20
Tue, Aug

གལ་ཆེན་གསར་འགྱུར་གཞན།

Grid List

༢༠༡༩ལོའི་ཟླ་༨་ཚེས་༡༤་ཉིན་སྤེལ། བོད་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་ཐམས་མཁས་ལགས་ལ་ཁྲིམས་ཐག་བཅད་ཡོད་པ་དང་། གྲྭ་ཐུབ་པ་དང་གྲྭ་བློ་བཟང་རྡོ་རྗེ་གཉིས་འཛིན་བཟུང་བྱས་ཡོད་པའི་གནས་ཚུལ་འབྱོར་བ་ཞིག བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་སོང་།

༢༠༡༩ལོའི་ཟླ་༧་ཚེས་༣་ཉིན། འཛམ་གླིང་སྤྱི་ཡོངས་ནས་གནས་གཤིས་ཀྱི་ཚ་དྲོད་འཕེལ་བཞིན་ཡོད་ཅིང་། ཁྱད་པར་དུ་མཐོ་སྒང་གི་བོད་ལའང་ཚ་དྲོད་འཕེལ་བའི་རྣམ་པ་ཤུགས་ཆེན་འབྱུང་གི་ཡོད། དེ་ཡང་བོད་མཐོ་སྒང་དུ་ཆགས་པའི་འཁྱགས་རོམ་བཞུར་བཞིན་ཡོད་པར་ཚན་རིག་པས་བརྟག་དཔྱད་བྱས་ནས་ར་སྤྲོད་བྱས་ཡོད་འདུག

༢༠༡༩ལོའི་ཟླ་༦་ཚེས་༢༧་ཉིན་སྤེལ། ནག་ཆུ་ནས་ཡིན་པའི་ཆབ་སྲིད་བཙོན་ཟུར་ངག་དབང་རྒྱལ་མཚན་ལགས་ལོ་གསུམ་གྱི་བཙོན་འཇུག་དུས་ཡུན་རྫོགས་ནས་། འདི་ལོའི་ཟླ་༣་པའི་ཚེས་༧་ཉིན་ལ་བཙོན་ནས་གློད་གྲོལ་བཏང་ཡོད་འདུག་པ་དང་། ཁོང་གི་གཟུགས་གཞིའི་གནས་སྟངས་སོགས་ཀྱི་སྐོར་གང་ཡང་ཤེས་རྟོགས་བྱུང་མི་འདུག

༢༠༡༩་ལོའི་ཟླ་༨་ཚེས་༢༠་ཉིན། བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱིས་གོ་སྒྲིག་འོག རྡ་ས་མག་ལོར་པདྨ་ཐང་གི་ཉེ་འགྲམ་དུ་ཡོད་པའི་ཁི་ལུབ་གསོལ་མགྲོན་ཁང་(Club Hotel)གི་ཚོགས་ཁང་དུ། བོད་པའི་སློབ་གྲྭ་ཁག་༣༡་ནས་ཡོང་བའི་དགེ་སློབ་༩༠་ཞིག་ལ། མྱོས་རྫས་ངན་གོམས་དང་ལང་ཚོ་དར་བབ་ཀྱི་འཕྲོད་བསྟེན་ཞེས་པའི་ཉིན་བཞིའི་ཟབ་སྦྱོང་གི་དབྱེ་འབྱེད་མཛད་སྒོ་ཞིག་ཚོགས་སོང་།

༢༠༡༩་ལོའི་ཟླ་༨་ཚེས་༡༩་ཉིན། བོད་མིའི་སྒྲིག་འཛུགས་ཕྱི་དྲིལ་ལྷན་ཁང་གིས་གོ་སྒྲིག་བྱས་པའི་ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པ་དེ། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཉེ་འགྲམ་དུ་རྟེན་གཞི་བྱས་པའི་དེ་བི་དར་གསོལ་མགྲོན་ཁང་( Devdar Hotel)་དུ་མཇུག་བསྡུ་བྱས་སོང་། སྲིད་སྐྱོང་མཆོག་གིས་མཇུག་བསྡོམས་གསུང་བཤད་གནང་དོན། བོད་དོན་ཐོག་ལས་ཀ་བྱེད་རྒྱུ་ནི་ང་ཚོའི་འགན་རེད་ལ་བཟང་སྤྱོད་ཀྱང་རེད། ཁྱོད་ཚོས་ད་ལྟར་ནས་འགོ་ཁྲིད་བྱེད་དགོས། ཁྱོད་ཚོ་ནི་བོད་པའི་འགོ་ཁྲིད་རེད། བོད་དོན་ཐོག་ལས་ཀ་བྱེད་དགོས་རེད། བོད་དོན་ཐོག་ལས་དོན་བསྒྲུབས་ནས་གྲོངས་སྐབས་འགྱོད་པ་མེད་པ་ཞིག་བྱེད་དགོས། རང་ཉིད་ཀྱིས་གང་ཐུབ་ཐུབ་བོད་དོན་ཐོག་ལས་ཀ་བྱེད་དགོས། ཞེས་གསུངས་སོང་།

༢༠༡༩ལོའི་ཟླ་༨་ཚེས་༡༦་ཉིན་སྤེལ། སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ཟླ་འདི་ཚེས་༨་ཉིན། བཞུགས་སྒར་རྡ་སའི་རྒྱལ་བའི་ཕོ་བྲང་ནས་མ་ཌི་མ་ན་ལིར་ཆིབས་སྒྱུར་བསྐྱངས་ཡོད་པ་དང་། དེར་༸གོང་ས་མཆོག་གིས་སེར་སྐྱ་མང་ཚོགས་ཀུན་ལ་སངས་རྒྱས་པའི་ཆོས་ལ་སྐྱ་སེར་ཕོ་མོ་དབྱེ་བ་མེད་པས་སློབ་སྦྱོང་བྱེད་རྒྱུ་དང་། སློབ་སྦྱོང་དང་འབྲེལ་ནས་སངས་རྒྱས་པའི་ཆོས་ཀྱི་གནད་འགག་ཤེས་པ་ཡིན་ན། ཉམས་ལེན་བྱེད་རྒྱུ་ཡོང་གི་རེད་ཅེས་བཀའ་སློབ་གནང་འདུག

༢༠༡༩་ལོའི་ཟླ་༨་ཚེས་༡༡་ཉིན། ཧོང་ཀོང་དུ་བདུན་ཕྲག་བཅུ་པའི་ངོ་རྒོལ་དེ་བྱས་ཡོད་ཅིང་། ཉེན་རྟོག་པ་དང་ཞི་རྒོལ་བ་དབར་ལ་འཁྲུག་འཛིངས་ཤོར་ཡོད་པ་དང་། མིག་ཆུ་དུག་རླུང་བཏང་ཡང་ཡོད་འདུག དེའི་ཁྲོད་ངོ་རྒོལ་བ་མི་སྣ་དགུ་ལ་རྨས་སྐྱོན་ཕོགས་འདུག གཞན་ཡང་ཧོང་ཀོང་དུ་ངོ་རྒོལ་བྱུང་བ་ནས་བཟུང་མི་གྲངས་༦༠༠་འཛིན་བཟུང་བྱས་ཡོད་པར་བརྗོད་འདུག

༢༠༡༩ལོའི་ཟླ་༨་ཚེས་༧་ཉིན་སྤེལ། རྒྱ་ནག་གིས་རྒྱ་གར་ལ་ཨ་རིའི་གནོན་ཤུགས་ལ་བརྟེན་ནས་ཧ་ཝེ་(huawei)ཡི་འཕྲུལ་རིགས་རྣམས་རྒྱ་གར་ནང་བཀག་སྡོམ་བྱས་ཚེ། རྒྱ་ནག་ནང་ཡོད་པའི་རྒྱ་གར་གྱི་ཚོང་གཉེར་ཁང་ཁག་ལའང་ཤུགས་རྐྱེན་ཚབས་ཆེན་ཐེབས་རྒྱུ་ཡིན་པའི་ཉེན་བརྡ་བཏང་འདུག

༢༠༡༩ལོའི་ཟླ་༨་ཚེས་༥་ཉིན། ཉེ་སྔོན་ཨ་རི་ཡིས་རྒྱ་ནག་ཐོག་ཚོང་ཁྲལ་སྤར་རྒྱུ་ཡིན་པར་རྒྱ་ནག་གིས་འཁོན་ལན་སློག་ཆེད། ཨ་སྒོར་གྱི་འཛའ་མར་བཅགས་ཡོད་སྟབས་ལོ་སྔོན་མ་ནས་བཟུང་འཛའ་དམའ་ཤོས་སུ་སླེབས་ཡོད་ཅིང་། དེས་ཨ་རི་དང་རྒྱ་ནག་གཉིས་ཀྱི་ཚོང་དམག་གི་གནས་སྟངས་ཇེ་སྡུག་ཏུ་གཏོང་རྒྱུ་ཡིན་འདུག་པར་བརྗོད་འདུག

༢༠༡༩ལོའི་ཟླ་༨་ཚེས་༨་ཚེས་སྤེལ། རྒྱ་གར་གྱི་གྲོས་ཚོགས་གོང་འོག་གཉིས་ཀྱིས་རྩ་ཁྲིམས་དོན་ཚན་༣༧༠་དེ་རྩིས་མེད་བཏང་ནས། ཇ་མུ་ཀ་ཤི་མེར་དང་ལ་དྭགས་ལ་དབུས་འཛིན་མངའ་ཁུལ་གྱི་གནས་བབས་སྤྲད་ཡོད་ཅིང་། དེར་རྒྱལ་སྤྱིའི་ཐོག་ནས་དོ་སྣང་ཆེན་པོ་བྱེད་བཞིན་ཡོད་པ་དང་། ཁྱད་པར་དུ་རྒྱ་ནག་དང་པ་ཀི་སི་ཐན་གཉིས་ཀྱིས་དེའི་ཐད་་ལ་སྐྱོན་བརྗོད་དྲག་པོ་བྱས་འདུག

༢༠༡༩ལོའི་ཟླ་༥པའི་ཚེས་༡༥ཉིན་སྤེལ། དེ་རིང་རྒྱལ་སྤྱིའི་གསར་ལམ་དུ་གནས་ཚུལ་སྤེལ་བ་ལྟར་ན། རྒྱ་ནག་ཧོ་པེ་ཞིང་ཆེན་ནས་ན་ནིང་སྤྱི་ཟླ་བཅུ་གཉིས་ནས་བཟུང་སྟེ་ཡ་མཚར་བའི་ནད་དུག་ཅིག་གི་རྐྱེན་པས། ཕག་པ་མང་པོ་ཞིག་ཤི་མགོ་བརྩམས་ཡོད་ཅིང་། ད་ལྟའི་བར་དུ་ཕག་གསོ་ཁང་གཅིག་ནས་ཕག་པ་ཁྲི་གཉིས་ཤི་ཡོད་འདུག ཕག་ནད་ཀྱི་ནད་དུག་དེ་ནི་ཕག་ཤ་ནས་ཀྱང་ཟླ་ཤས་སུ་གནས་ཐུབ་ཀྱི་ཡོད་ཅིང་། དེར་བརྟེན་ནས་ནད་ཡམས་དེ་སྔར་ལས་ཀྱང་ལས་སླ་བོར་འགོས་ཁྱབ་ཏུ་འགྲོ་བཞིན་ཡོད་འདུག རྒྱ་ནག་ནི་ཕག་ཤ་ཟ་མཁན་མང་ཤོས་ཀྱི་རྒྱལ་ཁབ་ཅིག་ཡིན་པ་དང་། ཕག་ནད་དེའི་དབང་གིས་རྒྱ་ནག་གི་ཕག་གསོ་ཁང་མང་པོ་ཞིག་སྒོ་རྒྱག་དགོས་ཁེལ་གྱི་ཡོད་སྟབས། དཔལ་འབྱོར་གྱི་ཐད་ནས་ཀྱང་གྱོང་གུད་ཐེབས་ཀྱི་ཡོད་འདུག

༢༠༡༩ལོའི་ཟླ་༢ཚེས་༡༡ཉིན་སྤེལ། རྒྱ་གར་གཞུང་གིས་རྒྱ་གར་མངའ་སྡེ་ཇསྨུ་ཀ་ཤྨིར་ནང་གི་ལ་དྭགས་ལ་ཞིང་ཆེན་གྱི་ཚད་སྩལ་ཡོད་པ་དང་། ལ་དྭགས་གཞུང་མང་གཉིས་ནས་རྒྱ་གར་ད་ལྟའི་སྲིད་དབང་འཛིན་བཞིན་པའི་ཨེན་ཌི་ཨེ(NDA)གཞུང་ལ་ཐུགས་རྗེ་ཆེ་ཞུས་ཡོད་པ་དང། ལ་དྭགས་ལ་ཞིང་ཆེན་གྱི་ཚད་སྩལ་གནང་བ་དེས་ལ་དྭགས་གཞུང་མང་ལ་ཆབ་སྲིད་དང་ཡར་རྒྱས་གཏོང་ཕྱོགས་སོགས་ལ་ཕན་ཐོགས་ཡོད་སྐོར་བཀོད་འདུག

གླ་ཡོད་གསལ་བསྒྲགས་ཀྱི་མ་དཔེ།
གླ་ཡོད་གསལ་བསྒྲགས།

བཅར་འདྲི།