14
Fri, Dec
21 New Articles

བཙན་བྱོལ་གྱི་གསར་འགྱུར།
Typography

༢༠༡༨།༠༡།༢༩ ཉིན་སྤེལ། ༧གོང་ས་མཆོག་༧སྐུའི་འཕྲོད་བཞེས་བརྟག་དཔྱད་ཆེད་ལྡི་ལིར་བཞུགས་ཞག་མཛད་རྒྱུ་ཡིན་འདུག

དེ་ཡང་། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་ཆོས་འབྲེལ་གྱི་མཛད་འཕྲིན་ཁག་ལེགས་གྲུབ་ཀྱིས་རྒྱལ་ས་ལྡི་ལིར་༧སྐུའི་འཕྲོད་བཞེས་བརྟག་དཔྱད་ཆེད་ཉིན་གྲངས་གསུམ་རིང་བཞུགས་ཞག་མཛད་ཀྱི་འདུག
དེ་ཡང་༧གོང་ས་༧སྐྱབས་མགོན་ཆེན་པོ་མཆོག་གནས་མཆོག་རྡོ་རྗེ་གདན་དུ་གཟའ་འཁོར་བཞི་ལྷག་གྱི་མཛད་འཕྲིན་ཁག་ལེགས་གྲུབ་ཀྱིས་ཁ་སང་མཁའ་ལམ་བརྒྱུད་རྒྱལ་ས་ལྡི་ལིར་ཆིབས་བསྒྱུར་མཛད་ཡོད་པ་རེད། དེ་རིང་ཚེས་ ༢༩ ནས་ ༣༡ བར་བཅས་ཉིན་གྲངས་གསུམ་རིང་མགོན་པོ་༸གང་ཉིད་མཆོག་ལྡི་ལིར་རྟེན་གཞི་བྱས་པའི་ Max སྨན་ཁང་དུ་ལོ་རེའི་མཚམས་སུ་༧སྐུའི་འཕྲོད་བཞེས་བརྟག་དཔྱད་དང་འབྲེལ་༧སྐུ་གཟུགས་བརྟག་དཔྱད་གནང་སྲོལ་ཡོད་པ་ལྟར་གནང་རྒྱུ་ཡིན་པ་མ་ཟད། ཁུལ་དེར་ཡོད་པའི་རྒྱ་གར་གཞུང་གི་ AIIMS སྨན་ཁང་དུའང་སྤྱན་བརྟག་དཔྱད་གནང་རྒྱུ་རེད་འདུག
མཛད་འཆར་ལྟར་ན། མགོན་པོ་༧གང་ཉིད་མཆོག་གི་༧སྐུའི་འཕྲོད་བཞེས་བརྟག་དཔྱད་གྲུབ་རྗེས་ཟླ་ ༢ ཚེས་ ༡ ཉིན་བཞུགས་སྒར་དུ་ཚུར་ཆིབས་བསྒྱུར་མཛད་ཀྱི་ཡོད་པ་དང་། ཟླ་ ༢ ཚེས་ ༢ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་སོ་བཞིའི་བཀའ་ཆོས་བསྩལ་རྒྱུ་ཡིན་པ་རེད།

གསལ་བསྒྲགས་ཀྱི་ས་མིག