14
Fri, Dec
21 New Articles

༢༠༡༨ལོའི་ཟླ་༡༡ཚེས་༣༠ཉིན་སྤེལ། སྟོབས་ཆེན་རྒྱལ་ཁབ་ཉི་ཤུའི་འགོ་ཁྲིད་རྣམས་ཨ་ཅིན་ཊི་ནའི་རྒྱལ་སར་འཛོམས་ཏེ། ཟླ་འདིའི་ཚེས་༣༠ནས་ཉིན་གཉིས་ཀྱི་རིང་ལ་འཛམ་གླིང་གི་དཔལ་འབྱོར་དང་། ཚོང་ལས་མ་རྐང་། གྲངས་ཀའི་དཔལ་འབྱོར། རྨང་གཞིའི་འཛུགས་བསྐྲུན། གནམ་གཤིས་འགྱུར་ལྡོག་བཅས་དང་འབྲེལ་བའི་འཛམ་བུ་གླིང་གི་གནད་དོན་གལ་ཆེན་དག་གི་སྐོར་ལ་བགྲོ་གླེང་བྱ་རྒྱུ་རེད་འདུག

༢༠༡༨ལོའི་ཟླ༡༡་ཚེས་༢༩ཉིན་སྤེལ། ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་ཁུངས་ཡོངས་ཀྱི་སྤྱི་མོས་བོད་ནང་ཕར་འགྲོ་ཚུར་འོང་གི་གོ་སྐབས་འདྲ་མཉམ་གྱི་ཁྲིམས་འཆར(Reciprocal Access to Tibet Act) ཟླ་འདིའི་ཚེས་༢༨ཉིན་ལ་རྒྱབ་སྐྱོར་བྱས་ཡོད་པ་དང་། ཁྲིམས་འཆར་དེ་ནི་རྒྱ་གཞུང་གིས་ཨ་རིའི་མི་ཚོ་བོད་ནང་འགྲོ་རྒྱུར་བཀག་སྡོམ་གནང་བ་ལྟར། ཨ་རིས་ཀྱང་རྒྱ་ནག་གི་འབྲེལ་ཡོད་མི་སྣ་རྣམས་ཨ་རིར་ཡོང་རྒྱུར་བཀག་སྡོམ་གནང་རྒྱུ་ཡིན་པའི་སྐོར་ནས་རེད་འདུག

༢༠༡༨ ཟླ་༡༡ཚེས་ ༢༥ཉིན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཉི་ཧོང་དུ་ཁྱོན་ཉིན་གྲངས་བཅུ་གཉིས་ལྷག་ལ་བཞུགས་ཏེ། མཛད་འཕྲིན་སོགས་ལེགས་པར་གྲུབ་ནས་བཞུགས་སྒར་དུ་ཞབས་སོར་བདེ་བར་འཁོད་འདུག དེ་ཡང་ཉི་ཧོང་ནས་ཚན་རིག་པ་དང་ལྷན་དུ་བགྲོ་གླེང་དང་། གནད་ཡོད་མགོ་ཁྲིད་མི་སྣ་དང་མཉམ་དུ་བཀའ་མོལ། འཁྲབ་སྟོན་པ་གྲགས་ཅན་དང་ལྷན་དུ་གསུང་བཤད། སློབ་མ་དང་མང་ཚོགས་བཅས་ལ་བཀའ་སློབ་དང་གསུང་ཆོས་བསྩལ་བ་བཅས་ཀྱི་རླབས་ཆེན་གྱི་མཛད་འཕྲིན་ཁག་ལེགས་པར་གནང་འདུག

སྲིད་སྐྱོང་མཆོག་གིས་ཁེ་ན་ཌ་གཞུང་གིས་བོད་མིའི་སྒྲིག་འཇུགས་ཀྱི་ཤེས་ཡོན་ལས་འཆར་གྱི་ཆེད་དུ་ཨ་སྒོར་ས་ཡ་ ༥་༤ རོགས་སྐྱོར་གནང་རྒྱུའི་གསལ་བསྒྲགས་དང་དེ་བཞིན་ལོ་ལྔའི་རེར་མུ་མཐུད་གནང་རྒྱུ་ཆེད་མངགས་བཟོས་ཡོད། དེ་སྔ་ཡིན་ན་ལོ་གཉིས་ལ་ས་ཡ་གཉིས་ཡོད། དེ་ལྟར་བཟོ་དགོས་དོན་ནི། མ་འོངས་པ་བཀའ་ཤག་གི་ཕྱག་ལས་མཇུག་སྐྱོང་ཐུབ་རྒྱུའི་ཆེད་ཡིན། བོད་མིའི་སྒྲིག་འཛུགས་ཀྱི་སྐབས་ ༡༥ བཀའ་ཤག་གི་ལྔ་དང་ལྔ་བཅུའི་འཆར་སྣང་ལྟར་ཡིན། ཞེས་ཊོ་རན་ཊོ་ཁུལ་གནས་སྡོད་བོད་མི་རྣམས་ཐུག་འཕྲད་ཀྱིས་གསུང་བཤད་གནང་འདུག

༢༠༡༨ ཟླ་༡༡ ཚེས་༢༧ཉིན་སྤེལ། འཛམ་གླིང་རེག་དུག(HIV)་གི་ཉིན་མོ་ཐོན་ལ་ཉེ་བའི་སྐབས་དང་བསྟུན་ནས། རྒྱ་ནག་གི་ཚན་རིག་པ་ཧི་ཅན་ཁི་ཡིས་མཚེ་མ་བྱིས་པ་གཉིས་ཀྱི་རིགས་རྫས(Gene)་ལ་འཆོས་སྒྲིག་བྱས་ཏེ། རེག་དུག་གི་ན་ཚ་འགོག་སྲུང་བྱེད་ཐུབ་པའི་ནུས་པ་ལྡན་པར་བྱས་ཡོད་སྐོར་བསྒྲགས་འདུག གནས་ཚུལ་དེ་བསྒྲགས་མ་ཐག འཛམ་གླིང་གང་ས་ནས། མིའི་རིགས་ཀྱི་རིགས་རྫས་ལ་འཆོས་སྒྲིག་བྱེད་པ་ནི་ཀུན་སྤྱོད་ལས་འདས་པ་ཞིག་ཡིན་སྐོར་དང་། ཞིབ་འཇུག་དེའི་དོན་དངོས་རང་བཞིན་ལ་དོགས་གཞི་དང་གནོད་སྐྱོན་གྱི་ཐད་ལ་ཚ་ཚ་འུར་འུར་གྱིས་གླེང་སློང་ཆེན་པོ་བྱེད་ཀྱིན་འདུག

དོན་གྲུབ་དབང་ཆེན་ལགས་ཀྱིས། གཟེངས་རྟགས་འདི་ང་ལ་མཚོན་ན་དེ་ནི་བོད་ནང་གི་ཆབ་སྲིད་བཙོན་པ་རྣམས་དང་བོད་མི་ཡོངས་ལ་གདུང་སེམས་མཉམ་བསྐྱེད་དང་དྲང་བདེན་ལ་རྒྱབ་སྐྱོར་བྱས་པ་ཞིག་ལ་ངོ་འཛིན་ཞུ་ཡི་ཡོད། བོད་ནང་གི་གནས་སྟངས་ནི་ཧ་ཅང་གི་ཛ་དྲག་ཆགས་ཡོད། བོད་ནི་བཙོན་ཁང་ཆེ་ཤོས་ཤིག་ཏུ་གྱུར་ཡོད་རེད། དེ་རིང་འདིར་རྣམ་པ་ཚང་མས་བོད་ཀྱི་གནས་སྟངས་འདི་སའི་གོ་ལ་འདིའི་ཐོག་ལ་དྲིལ་བསྒྲགས་དང་ཁྱབ་སྤེལ་གཏོང་བར་སྙིང་ཐག་པ་ནས་ཐུགས་རྗེ་ཞུ་བ་ཡིན། ཅེས་བརྗོད་འདུག

༢༠༡༨ལོའི་ཟླ༡༡ཚེས་༡༩ཉིན་སྤེལ། ཐའེ་ཝན་དང་ནང་དུ་མཚན་མཐུན་གཉེན་སྒྲིག་རུང་མིན་གྱི་ཐད་ནས་ཟླ་འདི་ཚེས་༢༤ཉིན་འོས་ཤོག་འཕང་རྒྱུ་དང་ཨ་རིའི་མཁའ་དབྱིངས་འཕུར་གྲུ་ཞིག་ཟླ་འདིའི་༢༦་ཉིན་རྒྱུ་སྐར་མིག་དམར་ཐོག་ཏུ་འབབ་རྒྱུ། དེ་བཞིན་བདུན་ཕྲག་འདིའི་ནང་དུ་སྲིད་བློན་ཐེ་རེ་ས་མད་ཡུ་རོབ་མཐུན་ཚོགས་ཀྱི་སྲིད་འཛིན་ལ་ཐུག་འཕྲད་བྱ་རྒྱུ་ཡིན་པ་དང་། སྐབས་དེར་དབྱིན་ཇི་དང་ཡུ་རོབ་མཐུན་ཚོགས་གཉིས་ཀྱི་བར་འབྲེལ་བའི་སྐོར་གླེང་རྒྱུ་སོགས་ཀྱི་གསར་འགྱུར་ཁག་གཤམ་གསལ།

More Articles ...

གསལ་བསྒྲགས་ཀྱི་ས་མིག