17
Sun, Feb
16 New Articles

༢༠༡༩ལོའི་ཟླ་༢ཚེས་༡༢ཉིན་སྤེལ། བོད་ཁམས་ཡུལ་ཤུལ་ཕྱོགས་སུ་ཉེ་ཆར་ཁ་བ་ཤུགས་ཆེན་བབས་ནས་སྒོ་ཟོག་སེམས་ཅན་དང་རི་དྭགས་སྟོང་ཕྲག་མང་པོ་ལྟོགས་ཤི་ཐེབས་པའི་དཀའ་ངལ་འཕྲད་བཞིན་ཡོད་པ་དང་། བོད་མི་ཚོས་སེམས་ཅན་རྣམས་ལ་རྩྭ་སོགས་སྐྱེལ་ནས་ཛ་དྲག་མྱུར་སྐྱོབ་ཀྱི་ལས་འགུལ་སྤེལ་འདུག

ཉེ་དུས་བོད་མོད་སྨད་མགོ་ལོག་གཅིག་སྒྲིལ་རྫོང་ལྕམ་མདའ་དགོན་པའི་ཁྲི་པ་ཟུར་པ་བསམ་གཏན་འོད་ཟེར་ལགས་ཀྱིས་རྒྱ་ནག་གཞུང་དང་ལྷན་དུ་བོད་རྒྱ་ཞི་མོལ་ཆེད་དབུས་བོད་མིའི་སྒྲིག་འཛུགས་ཀྱི་སྐུ་ཚབ་མངགས་གཏོང་ཡོང་བ་དང་བོད་མི་མང་སྤྱི་འཐུས་ལྷན་ཚོགས་སུ་ཇོ་ནང་ཆོས་བརྒྱུད་ཀྱི་སྤྱི་འཐུས་འདེམས་བསྐོ་ཡོང་བར་རྒྱབ་སྐྱོར་གནང་རོགས་ཞེས་འབོད་སྐུལ་ཞུས་འདུག

༢༠༡༨ལོའི་ཟླ་༡༢ཚེས་༢༤ཉིན། བོད་དབུས་ཁུལ་གཞིས་རྩེའི་བཞད་མཐོང་སྨོན་གྲོང་འཁྱེར་ལ་ཚད་རིམ་༥.༨་ཅན་གྱི་ས་ཡོམ་བརྒྱབ་ཡོད་རུང་། སྟབས་ལེགས་པ་ཞིག་ལ་མིའི་སྲོག་ཤོར་བའི་གནས་ཚུལ་ཐོན་མི་འདུག འོན་ཀྱང་། མི་༢༡༠༠ཞིག་གནས་སྤོ་བྱེད་དགོས་བྱུང་པའི་གནས་ཚུལ་བརྒྱུད་ལམ་ཁག་ནས་སྤེལ་བཞིན་འདུག

༢༠༡༨ལོའི་ཟླ་༡༢ཚེས་༡༤ཉིན་བོད་ནས་གནས་ཚུལ་འབྱོར་གསལ་ལྟར་ན། ཨ་མདོ་རྔ་པ་ཀིརྟིའི་དགོན་གྱི་གྲྭ་གཞོན་སངས་རྒྱས་རྒྱ་མཚོ་ལགས་ཀྱིས་ཟླ་༡༢་ཚེས་༡༠ཉིན་རྔ་པའི་རྫོང་མཁར་གྱི་གཞུང་ལམ་དུ། བོད་ལ་རང་དབང་དགོས་པའི་སྐད་འབོད་གནང་བཞིན་གོམ་བགྲོད་བྱས་པར། དེ་མ་ཐག་རྒྱ་གཞུང་གི་ཉེན་རྟོག་མི་སྣ་སོགས་ཀྱིས་མི་མང་གི་མཐོང་སར་གཅར་རྡུང་གཏོང་བཞིན་བཙན་ཁྲིད་བྱས་ཡོད་ཀྱང་། ད་བར་གང་དུ་བཀག་ཉར་བྱས་ཡོད་མེད་སོགས་གནས་སྟངས་ཅི་ཡིན་གསལ་བོར་ཤེས་རྟོགས་ཐུབ་མེད།

༢༠༡༨ལོ་ཟླ་༡༢ཚེས་༢༨ཉིན། ཀུན་གཟིགས་༸པན་ཆེན་སྐུ་ཕྲེང་བཅུ་པ་མཆོག་དགོངས་པ་ཆོས་དབྱིངས་སུ་འཐིམས་ནས་ལོ་ངོ་༣༠འཁོར་བའི་རྗེས་དྲན་ཉིན་མོར་བོད་གཞིས་བྱེས་གཉིས་ཀྱི་བོད་མི་རྣམས་ཀྱིས་རང་གི་སྐད་འཕྲིན་དང་ཚོགས་པ། དེ་བཞིན་ངོ་དེབ་བཅས་སུ་༸པན་ཆེན་སྐུ་ཕྲེང་བཅུ་པ་མཆོག་གི་གསུང་འཕྲིན་འགྲེམས་སྤེལ་དང་རྗེས་དྲན་སྙན་ཚིག་བྲིས་ནས་སྤེལ་བ་སོགས་ཀྱིས་རྗེས་དྲན་ཉིན་མོ་སྲུང་བརྩི་ཞུ་བཞིན་འདུག

༢༠༡༨ལོའི་ཟླ་༡༢་ཚེས་༢༤ཉིན་སྤེལ། ཉེ་ཆར་བོད་ནས་གནས་ཚུལ་འབྱོར་བ་ལྟར་ན། བོད་མདོ་སྨད་མགོ་ལོག་ནང་གི་གོང་མ་ཡུལ་ཚོའི་སྟོང་དཔོན་བསོད་རྡོར་ལགས་གྱོད་གཞི་ཞིག་གིས་ཆེད་དུ་འགྲིག་འཇགས་བྱས་དུ་སོང་ཡང་ཕ་རོལ་བས་གྲོས་འཆམ་བྱུང་བའི་ཚབ་དུ་ཁོང་ལ་གྲི་ལན་དྲུག་རྒྱབ་ཡོད་རུང་ཕྱིར་ལན་སློག་མི་འདུག གཞན་ཡང་རྒྱ་མི་ཁ་ལོ་བ་ཞིག་གིས་བོད་པའི་བུ་མོ་གླ་འཁོར་བརྡབ་ནས་བསད་ཡོད་རུང་ནང་མིས་སྒོར་གཅིག་ཀྱང་ལེན་མེད་པ་རེད།

བོད་ནང་ནས་མིང་བཤད་འདོད་མེད་པ་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། བོད་མདོ་སྨད་རྔ་བ་ནས་རང་ལོ་༡༦ཙམ་་ཡིན་པའི་མིང་ལ་དགེ་འདུན་རྒྱ་མཚོ་དང་ཆོས་ཀྱི་རྒྱ་མཚོ་ཞུ་བ་མི་གཉིས་ཀྱིས་བོད་བསྟན་པ་ཆབ་སྲིད་ཀྱི་ཆེད་དུ་འདི་ཟླའི་ཚེས་༩ཉིན་བོད་ལ་རང་དབང་དགོས་ཞེས་སྐད་འབོད་ཁྲོད་རང་ལུས་མེ་བསྲེག་བཏང་འདུག ཅེས་རྒྱ་གར་ལྷོ་ཕྱོགས་སྨིན་གྲོལ་གླིང་དུ་བཞུགས་པའི་ཆོས་འགྲུབ་རིན་པོ་ལགས་ནས་འདི་ག་གསར་ཁང་ལ་འགྲེལ་བརྗོད་གནང་སོང༌།

More Articles ...

གསལ་བསྒྲགས་ཀྱི་ས་མིག