23
Sun, Sep
25 New Articles

གལ་ཆེན་གསར་འགྱུར་གཞན།

Grid List

མཚོ་སྔོན་ཞིང་ཆེན་གྱི་ཆེས་མཐོའི་ཁྲིམས་ཁང་གིས་གནས་ཚུལ་སྤེལ་བ་ལྟར་ན། མཚོ་སྔོན་ཞིང་ཆེན་མཚོ་ཤར་ཧོ་ཀྲོ་རྫོང་མི་དམངས་ཁྲིམས་ཁང་གིས་ཟླ་༩ཚེས་༤་ཉིན་ལ། དཔའ་ལུང་རྫོང་གཞི་རྩ་ཤང་གི་པདྨ་དང་རྡོ་རྗེ། ཚེ་རིང་། ལྷ་མོ་སོགས་མི་བཅུ་གསུམ་ལ་སྲིད་གཞུང་གི་བྱ་བར་གནོད་སྐྱོན་བཟོ་བ་ཞེས་པའི་ཉེས་མིང་འོག་ཁྲིམས་ཐག་གཅོད་འགོ་བརྩམས་འདུག

བོད་ཀྱི་སྐད་ཡིག་གི་ཐོབ་ཐང་རྩོད་ལེན་པ་བཀྲ་ཤིས་དབང་ཕྱུག་ལགས་ཀྱི་ཁྲིམས་རྩོད་པས་དྲ་ལམ་བརྒྱུད་གནས་ཚུལ་སྤེལ་བ་ལྟར་ན། ཉེ་སྔོན་བཀྲ་ཤིས་དབང་ཕྱུག་ལགས་ཀྱིས་ཁོང་ལ་མི་ལོ་ལྔའི་དུས་བཀག་ཁྲིམས་ཐག་བཅད་པར་ངོས་ལེན་མེད་པའི་ཐོག་ནས་གོང་གཏུགས་བྱས་ཡོད་པ་དེར་མཚོ་སྔོན་ཞིང་ཆེན་མཐོ་རིམ་མི་དམངས་ཁྲིམས་ཁང་གིས་ཟླ་འདིའི་ཚེས་༡༣ཉིན་ཁས་ལེན་བྱེད་མེད་པ་གསལ་འདུག

༢༠༡༨ལོའི་ཟླ་༨ཚེས་༡༦ཉིན། བོད་ནས་གནས་ཚུལ་འབྱོར་བ་ལྟར་ན། རྒྱལ་ཁབ་ཁ་བྲལ་ལ་ངན་སྐུལ་བྱས་པའི་བསྙོན་འཛུགས་འོག་ཏུ་དུས་བཙོན་ཉེས་ཆད་བཅད་པའི་བོད་ཀྱི་ཆབ་སྲིད་བཙོན་པ་ནམ་མཁའ་བྱམས་གློད་གྲོལ་བཏང་ཡང་། རྒྱ་གཞུང་གིས་སྤྱི་ཚོགས་བརྒྱུད་ལམ་ཁག་ལ་སྟངས་འཛིན་ཤུགས་ཆེར་བཏང་བའི་རྐྱེན་གྱིས་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད།

༢༠༡༨ལོའི་ ཟླ་ ༩ ཚེས་ ༡༨ ཉིན། སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་། ཟླ་འདིའི་ཚེས་༡༨ནས་ཚེས་ ༢༨བར་ཉིན་གྲངས་བཅུའི་རིང་། བོད་མིའི་སྒྲིག་འཛུགས་ཀྱི་བསྟི་གནས་གངས་ཅན་སྐྱིད་གཤོངས་ཀྱི་གྲོས་ཚོགས་ཁང་དུ་དངོས་སུ་དབུ་འཛུགས་གནང་། དེ་ཡང་སྔ་དྲོ་ཆུ་ཚོད་ ༩།༣༠ ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་དབུས་བཀའ་བློན་རྣམ་པ། ཆོལ་གསུམ་ཆོས་ལུགས་དང་བཅས་པའི་བོད་མི་མང་སྤྱི་འཐུས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ། ཟུར་ཉན་པ་རྣམ་པ། གསར་འགོད་པ་དང། ཟུར་ཉན་གཞན་རྣམས་བཅས་ཚང་འཛོམས་ཐོག་གྲོས་ཚོགས་ཚོགས་དུས་དྲུག་པ་དབུ་འཛུགས་ཀྱིས་ཐོག་མར་རྟེན་འབྲེལ་གསོལ་ཇ་དང་། འབྲས་སིལ་ཕུལ་གྲུབ་རྗེས་ཚང་མ་སྐུ་བཞེངས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་བཏང་སྟེ། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་གྲོས་ཚོགས་དབུ་འཛུགས་ཀྱི་གསུང་བཤད་གནང་དོན།

༢༠༡༨ལོའི་ ཟླ་ ༩ ཚེས་ ༡༣་ཉིན། དཔལ་ལྡན་སྲིད་སྐྱོང་མཆོག་གིས་ལྔ་དང་ལྔ་བཅུའི་རྒྱལ་སྤྱིའི་ལྷན་ཚོགས་ཀྱི་སྟེང་གནང་བའི་གསུང་བཤད། དེ་རིང་འདིར་ཆར་པ་རྒྱག་སྟངས་ལ་བལྟས་ན། བོད་པའི་འགྲོ་ལུགས་ལྟར་རྟེན་འབྲེལ་བཟང་པོ་ཞིག་ཆགས་པའི་རྣམ་པ་གསལ་པོ་ཞིག་འདུག ཞེས་ཞུ་རྒྱུ་ཡིན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་གུས་ཕྱག་སྔོན་དུ་བཏང་བའི་སྒོ་ནས་སྐྱབས་ནས་དགེ་འདུན་གྱི་སྡེ། དཔལ་ལྡན་བོད་མི་མང་སྤྱི་འཐུས་ཚོགས་གཙོ་སྦྲེལ་པོ་མཆོག་གིས་དབུས་པའི་རྒྱུན་ལས་རྣམ་པ། ཁྲིམས་ཞིབ་པ་ཆེ་བ་མཆོག འདེམས་བསྐོ་ལྷན་ཁང་གི་འགན་འཛིན། རྩིས་ཞིབ་ལྷན་ཁང་གི་འགན་འཛིན། ལས་ཁུངས་ཁག་གི་དྲུང་ཆེ་ཆུང་རྣམ་པ། དེ་བཞིན་རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་ནས་ཕེབས་པའི་སྐུ་ཚབ་རྣམ་པ་ཚང་མར་འདིར་ཚོགས་འདུའི་ཐོག་བདེ་ཐང་ངང་འབྱོར་བར་ཐོག་མར་ངས་བཀའ་ཤག་གི་ཚབ་ཞུས་ཏེ་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་ཡིན།

༢༠༡༨ལོའི་ཟླ་ ༩ ཚེས་ ༡༧ ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་བོད་མིའི་སྒྲིག་འཛུགས་དང་། སུད་སིར་རྟེན་གཞི་བྱས་པའི་ནོར་བཟང་ཐེབས་རྩ་ཚོགས་པས་དཔལ་འབྱོར་མཐུན་འགྱུར་རོགས་རམ་འོག བོད་ཀྱི་ཟློས་གར་ཚོགས་པའི་ཚོགས་ཁང་གསར་རྒྱག་གི་དབུ་འཛུགས་གནང་།

༢༠༡༨ ཟླ་ ༩ ཚེས་ ༡༩ ཉིན། རྒྱ་གར་ཧིན་ངྷུ་གསར་ཁང་གིས་གནས་ཚུལ་སྤེལ་བ་ལྟར་ན། ༢༠༡༨ ཟླ་ ༩ ཚེས་ ༡༨ ཉིན་གྷན་ངྷི་གོ་ལ་ཐེབས་རྩ་ཁང་གི་ཚོགས་གཙོ་སྐུ་ཞབས་ཨེ་སི་ཝི་ཀེ་ཡན་(S. Vijayan) ལགས་ཀྱིས། ༢༠༡༨་ལོའི་གྷན་ངྷི་འཚེ་མེད་ཞི་བའི་གཟེངས་རྟགས་དེ། སྤྱི་ནོར་༸གོང་ས་སྐྱབས་མགོན་རིན་པོ་ཆེ་མཆོག་ལ་དབུལ་རྒྱུ་ཡིན་པའི་གསར་འགོད་གསལ་བསྒྲགས་གནང་འདུག

༢༠༡༨ལོའི་ཟླ་༩་ཚེས་༡༥ཉིན། སྤྱི་ནོར་༸གོང་ས་སྐྱབས་མགོན་རིན་པོ་ཆེ་མཆོག་ནེ་ཏི་ལན་ཊིའི་རྒྱལ་ས(Amsterdam)ཨ་མོ་སི་ཊམ་ནས། ཡུ་རོབ་རྒྱལ་ཁབ་ཁག་ནས་ཕེབས་པའི་ཚན་རིག་པ་དང་ཆེད་མཁས་པ་རྣམས་ལ་མཇལ་འཕྲད་གནང་སྟེ། ལོ་ངོ་སུམ་སྟོང་གི་ལོ་རྒྱུས་ལྡན་པའི་རྒྱ་གར་གྱི་གནའ་བའི་ཤེས་རིག་གིས་འགྲོ་བ་མིའི་ནང་སེམས་ཀྱི་ཐད་ལ་ཞབས་འདེགས་རླབས་པོ་ཆེ་བསྐུན་ཡོད་སྐོར་གསུངས་ཏེ། གནའ་བའི་ཤེས་རིག་དེར་གུས་བརྩི་དང་བསྔགས་བརྗོད་གནང་།

༢༠༡༨ ཟླ་ ༩ ཚེས་ ༡༣ ཉིན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སུ་ཝི་ཌེན་མལ་མོ་མཐོ་སློབ་དགེ་ལས་སློབ་ཕྲུག་རྣམས་ལ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་བཀའ་སློབ་བསྩལ་འདུག

ཧཱ་ཁོ་ཞེས་པའི་སྙན་ངག་གི་ལུགས་འདི་ནི་སྤྱི་ལོའི་དུས་རབས༡༧པར་བྱུང་བའི་ཉི་ཧོང་གི་སྙན་ངག་མཁན་མཱ་ཚོ་བྷ་ཞོ་བྱ་བས་ཡུལ་དེ་གའི་སྲོལ་རྒྱུན་སྙན་ངག་སྟེ། ཚེག་ཁྱིམ༣༡གིས་གྲུབ་པའི་ཐཱང་ག་ཞེས་པའི་སྙན་ངག་རྨང་བྱས་ཏེ་གསར་གཏོད་གནང་བ་ཞིག་རེད། ཡང་ཧཱ་ཞེས་བྱ་བའི་བརྡ་དོན་ནི་རོལ་རྩེད་དུ་གོ་ཞིང་། ཁོ་ཞེས་བྱ་བའི་དོན་ནི་ཚིག་རྐང་དུ་གོ་བར་རིགས་སོ།། དེ་གཉིས་གུང་བསྒྲིགས་ན་ཚིག་རྐང་གི་རོལ་རྩེད་ཅེས་པའི་དོན་ལ་ཉེ་བར་གོའོ།།

རྒྱ་ནག་གི་འདི་ལོའི་བྲག་འཛེག་འགྲན་བསྡུར་ཁྲོད་བོད་རིགས་བུ་མོ་པད་མ་གཡུ་སྒྲོན་ལགས་བྲག་འཛེག་པ་ཨང་དང་པོ་ཐོབ་ཡོད་འདུག

ཡུ་རོབ་རྒྱལ་ཁབ་ལི་ཐའོ་ནེ་ཡའི་(Lithuania)དང་། ལྰ་ཊི་ཝེ་ཡའི(Latvia)ནང་གི་ཆོས་འབྲེལ་མཛད་འཕྲིན་རྣམས་ལེགས་པར་གྲུབ་སྟེ་ཕྱིར་བཞུགས་སྒར་དུ་ཆིབས་བསྒྱུར་བསྐྱངས་གནང་སོང་།

གླ་ཡོད་གསལ་བསྒྲགས་ཀྱི་མ་དཔེ།
གླ་ཡོད་གསལ་བསྒྲགས།

བཅར་འདྲི།