཞི་ལ་བཞག་པའི་ལས་འགུལ་ཞིག་ཡིན། ཞེས་གསུངས་པ་བཅས་གནས་ཚུལ་མདོར་བསྡུས་སུ།

གསར་འགྱུར་འགོད་མཁན་ཡེ་ཤེས་ལྷ་མོ།

༢༠༡༨།༠༢།༠༩ ཉིན་སྤེལ། ༧གོང་ས་མཆོག་གི་ལེགས་བཤད་“གནས་སྟངས་ཚང་མར་ཕྱོགས་ཡོངས་ནས་བལྟས་ཚེ། ད་གཟོད་ཁྱེད་རང་གུ་ཇེ་ཡངས་ཆགས་ཀྱི་རེད།”ཅེས་པ་དེ་ནི་འཇར་མན་གྱི་རླངས་འཁོར་བཟོ་གྲྭ་གྲགས་ཅན་མཱེར་སེ་ཌི་ཞེས་རྒྱལ་སྤྱིའི་སྤྱི་ཚོགས་བརྒྱུད་ལམ་རྒྱུགས་ཆེ་ཤོས་ཨཱིན་ས་གྷར་རམ་ནང་ཁོང་ཚོའི་རླངས་འཁོར་ཁྱབ་བསྒྲགས་དང་མཉམ་དུ་བཀོད་སྤྱོད་བྱས་པར་རྒྱ་ནག་གཞུང་གིས་དགོངས་སེལ་བྱེད་དུ་བཅུགས་ཡོད་འདུག

བཀྲ་ཤིས་དབང་ཕྱུག་ལགས་དང་དགེ་འདུན་པ་ཆོས་སྐྱིད་ལགས། ཡོ་རོབ་གྲོས་ཚོགས་ཀྱི་རྟགས། པར་གྱི་ཡོང་ཁུངས་བོད་མིའི་སྒྲིག་འཛུགས་དྲ་བ།

༢༠༡༨།༠༡།༢༢ ཉིན་སྤེལ། འཚེ་མེད་ཞི་བ་དང་གྲོས་མོལ་གྱི་ལམ་ནས་བོད་རྒྱའི་དཀའ་རྙོག་སེལ་སླད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་རྒྱ་ནག་གཞུང་དབར་འབྲེལ་མོལ་བསྐྱར་གསོ་དགོས་པའི་སྐོར་ཡོ་རོབ་གྲོས་ཚོགས་ནང་གླེང་མོལ་བྱུང་འདུག

༧གོང་ས་༧སྐྱབས་མགོན་ཆེན་པོ་མཆོག་དང་ཨ་རིའི་སྲིད་འཛིན་ཟུར་པ་སྐུ་ཞབས་བྷ་རག་ཨོ་བྷ་མ་རྣམ་གཉིས་རྒྱ་གར་རྒྱལ་ས་ལྡི་ལི་ ITC Maurya མོརྱ་གསོལ་མགྲོན་ཁང་དུ་མཇལ་འཕྲད་མཛད་ཡོད་འདུག

༢༠༡༧།༡༢།༠༤ཉིན་སྤེལ། ང་ཚོས་འགྲོ་བ་མི་རིགས་ཡོངས་རྫོགས་མི་གཅིག་གྱུར་ཡིན་བསམ་པའི་འདུ་ཤེས་ཐོག་ནས་མིས་མི་ལ་བརྩེ་བ་སྤྲད་རྒྱུ་དེ་གལ་ཆེན་པོ་ཡིན་པའི་སྐོར་གྱི་བཀའ་མོལ་བྱུང་ཡོད་ཅེས་ལྗགས་ལན་གནང་བ།

བླ་སྨན་ཡེ་ཤེས་དོན་ལྡན་མཆོག པར་བ་ཆོས་ཉིད།

༢༠༡༨།༠༡།༢༦ཉིན་སྤེལ། རྒྱ་གར་མང་གཙོའི་དུས་དྲན་བསྟུན་༧གོང་ས་མཆོག་གི་སྐུའི་བོད་ལུགས་བླ་སྨན་པ་ཡེ་ཤེས་དོན་ལྡན་མཆོག་ལ་རྒྱ་གར་གྱི་མང་ཚོགས་ཁྲོད་གཟེངས་རྟགས་མཐོ་ཤོས་ཨང་བཞི་པར་གྲགས་པ་པདྨ་ཤྲི་ Padma Shri ཞེས་པ་གནང་གཏན་འཁེལ་འདུག  

དཔལ་ལྡན་སྲིད་སྐྱོང་མཆོག་དང་རྒྱ་གར་ཧི་མ་ཅལ་མངའ་སྡེ་ཡི་སྤྱི་ཁྱབ་བློན་ཆེན་གསར་བར་ཇའི་རམ་ཐོའི་ཁོར(Jai Ram Thakur) དང་བློན་ཆེན་གཞན་དག པར་བ་ཆོས་ཉིད།

༢༠༡༨།༠༡།༠༩ཉིན་སྤེལ། དེ་རིང་དབུས་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་གིས་རྒྱ་གར་བྱང་ཕྱོགས་སུ་ཡོད་པའི་ཧི་མ་ཅལ་མངའ་སྡེ་ཡི་སྤྱི་ཁྱབ་བློན་ཆེན་གསར་བ་འདེམས་ཐོན་བྱུང་བར་འཚམས་འདྲི་ཐུགས་ཕྲད་གནང་སོང་།

ཁེ་ན་ཌའི་གྲོས་ཚོགས་གོང་མའི་ནང་བོད་མི་ཆབ་སྲིད་བཙོན་པའི་གནས་སྟངས་རྟོག་ཞིབ་གནང་བ།

ཁེ་ན་ཌའི་གྲོས་ཚོགས་གོང་མའི་ནང་གྲོས་ཚོགས་འཐུས་མི་རྣམས་ཀྱིས་ཕྱི་ཟླ་ ༡༡ ཚེས་ ༢༣ ཉིན་བོད་མིའི་ཆབ་སྲིད་བཙོན་པའི་གནས་སྟངས་ཐོག་རྟོག་ཞིབ་གནང་འདུག

More Articles ...

གསལ་བསྒྲགས་ཀྱི་ས་མིག